有冇人試過知道咗父母出軌

又細嘈到大
小學開始已經成日夜晚聽到佢哋嘈交
後來初中知道阿媽同同事有婦之夫有嘢
同老豆嘈咗鑊勁嘅之後出面瞓咗兩晚之後返返黎
老母成日話以前老豆都有出過軌嗰啲嘢
兩個關係勁差但係到我依家讀緊year 1兩個都唔肯離婚
對住大家黑口黑臉

都唔知係咪家庭影響
細個一早已經決定咗未來會唔結婚唔生仔
同埋有時候好悲觀成日覺得自己會麻煩到條仔

C打好慘

d假包膠幾好睇

我阿媽都係，明明好似同阿爸幾sweet 咁都出軌，
搞到我就算好鍾意我女朋友都好驚有呢啲事發生
唔係唔信女朋友，但係會成日都會諗呢啲嘢，有種感覺係愛呢一樣好似話變就變咁

利申 同女朋友都係大家初戀

有。有個男人送我媽返屋企，佢地拖住手，我甘都返屋企撞到蹦蹦聲，佢地就見我唔到所以我就匿埋跟蹤佢哋，見到佢地好親暱
我當下都好錯愕，都幾嬲，我冇立即踢爆佢，我為有唔返屋企繼續係條街到行下冷靜下自己，仲唔開心過俾ex戴綠帽，事關我同老母關係都幾好，成日有講有笑
我覺得我唔冷靜係冇可能同佢講到野，最後我過左幾日覺得係時候，叫佢陪我出街行下食煙順便同佢坦白我見到嘅野
佢一開始都話我咪痴線，但我俾證據佢睇完，佢都冇得再隱瞞，我語重心長咁講唔係要責備佢，我都明白婚姻耐左係會冷淡同容易受誘惑，我就問佢係咪同老豆有咩事呀？佢就開始哭哂甘講佢嘅諗法
老豆冇對佢唔好，佢地都好恩愛，但就係唔知點解就沉左個男人船，我就同佢講，我會幫佢保守秘密，但要佢好好妥善處理咗個男人，老老豆豆知道咗唔知點保你囉，佢最後應承左我會離開個男人
我最後補多句同老母講會俾啲時間佢，有咩事都可以我呢個女傾計
我覺得做仔女嘅係好難抽離，但千祈唔好覺得佢哋對唔住你，佢會更加冇面見你，當佢係朋友甘相處，保持中立係最好，因為佢嘅人生點行係佢嘅事，雖然佢係你父母，但其實都係獨立個體，企係佢嘅角度多啲，唔使你去理解佢點解咁做，因為冇點解。

最後最後我喺佢面前Del左張相，黎個和解擁抱

大陸字

咁你點應佢🙈

但係個仔係大陸出世，同唔知咩女人生

香港個邊同呀媽結都三十幾年，個野仔其實可以用咩途徑落香港

等我有個知字都好

細細個已經感覺到2老唔對路
但係家庭教育係好多野唔好出聲收係心入面就夠
典型自己知就算既沉默hi hi
連屋企出左問題都係咁樣處理 怕問多錯多

初中已經有出軌依件事 但係小弟仲有一個細佬仲細
唔想佢知咁多 所以選擇收係心入面等成年之後可以出去搵錢解決屋企問題 即使解決唔到起碼可以獨立帶埋細佬出去住
（依家連自己三餐都成問題 唔好話儲錢）
到考dse既時候 2老終於爆煲係屋企鬧左鑊大既
最後要婆婆上黎做和事佬先叫唔再嘈落去
但係嗰刻開始所有人心入面都有條刺
成個屋企好似獨立個體咁各有各生存 冇任何過問
2老心情好就問候一兩句 心情唔好既話返黎就開鬧但係其實好小事就講到世界末日咁
嗰段時間日日都係到忍忍忍
因為冇得唔靠屋企
自己唔生性淨係想追夢追完個夢先收皮搵銀
個夢又因為疫情停左幾年到依家都繼續停

到頭來都係覺得自己冇用冇出息連獨善其身供到自己出去住都做唔到
成個人生唔知做咩咁
連發覺2老開始有感情問題都做唔到啲咩
諗返如果自己當時有出聲講到 可能依家唔會好似依家咁 咁失敗
Sorry for 1999

仲要偷偷草錢？仲經你老母手？其實都幾可卑

細媽對你好唔好？

係街市人地叫佢靚女就係鐘意佢

之後見面有冇尷尬