《艾爾登法環》(Elden Ring）是一款由FromSoftware開發、Bandai NAMCO Entertainment發行的動作角色扮演遊戲，暫定2022年2月25日於PlayStation 5 / PlayStation 4 / Xbox Series X|S / Xbox One / Steam平台上推出。
FromSoftware的社區經理Yasuhiro Kitao在接受外媒IGN采訪時表示，《艾爾登法環》裡諸如NPC對話，以及其他游戲文本由宮崎英高親自編寫，《冰與火之歌》作者喬治R.R.馬丁主要負責世界架構和人物角色的設計。此外，他表示《艾爾登法環》的故事仍類似於魂系列敘事方式。
睇親d人直播都冇人用右邊個快捷欄
(類似bb 塊touch pad o既袋仔)將d會成日用，但又非緊急o既放落去(召怪骨灰、馬哨)，又唔會佔正常下掣快捷欄 阻礙戰鬥搵水飲
使用方法係menu畫面set完。平時撳三角，之後再撳十字掣↑↓←→
新入坑 Q & A 2.0
成日有人重覆問，廢時再答，下個post可以考慮放頭post
Q1: 職業有咩分別? 近戰職係咪唔可以用法術?
A1: 開角職業只係起手o既初始裝備同技能有分別，而所有技能同裝備o係之後都可以執到/買到
影響o既只有前期o既遊戲體驗、冇咩所謂職業限制
只要你符合件裝備 / 法術o既能力需求就可以用
所以即使你揀左觀星者(法師)，但你升高力量同耐力一樣可以著重甲拎大劍
你揀左英雄(近戰)，但你升高智力，揸法杖一樣可以出魔法
Q2: 有咩職業推薦?
A2: 首選流浪者(vagabond): 純近戰，重甲 + 100%物理盾，穩打穩扎 唔易死
(但初始裝備會超重，要除頭盔 / 矛先唔過重)
次選密使(confessor): 100%物盾 + 補血奇蹟，有補血+盾，開荒探索時續戰力高 更輕鬆。
因為信仰高之後可以做信仰戰士，用火炎系/野獸系奇跡
(中距離法術)唔建議直接揀法師起手，一條mp出得6飛魔法
唔夠你清卒，一定係要近戰為主
天生武器刺劍(囚犯) / 匕首 (觀星者)，普攻扣得少
初期得好少藥水仲要分1,2支俾藍水，續戰力極差
真係想玩法師，可以近戰起手，之後先升高智力揸法杖出魔法 (遠距離法術)
或者直接做信仰戰士用奇跡 (中距離法術)
Q3: 有冇得連線玩? 點連法?
A3: 有連線，主機新舊兩代可以互連 (xbox series x/s 可同 xbox one連，PS4可同PS5連)
但冇跨平台，即係PS、XBOX、PC 冇得互連
正常大部份時間都係單人玩居多，唔好預可以同班fd由頭玩到落尾
場主召喚幫手(白靈) 要消耗道具 （喚指藥），一旦場主死亡/白靈死亡/擊殺Boss後，就要再次消耗喚指藥再召喚白靈
而且召喚期間，場主同白靈都唔可以透過Check Point (賜福) 回復HP、FP同藥水次數(聖杯瓶)
仲有場主同白靈之間o既進度唔係互通，你幫fd打完，你個fd要再幫你由頭打多次，大家進度先會一樣
仲有當你召喚白靈幫手時，同時會引黎紅靈 (敵方玩家)入侵黎殺你
所以係一把雙面刃黎
暫時已知獲得喚指藥o既手段，(唔計路邊執到同部份商人有限量售賣)
只有做白靈被人召喚去幫手，成功打贏boss後嘅獎勵
你要人幫，首先你要幫咗人先
Q4: 冇玩開系列作會唔會好難玩? 有冇得set難度? 好巧技術? 為難而難?
A4: 只有一個難度 無得揀，爆機後2周目開始會更難
地圖探索：
你o既死絕大部份都同技術無關
大多數都係建基於你衝動、唔夠細心
死得黎好合理，同埋有破解方法，絕非刻意刁難
好多時d陷阱係可以避免，你中過伏 汲取過教訓，下次就唔會再俾佢陰到而死
最緊要係唔好氣餒，屢敗屢戰
舉個例子
Boss戰：
你當佢類似芒亨屠龍，俾佢打中2,3下就死，但唔似d龍咁厚血要打成3,4個字
通常3,4分鐘內就完結 (唔係你死就係佢亡)
你要學識睇佢出招，理解到之後就唔難贏
後手必勝，舉住盾圍住佢兜圈，睇清楚佢有咩招先
知道邊d招係細硬直 / 大硬直，等佢出完大硬直o既招先還拖斬一兩刀
死返十次八次摸熟d招就贏到
官方Twitter: https://mobile.twitter.com/eldenring
官網: https://en.bandainamcoent.eu/elden-ring/elden-ring
劇透要四重加密
劇透要四重加密
劇透要四重加密
暫時主力副靈