點樣接受家中寵物生命正在倒數

可能咁諗 係整定嘅 佢都想陪你耐啲 但生死係控制唔到 唯有身後事幫佢做好啲 我揀咗佛教儀式 上網睇咗好多問咗好多人 係能力範圍內做到嘅我都做晒 等佢係極樂世界有得選擇

我揀個間個掣係時間掣 㩒完幾秒後先着 心理上好啲啲 有得揀閂唔閂門 不過我哋都揀咗唔閂 最後一次見到佢唔想佢係密室無人陪住咁俾人燒 最後見到佢變一埋骨 磨埋粉 得返一包仔灰 個心好空咁 咁大隻識行行企企 一齊經歷咁多嘢最後得返一包仔灰

lm

彼此生命都在倒數

撐住呀巴打。生命始於係有時限，佢在生既日子可以有你陪伴已經好開心。放係心入面記念佢

無養寵物但係睇到眼濕濕

揀水化啦，成個過程冇咁恐佈
我隻衰貓係水化，有房仔俾你同毛孩見最後一面
職員會問你洗唔洗留返佢d毛毛，可以剪少少留著
之後就會推走佢入房，唔會見到水化過程
一星期後到就可以接佢返屋企
當時我仲揀左用佢d骨灰做飾物，個心態上冇咁。。。痛囉

我有去過朋友隻狗個送別儀式，我唔係成日見佢隻狗
但佢一按個紅掣真係接受唔到，喊到仆街

除咗要等一星期同無得見住佢燒之外 講到好似同火化無咩分別 本身有諗過幫佢海葬但係佢好驚水 所以放棄咗
等佢舒服啲唔好受苦都好 我依家都係咁諗 我有得揀急救但係急救會令佢腎仔急速惡化 救得返都要日日受苦 最後都係打針走 有見最後一面同佢講晒想講嘅嘢 係好唔捨得唔想醫生打 拖咗一陣 因為拎走晒急救儀器佢都好辛苦咁應我哋 最後都係叫醫生快啲打 同佢講好快無事之後就唔痛 屌個日嘅事我仲記得一清二楚

依家睇返開po先2月尾 但係3月尾我貓貓已經火化咗返咗屋企 希望貓貓依家無病無痛幸福快樂 間唔時有諗返起我

RIP
貓貓一定係彩虹橋開開心心 食好多好多罐罐
佢會一直守護你的
樓主加油

RIP
我家主人都老了 我都好驚呢一日會黎臨
諗下都眼濕濕

貓狗係唔會用眼淚表達情緒 唔好FF

ok你話係咪係

啲人仲FF佢哋會投胎
話死左隻狗
之後生個仔有同胎記 好感動

個仔心諗：仆街你話我前世做狗

狗狗今日過咗身了呢排佢狀態都好差 今日去打完兩針去水同止咳 返到屋企無啦啦就死咗

屏山有間叫善緣寵物善終


我隻poodle 10歲，有一晚返到屋企都仲係跳出黎歡迎我，到食完野就開始發呆無咩精神，之後仲無哂力，半夜送去睇獸醫途中喺車度就走左

之前明明仲係好健康，所以無人預計到，要珍惜每一日。

收到，我都搵到呢家。