如果從一個好大嘅 population 下 (eg. 全香港) 抽出月薪大過中位數嘅人，咁就即係你有 1/2 機會抽到。
如果要抽出月薪高過一個標準差嘅人，咁大約有 32% 抽到。
為咗簡化成件事，咁先假設你覺得人生成功嘅定義係：
月薪高過一個標準差
最白癡嗰種年青熱血思維，就係認為人生成與敗 100% 都係取決於自己，當然如果自己係嗰 32% 嘅 lucky one，咁就會更加用自己嘅經驗 support 自己所謂嘅「成功」，反之佢就會對人生完全失去希望。
---
而現代概率已經發現 Bayesian Inference，簡單啲嚟講人生唔係一個「獨立事件」，而係隱
住一大堆 Given That，即係 programmer 所講嘅 dependencies / couplings
- Given That 你出生喺香港
- Given That 你屋企人住公屋，冇乜錢
- Given That 你冇考入大學
- Given That 你屋企人身高較矮
- Given That 你性格好懶
- Given That 你性格好抱打不平
etc...
𠵱啲一連串嘅 Given That 都會整響住你能夠「月薪高過一個標準差」嘅機率。
咁𠵱啲又係咪宿命？
如果從嗰堆 dependencies 嚟講，可以話有宿命嘅成份。但從機率嚟講，人生又唔係 100% 整定，只算係喺機率上大部份整定。
---
首先要理解有一堆 Given That 係改變唔到，例如家庭、先天資質、天性嗰類，或者可咁講要改都好難改。
而玄學佬玩梗嘅係用現今科學難以解釋嘅玄學模型，推斷出你背後嘅 Given That，而𠵱堆 Given That 可以係可解釋嘅物質世界同未能解釋嘅精神世界嘅 factors
物質世界可以解釋嘅有家底、六親、天生性格、基因嗰類。
而精神世界可以講係影響力更加大，例如運勢、祖先 / 個人福德、鬼神嘅影響、家居風水嗰啲無型嘅嘢。
人類比較難去扭轉物質世界嘅 Given That，或者可以咁講，物質世界上嘅嘢做到你都先會去做啦
如果喺物質世界「努力」做好而成功嘅，至少相信你個人前世福報都幾好、亦冇乜需要尋求玄學，或者就算尋求玄學都只係想更上一層樓。
相反，有啲人喺物質世界「努力」做盡都係失敗，咁可能真係精神世界嘅 negative dependencies 太大
咁點去改善就係你嘅功課。
