飛機上的硬膠
2022-02-26 23:45:53
我認真去答你,你一深一淺已經係中咗。
而家有乜病徵?開始發燒未?
其餘3個屋企人檢出黎係點?
如果全家都快速測試中晒,我建議你聽日出去買定幾日(5-7日)嘅餸,仲有大量Panadol (或其他類似嘅藥)(一人一日6-8粒,即係一日都30粒,1星期份要200粒)
買枝溫度計,仲有測血氧嘅儀器(電器鋪、Hktv mall)
全家留喺屋企,每1-2小時就量下體溫、血氧,體溫過39或血氧一低過90,即刻call白車,再報埋以上2個數字俾佢聽(當然,有好多中咗都無咁大反應)
如果得你一個中,唔該你全家人先上2個口罩(瞓都係)你掂過嘅所有嘢都要噴消毒。去廁所嗰陣痾完記得閂蓋沖廁噴消毒。
無發燒嘅,聽朝一起身,就買堆杯麵、麵包、藥品搵啲2-3星酒店住人去,再自我隔離。係無公徳係播毒,但起碼唔係比屋企人。
你走後全家噴消毒,屋企另外3個繼續上2口罩,再每日做快速檢測(做夠5-7日)。