共匪滅亡之前都會不斷進行分化，將黃圈門檻推到勁高然後互相批鬥，挑撥大家情緒造成分化，最後搞到大家心灰意冷(4)

以下係理論層面去解釋我上面嘅說話：（內容摘錄自高學歷巴打post）

1970年，蘇聯KGB特工Yuri Bezmenov叛變（無中譯，Google譯做 尤里·貝茲諾夫），投靠美國，並公開蘇聯情報部門顛覆敵對國家社會嘅方法。由意志崩壞（demoralisation）開始，令到整個社會感到無助，唔團結，冷感，撕裂，以致崩潰，不戰而敗。呢套理論有學名，叫「顛覆」Subversion，而達到顛覆嘅行爲，就叫做 active measures / активные мероприятия。

2019年，中華人民共和國依舊行使同一套理論，務求不需派兵嘅情況之下，摧毀香港。

Subversion有四個步驟：demoralisation破壞意志+道德，destabilisation社會動盪，crisis災難點，normalisation正常化。

以下係英文原版，RedDragon1會員詳盡中文譯本






個圖最後兩個顛覆步驟冇講清楚：

「Crisis災難點」係指令到社會運作嘅機器失效，即係銀行停止發票，立法會停止會議，法院不能夠再審判。同時間，另類政府組織會冒起，如人民法院。

「Crisis災難點」未直接入「Normalisation正常化」之前有可能會走兩條路：國際介入（多國戰爭），or內戰。但係如果冇呢兩樣嘢發生嘅話，就會直接入最後一步：

「Normalisation正常化」，係指「社會動盪被入侵者完全制止」，蘇聯嘅例子係俄羅斯坦克車入城，將原本親蘇聯嘅內奸、政客殺哂（因爲已經冇利用價值），由外來嘅俄羅斯人清洗一切反抗聲音，「正常化」個動盪。

希特拉亦曾經過類似嘅說話，進一步引證呢個理論

（以下內容摘錄自高學歷巴打post）

今日講嘅伎倆，個淵源歷史悠久，任何古文明都用過：分而治之，Divide et impera，將敵人搞到內亂，漁人得利。

但係香港承受緊嘅，係一個共產主義特有嘅version：文化馬克思主義，Cultural Marxism，係馬克思主義傳承落廿一世紀嘅最大產物。大家諗吓近十年有冇係輿論見過以下嘅非黑直白分壘：

港女vs港男 （性別）
直vs孿（性向）
廢老vs廢中vs廢青（年齡）
xx後vs yy後（年齡）
有錢有樓vs冇錢冇樓（經濟）
勞工vs文書（工種）
追韓劇vs追日劇vs追美劇vs追英劇（興趣）
高學歷vs低學歷（學歷）
名校vs非名校（學歷）
HKUvsCUHKvsBUvsUSTvsEdU（學歷）
已移民vs未移民（國籍）
黃絲vs藍絲vs綠絲（政治取態）
好多分完再分嘅政治陣營，互鬥（政治取態）

香港社會，因爲仲未係完全極權統治，所以仲有思想多元嘅空間，可以容納唔同嘅意見。文化馬克思嘅手段，就係將社會中嘅各種多元簡單化，變爲非黑直白，產生感性嘅內鬥，耗損整個社會嘅政治力量。

==「文化馬克思」嘅歷史淵源==

講起馬克思主義，一定會有好多人入嚟屌我話「你講嗰啲唔係真正嘅馬克思主義」，所以宜家講明我係用「歷史實踐」嘅角度講馬克思，唔係「書本理論」嘅角度。

馬克思主義 Marxism，實踐出嚟嘅精髓就係「階級鬥爭」Class struggle，簡單嚟講唧係話「工人階級」（勞工）鬥贏「資本階級」（boss），奪回屬於「工人階級」嘅「means of production」。好簡單嚟講，就係無權嘅階級鬥有權嘅階級。

原本馬克思嘅Plan係等資本主義自己倒冧，或者工人階級自發推翻資本階級。但係兩者都無實現，所以就衍生出第二代嘅馬克思主義：史太林-列寧主義Stalin-Leninism，同埋毛澤東主義Maoism。兩者個宗旨一樣：既然班「工人階級」唔想發起「階級鬥爭」，所以就由一班研究過馬克思主義嘅「中產階級」成立「先鋒」Vanguard，去幫啲「工人階級」發動鬥爭。Stalin-Leninism係用工廠工人鬥工廠boss（industrial class struggle），Maosim就係用農民鬥地主（agrarian class struggle）。

當然，第二代馬克思主義都係失敗，因爲當班「先鋒」奪權之後，係唔會想下放權力畀班「工人」。所以冷戰時期，第三代馬克思主義就誕生：係西德，法蘭克福學派Frankfurt School將當時嘅歐陸哲學同馬克思主義撈埋，演變出critical theory，最後形成文化馬克思主義Cultural Marxism，將「階級鬥爭」嘅套用對象放大，唔止係經濟階級，而係社會上每一個可以一分爲二嘅層面。

==「文化馬克思」嘅精髓及實施==

文化馬克思主義Cultural Marxism嘅精髓，就係將原本馬克思個套「階級鬥爭」，擺落社會每一個文化差別，將佢兩立化，繼而「階級鬥爭」。得出嘅結論，就係社會係每一個層面上都完全撕裂，內在敵對，摧毀一切嘅傳統同埋團結。呢個理論，可以話係人類歷史上最徹底，最有效嘅「分而治之」方法。

由於佢馬克思嘅淵源，Cultural Marxism嘅實施通常都會涉及「爲弱者發聲/平權」呢讓嘢：
藍絲：所有警察都被社會欺壓
廢青：所有年輕人唔捱得，淨係識怨，蝦大人，整亂香港
廢老：所有老年人恃老賣老，蝦細路

重點大家到見到，係個「全部」，係以偏概全，因爲Cultural Marxism要work，就要簡化個社會變成2-3個完全對立嘅positions。只要嚟啲identity一成立，就好容易好多人自我分組：因爲多元思想嘅社會，一定會有媒體炒作嘅情況發生，而每每令到最多人click入article嘅方法就係簡單化+極端化社會上嘅矛盾，再加上network effect+羊羣心理，大部分人都會輕易被歸邊。

呢個就係文化馬克思主義嘅恐怖之處，因爲佢嘅成功，正正就係寄生於自由經濟社會嘅思想多元之上。好諷刺，一個社會嘅思想越係自由放縱，加上自由經濟嘅傳媒，兩極化嘅「文化階級鬥爭」就越容易出現。

==抵抗「文化馬克思」方法==

一如以往，由於共產式subversion(顛覆)嘅手法都係psychological warfare(心理戰)嘅伎倆，所以抵抗方法亦就係保持頭腦清晰，同埋要明白呢種操縱思想嘅方法背後嘅原理。敵人可以做嘅，只不過係建立一個有利於你畀人分化嘅環境，最終係咪真係被分化，係呢個人意志嘅選擇。

以下列舉其中三類五毛

1.）五毛會扮曬兩家人，通常一邊係縮沙派，另一邊係鼓動派，然後互相對鬧，兼不斷散播負面情緒，達到分化效果。正如你覺得台灣除咗國民黨之外，民進黨唔會有共諜咩？香港呢邊建制固然係親共，但共產黨亦都唔會傻到一隻人馬都唔會安插喺泛民嗰一邊。我唔係話咁就乜都唔去理乜都唔支持，而係大家都應該要有返個正常批判性思維去諗嘢

2.）另外，佢哋亦會熱狗式放負，無論你做乜佢地都會揾到嘢鬧，最好乜都唔好做，因為唔做就自然唔會出錯，正正因為咩都唔做，正合極權所需，而如果真係咩都唔做，佢哋又會笑你咩都唔做輸啦輸啦，雞蛋挑骨頭就係熱狗式放負嘅一大特色

而其實所謂踩港撚九成都係五毛（其餘一成就係弱智跟風on9）目的旨在消滅香港人對自己嘅自信、自豪感、優越感，同埋對彼此嘅感情，製造互不信任、互相猜疑、自暴自棄嘅氛圍，從而穩定政權。以下現象為其中一個表徵：

大家有冇發現，連登總係有一班人，無論你做啲咩嘢，都可以有位話到你，一日到黑不斷講輸啦輸啦冇人做嘢啦，你唔做嘢佢地會話香港人係奴隸係抵死係癈柴，你去做佢地會話得雞水咁小力有咩用呀邊夠人鬥呀，不如放棄啦做隻港豬算啦，當社會上有一大班人去做嘅時候佢地就會笑你係送頭係戇鳩，跟住就會講人地食花生睇戲呀你地就繼續做傻仔幫港豬移民走啦之類嘅說話內容。佢地真係同路人？大家試諗下，如果真係手足係會俾建議幫手補鑊，即使有唔同意見亦唔會淨係留言不斷笑香港人送頭嘅撚樣，冷嘲熱諷撚一黎只會對件事無幫助，二黎只會散播失敗風同打擊士氣，令人遺憾嘅係有唔少傻仔上咗呢一班人嘅當連自己都講埋一份。呢一班究竟係咩人，自己諗。

（依照經驗所得，發現呢類人未必係五毛但可能係思維唔發達而周圍放負嘅on9，正正係因為自己解答唔到革命難題，又想急功近利，提出一啲不切實際嘅要求（eg. 200萬人勇武，放諸全世界嘅stat都係冇可能）。當人哋解釋完/ 鬧完自己又駁唔到，但又接受唔到人地批評自己，老羞成怒，開始一味笑人「一講乜乜就屌人乜乜」，最後變成一個好嬲好嬲，然後上連登笑人好嬲好嬲嘅冷氣軍師，從中獲得「眾人皆醉我獨醒」嘅心理優越&安慰感。由呢一刻開始，思維因心態而扭曲，言論亦變成放負為主而無實質上嘅建議，呢類人即使本身唔係五毛，但行徑上已經同五毛無異。）

For example:

五毛/ 弱能思維on9：
一）繼續快樂抗爭啦你班廢柴剩係買嘢就可以打倒共產黨啦

二）成班和理非去shopping 就當自己出咗一份力，當手足condom

三）叫你衝又唔敢衝學咩人搞革命呀

四）好嬲，食黃店先

五）人地緬甸人勇武過你香港人多多聲啦香港人就係垃圾

3.）至於香港/ 台灣/ 澳門嘅關係上，因為台灣/ 澳門同香港都係受共匪壓迫嘅受害者（澳門情況比較特殊，作為受害者嘅黃絲可能只佔人口10%左右）佢哋嘅共同敵人都係共匪，而共匪自己深知呢一點，所以要千方百計喺三地搞分化，遏止三地團結嘅任何可能性，削弱三地反抗力量，再逐一消滅。所以，連登同ppt互踩港澳台（或美國等國際線）嘅人極大可能係五毛所為。但係三地仍然有唔少傻仔上咗五毛嘅當，甚至連自己都講埋一份鬧台灣。所以大家要有批判思考，唔好咁易中咗五毛分化計

蕭若元話唔打針嘅黃絲係屎黃粉你又點睇？

佢同熱狗笑人黃屍有咩分別？

蕭若元咁樣算唔算搞分化

大紀元同法輪功真係成功被抹黑好多年。

所以控制輿論同教育，係培育奴才嘅好手段。

太長無人睇

五毛技倆千變萬化，三言兩語好難令人明白呢個post嘅內容只係好通俗嘅淺見，認真要講嘅話應該可以寫到本書出嚟

推下

出面群魔亂舞, 又要推下

最近係移民