我老公覺得所有野都係AA先係啱

話說我同老公一齊左4 年跟住就結婚差唔多2 年，已經一齊6 年了。
以前拍拖我覺得啲野係AA 都ok, AA係講緊我地搭小巴比現金 $20 蚊都要各自比返自己戈$10。
其實我一路都知咁樣好搞笑，我身邊嘅朋友都覺得我地好怪，即係如果你一餐我一餐都無咩問題，但我地唔止係租金日常用品全部一人一半，每餐都會計，連去7-11買支野飲都會AA。
到依家結左婚，我地都會maintain住一個表入住啲洗費，去到月尾就會除返開，每人一半。

後來，我就問佢，可唔可以 你比租 我比其他雜費，又或者我地照平均比，咁你再比少少家用我（我無講銀碼要幾多，其實你比一千我我都好開心，我唔自在啲錢，係自在佢有無呢個心）但佢話 ，點解要比，除非我無做野，佢先會比，同埋佢話家用係比個家，係應該大家一齊比，唔係佢單方自己一個比我。 我就同佢講，有啲男人係成款身家比晒寵婆管，再配給，我又唔係咁變態，我只係想象徵式有少少好似我男人比錢我咁，但佢唔肯。

佢話點解要男人比多啲，男女應該平等。我agree 但當結咗婚嘅時候，老土啲講句，男人係要有多左個責任架嘛，再加上都一齊左6 年，我係唔係個貪錢嘅人，佢都知啦，唔係一句搵差唔多錢就所有野都係AA掛？

我想知其他人嘅老婆係點同老公相處係呢方面？

男女係應該平等，你應該問佢生仔d錢係咪都要AA，懷胎十個月佢點分俾你？

下下計住計住都ON9

其他人兩公婆相處又點?人人溝通相處都唔同方法
你覺得依家唔舒服咪出聲

condom錢AA?

我地唔打算生 所以呢個問題佢唔會答到我

你老公都幾小家
定係唔搵得
我都唔會同女朋友咁下下計住

我就係出聲 我問佢比家用或零用錢我 但佢話唔比我😂 仲話人地係點相處 我地唔一定要跟

係呀 真係架！

佢都唔係搵得少 當然唔係個個月十萬咁啦

唔係應該男要俾多啲，而係樣樣都計住好on9

相處方式個個唔同 你覺得唔舒服就講

咁似我嘅
我都係同老公每人擺同一筆錢落聯名戶口
之後有個表mark返每月開支
再係聯名拎返出黎

可能係我寵慣左佢
我諗住拍拖就唔好成日要個男比錢
我驚第時分手好煩

我地搵嘅錢差唔多 可能我有bonus 會多過佢啲 但佢前景或第時再搵工就會多過我啦

你要佢嗰一千蚊係想證明啲乜？

生日/情人節都AA ?
買蛋糕？
結婚戒指？

家務平分？
佢有無照顧到你心靈上嘅需要？
節日使費都係AA?

我講完 但佢唔聽 仲話我怪 話唔係通常都係男比多啲，亦唔需要跟人地戈套😂

不過又無得咁計嘅
我愛佢所以又唔太介意
佢錫我就得
同埋啲家務比晒佢做

一開頭你知道佢係咁嘅人就唔好一齊
你係想有改變佢嘅心就繼續
呢樣野就係錯
冇人可以改變到其他人
只有自己改變自己

係呀 以上都係AA 除左求婚戈隻戒指唔係AA

拍拖係咁就預咗結婚之後就係咁，除非你事先同對方講明。感覺你老公性格好倔強好有原則，講黎都係嘥口水

家務可以話係平分
我想請鐘點 佢唔肯 所以我地大家都有做
節日洗費都係AA

佢會唔會買下野俾你？節日plan下去邊？
除咗AA黎樣野，你覺得佢錫唔錫你？