有抑鬱的你用左幾耐好返/停藥?

我之前都係食Lexapro, 基本上頭一兩個月唔係醫緊你,而係要捱佢嘅副作用(超攰唔想郁淨係瞓個腦放空), 過左呢浸就會漸入佳境,但都只係好三四成左右,而我當時係死頂照返工,因為發覺返工令腎上腺素上升,會令症狀得到抒緩,個人會精神番,只係每次放工,就好似洩左氣嘅波咁,一返屋企就要瞓...呢個階段我都持續左半年左右,一年後已經冇大礙,但feel到身體唔係百份百復完,所以keep住食藥,大概食左兩年幾停左藥,之後都冇乜野...以上係我經驗,希望幫到你

大家咁話
我都好想去旅行啊

希望食多一排會好啲
我都係一返工就可以好精神
但一收工上巴士就可以謝曬皮
無理由24個鐘都keep住返工
奴隸命

你本身喺因為咩事而誘發抑鬱？

食藥係唔會好翻
係英國食過citalopram同sertraline一年
作用係禁住你其他情感令你唔會覺得傷感
唔代表你開心左
所以點解抗抑鬱藥又叫傻仔藥或者懵仔藥
我最後可以話係不藥而愈
因為我知道有一刻揾到自己點解咁唔開心
明白到呢個係不能改變既事實
咁我選擇接受呢一樣野
然後毅然斷藥
跟住幾個月後就繼續正常生活

當然，我呢個方法唔係人人work
但首先你要知道係乜野令你咁唔開心

工作係令我發覺自己要崩潰，要搵人幫
但其實之後每次trigger到都係家庭問題

好勁！我覺得個下心態都好重要
但有時硬係知道個事實都改唔到咁
食藥真係食到無曬感情
就算想喊都喊唔出

自己停？

家庭真喺最難處理同埋好難避免 我到家陣都好容易俾屋企人影響情緒

唔知 食左12年

7年都未好得返

係啊希望捱多兩三年可以搬走
但短期都仲係要受佢地影響

停藥辛唔辛苦

加油 記得keep住食藥

我就食咗一年半嘅精神科藥物，之前食開Pristiq 25mg，後來加到50mg，至後75mg，好似有加到100mg。

但上年11月，中度至嚴重抑鬱復發，轉食Brintellix，頭幾日食5mg，之後轉10mg到依架。

另外有食Abilify 2mg，但我同醫生講屋企人好似覺得我肥咗（佢哋唔知我睇緊醫生同食緊藥），當然自己都有留意到肥咗，醫生轉咗食Latuda 40mg到依架。

好彩嘅係q仔25mg唔洗加，靠佢瞓得幾好

因為我睇緊私家同時接觸緊表達藝術治療，雖然復發個段時間好痛苦，但起碼可以提早覆診，有條救命繩支援自己

最近情緒都算平穩，希望我同依度嘅巴打絲打情緒平平穩穩

18年尾開始食藥，藥量不斷加上去。21年終於頂唔順食藥食到溫溫燉燉嘅自己，年中自行停藥但間唔中都會fuck up。

我岩岩開始食緊pristiq 75mg 加lexapro😵‍💫
感覺還可以 希望保持到
次次轉完藥一兩星期後又會打回原形

btw想問下你會點形容自己個次為止抑鬱發作？
我有時唔係好分到係發作定純粹好頹無心機

希望你都愈來愈好

其實我都唔知係復發架，係我有段時間持續想傷害自己，例如：想鎅手、跳落路軌，個人好低落、覺得好絕望、好無助之後就同診所講想提早覆診。

嗰次覆診，醫生建議我放病假，而因為咁隔一星期再覆診，仍然冇乜改善，醫生決定轉藥兼寫定封信俾我有需要自行入A&E，當時佢係封信寫我係「中度至嚴重抑鬱，現在處於復發」我個時先知自己原來復發緊

我唔會話啲藥係神仙藥可能真係要慢慢搵隻夾到自己嘅藥

你都要好好照顧自己希望你都有人支援到你

食2隻抗抑鬱，
2隻鎮靜劑。

超過3年

同感
基本上而家就算笑到肚痛 個一刻之後（可能講緊半日後）已經諗極都諗唔返起因乜咩事笑 更加唔好講「諗返起都好笑」
諗嘢方式同好多人都唔同，成日比人話理解唔到
同埋記憶力差咗好多 慘在唔開心/柒事幾小事都好都會瘋狂重播
睇過幾年 藥又食過 心理學家又見過 唔特別覺得有咩效

連登都幾多精神病患者

可唔2可以分享下你地點解咁抑鬱
抑鬱果陣，精神同心態係點?

少少啦，不過還好，我食咗一個月only