有冇人已經del咗foodpanda

藍del

別人恐懼我貪婪 咁我即刻去送外賣先

我單手 尋日送左一日 今日頂唔順 放番兩日假先落雨都唔緊要 好閒 但濕凍真係好難頂 衫就著得夠呀 褲都著兩條 但手套濕哂再揸車啲凍風吹埋黎 隻手凍到硬哂剎車都剎得慢啲
我明白惡劣天氣先會多單做 但真係頂唔順pandamart又叫野飲又叫米 啲紙袋一濕就收皮 尋日送米行行下爛鳩左 捧住啲米行

明白而家叫外賣運費貴 叫食野都貴 唔比貼士都正常
我尋日送左27單 一單有3$貼士因為現金單唔洗找 其餘都係放門口不過依啲天氣都照開工 有幾蚊貼士送完個人都開心啲

另外因為啲單多到根本做唔切 去到拎得啲單都係成粒鐘前既單 送去到都凍 啲客又黑面 我又冇癮
落雨地下又跣 依個慢慢揸都可以解決到 但戴口罩啲霧氣加埋啲雨水 戴住頭盔能見度真係得番一半左右

之前我叫一包8kg米已經覺得好唔好意思
點知有人叫咁撚多

仲有依單野掛完係門口 佢5個餐 個紙袋條繩唔夠力 一秒後斷左成個袋爛鳩哂 跌哂落地 個客又灰我又灰 即刻搵cs退番哂啲錢比佢

依度4包兩kg姐
大把人叫一大堆野飲 重到閪不過我揸電單車都冇咩野 去到樓下拎上去都好快

咁樣可以退全數？

辛苦曬
你地好偉大

真係辛苦工....
巴打全職?搵幾多?

落雨仲靠紙袋？根本on9，一濕就霉
正路要放保溫箱

偉咩大丫 咪又係外賣仔 冇技能既開唔開工自己揀 惡劣天氣人棄我取 如果今日十三四度我都會開 但真係頂唔住

有幾多人會晨早流流送外賣

我放車個保溫箱 但落車個箱唔會特登拆架嘛我都已經跑過去 跑跑下就爛鳩左

講真真係唔辛苦（講緊車手）
全職呀 以前做旅遊業無得做
我做左一年左右 都係大概兩萬零到三萬頭咁
好多人搵好多 但我揸車基本上唔攝車同埋唔會亂鏟上行人路去到最近個位 所以搵得少過其他人因為我好怕死同驚影響到人

Markup餐 加運費 又等得耐

你都係少有嘅好人
大把人理閪得你

可以 但要車手搞先快 我地車手可以搵cs講炒餐 但我地會收警告 好多人狗閪炒左照送 到你地搵cs就好撚難

所以我成日比啲阿差同線界車 但下個燈位會見番佢 根本快唔得幾多 panda同deliveroo我都有做 雖然foodpanda單錢少啲 但勝在唔會點樣跨區 deliveroo單錢高啲 但跨區既機率大好多 唔夠接單率又冇獎金 所以我見有啲人話叫Deliveroo個車手無啦啦消失其實我都知點解 因為有啲狗閪招數可以出可以唔送又唔洗扣接單率

次次凍加落雨就好多人叫,梗係唔夠人送

點解會搞你架車？

ok喎份糧
返幾多日 幾多粒鐘??

唔係搞我架車 可能你冇揸車你唔明個意思 我意思係話我係一條線行行吓佢喺我側邊飛過去爬頭 唔係正常程序咁樣喺隔離線過