終於明白點解唔好亂搵SP….

小弟由中學開始沉迷交友app，自此不斷搵唔同嘅sp/fwb，多到計唔矖。我成日都同朋友講笑話自己差唔多約曬成個app嘅人。直到我識到依家嘅女朋友，先決心戒甩呢樣嘢。我以為之後都可以永遠脫離交友app嘅擺佈，點知原來真正嘅惡夢先啱啱開始。

就係尋日，我送我女朋友返屋企，然後佢話俾返個營我，就叫我不如順便上埋去拎。一上到去就見到佢屋企人，不過都冇乜嘢，因為之前都有見過佢父母。
點知入到去見到一個好熟悉嘅面孔，女朋友話係佢妹妹，我嗰陣真係呆咗成個人僵硬咗企喺度。因為眼前呢個女仔就係我以前交友app識到嘅sp，仲要約過好多次…….我都睇得出佢阿妹嗰一刻係有啲驚訝，但係好快又好似冇事咁，好自然咁同我講嘢。
女朋友父母都好似好鍾意我咁，叫我多啲上去，阿妺就冇咩反應，女朋友好開心，我自己就覺得好尷尬、內疚、唔舒服，唔知道以後應該點面對。

我都知我抵屌，或者真係報應。我好愛依家個女朋友，但係呢啲嘢冇辦法坦白，唔想拆散人哋頭家。
剩係想用呢個經歷奉告大家真係唔好隨便搵sp，因為你真係唔知道嗰個人將來會以咩角色係你嘅生命中出現…

挑 仲以為你SP 係外母

我以為係呀妹加外母