焦慮型依戀 圍爐

今日同朋友傾計，同埋心理輔導完，發現自己係焦慮型依戀

本來都唔覺得，係同男朋友相處個陣有意識到某啲問題存在。 但從來唔知呢種感覺就係焦慮型依戀

我可能未係好嚴重嘅情況，但當個一種反芻思考同鑽入黑洞嘅感覺都好難受，好折磨自己同身邊嘅人，好討厭咁樣嘅感覺 但我知道我要慢慢接受，呢個係自己嘅一部分

睇咗下面篇文，感覺好好多，至少有個方向去提醒自己！
唔好再沉落去呢個無底深淵

有無焦慮型依戀嘅巴絲分享下過來人嘅經歷？
我知另一半嘅支持好緊要，佢都改變緊，開始知道點樣令我會好啲，但明白自己都要改變

唔好患得患失，要多啲向另一半表達自己點諗同想要點 太多假設會整死自己 呢條改變嘅路好似好漫長，不過想自己而家擁有嘅關係更美好，想對方想自己幸福，就要改變！

好文共享！

https://bonsunshine.com/anxious-attachment/

你係好嚴重個種定點

應該係小時候有情況令你不安
只要堅持輔導將創傷減去就得啦
加油

自己都有諗過呢種焦慮型係咪唔適合拍拖
但唔係，每個人都值得被愛

我都係焦慮型嘅男仔，坦白講唔係冇得「醫」，不過真係要另一半無限包容同埋自己都要走出comfort zone

最緊要係學識同自己溝通 每次嚟料都要同自己解釋返 唔係自己諗嘅咁樣 慢慢養成習慣 一嚟料就會「說服」自己

一拍拖就係咁 迫死另一半
平時正正常常 朋友都鍾意自己

巴打你都好叻啊！
我都會試下每次嚟料就同自己解釋！

睇完你講我好似了解多咗自己，我屋企都係成日否定我，我都發覺自己成日都想得到人認同，見到人哋唔想同我做朋友就覺得自己完全被否定

如果你喊，屋企人問你又做咩喊，我睇字面上就只係想了解你唔開心嘅原因，從而嘗試開解你，而未必係要否定你嘅

你覺得入黎鬧依啲人可以等佢地醒定點

但我諗入得嚟嗰啲都係開始aware到自己嘅問題
明明樓上啲人都係學習緊反省同檢討緊自己
你鬧佢地係毒瘤 同埋叫佢地再搵人控制嘅出發點到底係乜
如果係發洩或者睇死依班人嘅話 咁我希望你講完之後個心好過啲

而喺度圍爐嘅人見到唔好有太多hard feeling

希望你地都記住依位絲講嘅野
可以將經驗轉變為進步嘅動力 學習相信伴侶 亦相信自己可以改變


你可以唔信attachment style依個心理學理論
但你走入嚟踩場 將自己嘅意思套入依度嘅人身上
係咪覺得自己好巴閉

如果你係想否定人地受過嘅感情創傷
覺得只係bullshit嘅藉口
乜野焦慮逃避依戀嘅人全部都係自己垃圾行唔返出嚟所以變本加厲做控制狂/逃避狂
咁你求其講d書名 被討厭的勇氣呀嗰啲
出嚟叫人睇都好啊

你話你睇衰依班人 對佢地咁好做乜
冇問題 你繼續做潑婦我都ok冇問題
反正都唔係未見過你狙擊人太嫲

利申返 我係安全型嘅 唔係你口中嘅控制狂
你啲comment嘅每個都比腐皮嘅都係我

樓上做乜鳩
睇字都覺得尷尬