拍拖多年然後分左手嘅你，而家幸福嗎？

我都想知

但有時失眠先最難頂….仲要無啦啦流淚….個種孤獨感無力感…好辛苦….

其實自己都好衰 好細路仔 果時太嬲 將佢WhatsApp名改做臭雞呀 水炮車呀咁樣（佢比個消防員溝左） 而家諗番畢竟一齊左7年 都曾經係我最重要既女人 但咁樣稱呼人真係好小朋友 希望大家都可以從錯誤裏成長

拍左4年幾 分左大半年
想佢快啲轉到工
識到岩佢既人
佢幸福就最好
雖然偶然聽到感觸既歌
諗起以前既回憶會哽咽一下
好快同自己講繼續向前行

7年幾8年被帽lm

拍咗拖7年半,分咗手3個幾月

依然掛住,依然傷心

不過我覺得幸福
當我喺懸崖既時候,我見到有好多朋友好用力地將我拉返上嚟

拍左十一年，因為好多令人誤會，但其實無越軌既舊wtsapp對話記錄， 散左。絕到連解釋既機會都無 就已經人間消失左，我想講唔好因為誤會令自已遺憾。

利申：本身已經求左婚，埋門躂Q

Wlm希望你見到可以比機會我地當面講清楚

me2
仲會傾計

一樣
身邊嘅人真係好好

拍左7 年被帽
仲要賣埋樓分錢
你地個個都遇到好既現任
係就係有女朋友, 不過覺得其實唔係好岩, 但係佢又好鐘意我
唔知係咪其實仲未走出陰霾
其實覺得錢同埋自己最實際, 佢同我一齊都係想我埋佢單

拍咗8年，疫情關係2年冇見
最後變淡而佢又唔想結婚
所以我提出分手
佢係一個好好嘅女仔
希望將來佢會幸福

而我最近都有新對象
努力磨合緊

5年前分，拍左8年

而家幸福人妻

拍7年半，分開半年
係我講分開 但講嗰陣時仲愛對方
冇第三者

咁多年需要佢支持嘅時候佢都不在
甚至惡言相向
最後一年好多時都覺得好孤獨
夜晚喊完一大餐 第二日都會笑著俾佢想要嘅生活佢

結果有日佢只係因為小事黑面冇講嘢
想我同以往一樣踏出好多步去氹佢
咁就成為最後一根稻草
令我覺得自己好可悲 覺得自己都想被愛
就決定離開

每當以前嘅回憶衝出嚟 令自己唔開心
我就會提醒自己點解要離開
亦唔後悔

曾經有段時間對自己同愛情失去信心
依家遇到現任 再次學習相信返愛情

咁似佢尋晚咁樣講
但我冇話返佢轉頭
唉....

乜家下啲人咁長情

雖然冇拍拖好多年, 但分手嗰陣都好痛, 曾經覺得佢係可以走到最後嗰個亦都一齊談及過未來嘅規劃, 估唔到分手可以嚟得咁突然

分手嗰陣每一日都喺度諗緊點樣可以復合, 無論係拜神占卜定星座運程都試過, 但其實而家諗返轉頭, 就算係返埋一齊, 當初分開嘅原因都冇解決過, 反而要雙方再經歷一次分手其實大家都好痛苦

分咗手大半年, 佢依然係我嘅記憶入面, 有時發夢會夢見佢, 有時會stalk佢, 但係我知道我哋唔可能, 亦都唔應該係返埋一齊, 因為分手嘅芥蒂唔容易消去, 反而我會喺度諗, 佢去認識一個新嘅女仔可能可以無憂無慮咁重新開始, 所以我都好努力克制自己唔再搵佢, 只係想佢之後都可以開開心心

當然同時我都利用呢段時間令自己變得更好, 因為我相信總有一個更加適合嘅人喺度等緊我, 既然當初有緣分相遇, 可能經過一段時間之後我哋會以朋友嘅身份再次相見, 又或者再次重新相愛再續前緣, 但無論如何到時一定唔可以輸畀佢！要成為一個比佢更好嘅人

佢第一次拍拖 我就拍過幾次唔長既拖

咩事散

呢啲嘢真係急不來，而家嘅辛苦都係喺呢一段感情嘅體驗，試想像你下一個對象就係對的人，然後就冇得再經歷呢一種傷心喎，所以樂觀啲去睇而家呢種感覺係難得嘅人生經歷

令自己變得更好應該係結果，而唔係迫自己要做嘅事，多啲同唔同嘅人傾下偈，做多啲唔同嘅事(做運動真係好重要！)咁慢慢就可以令自己開心啲，大家都要加油呀