醫管局：輕微病徵都唔一定要睇醫生，無病徵更不需要睇醫生

https://www.inmediahk.net/node/政經/七間指定診所今日運作-醫管局：無病徵確診者不需要睇醫生

【獨媒報導】七間「2019冠狀病毒病確診個案指定診所」今日起正式運作，醫管局策略發展總監李夏茵今早在記者會上稱，指定診所的作用為協助病徵輕微的患者，以減輕急症室負荷，但同時呼籲「就算有輕微病徵都唔一定要睇醫生」，「無病徵者更不需要睇醫生」。

醫管局策略發展總監李夏茵今早在記者會上指，七間指定診所醫生會根據臨床指引及病人情況決定病人是否須即時送院，而到訪指定診所必先電話預約，避免人流聚集。被問到指定診所熱線是否足以負荷，李夏茵則強調市民應自行分流：「輕微病徵都唔一定要睇醫生」、「無病徵更不需要睇醫生」，並指如1000個名額額滿後，屆時可作出調配以增加名額。

她補充，嚴重病徵包括孕婦胎動減少、呼吸困難、腳步輕浮、頭暈、胸口及肚痛及排不出小便，如有以上情況，就應即時到醫院求醫，而非到指定診所。李夏茵亦指出，現時醫管局除了提供短訊及熱線服務，以發放一般健康資訊及注意事項外，並有透過已有系統「護訊鈴」優先處理複雜的個案，如孕婦、小童及長者。

今月底會增加「遠程會診」及「通報監察平台」

李夏茵另提到，除了指定診所的「面對面」會診，將增加「遠程會診」服務。「遠程會診」即由私家醫生致電病徵輕微的確診者跟進情況及提供即時建議。李夏茵解釋指，屆時確診者有機會被轉介到「護訊鈴」或「遠程會診」服務跟進，並預計今月月底正式運作。

她亦特別提到，醫管局現時正與創新科技處研究一個通報及監察平台，讓確診及隔離檢疫者可透過平台，報告病徵及快速測試結果，屆時再有醫護人員跟進，亦預計今月底能開始運作。

而就日前特首林鄭月娥宣布最快在週五啟動的「抗疫的士」服務，被問到確診者到指定診所是否一定要乘搭「抗疫的士」，李夏茵則稱醫管局非負責部門，暫無相關資料提供，但她特別感謝政府作出相關協助，並感謝前線醫護的努力及市民體諒，呼籲市民儘快打針。

咁樣仲點解要隔離

唔睇醫生又點囉醫生紙呀 on99

咁點清零呀

同政府背法背遁而馳，係咪又犯國安法

唔使睇醫生 係咪可以如常生活

係咪暗示共存

一個醫管局認證中左都唔使睇醫生嘅病，其實有冇必要清零？

共存

要醫生紙先可以拎病假，無醫生紙就返工傳俾同事

係咩

口講清零

外國咪就係咁

姐係繼續返工啦

老閪都等入院啦 留屋企博惹屋企人咩

無病徵咁到底有無病

唔得 堅持清零 點可以共存

隻病毒咁撚恐怖點可以唔去睇醫生
係咪痴線架
要渣車點對點咁樣去醫院
留係屋企一陣又垂直打橫打斜井字過三關傳播點算好

大佬香港人要番工嫁，唔睇醫生拎假紙點請SL呀

話畀人聽中肺炎好恐怖又係你
話畀人聽中肺炎冇咩事唔好睇醫生又係你
威啦

動軚清零
轉個彎搞掂