有無巴絲打鐘意玩Paradox嘅戰略game？(10)

有冇啲有挑戰性嘅國家介紹下

想問下點先可以控制好個熱度? 有次我見到波羅的海立仔被英國保獨，好彩用國策食冇觸法大戰....

Ethiopia

依個係挑戰自己定虐待自己？

對於有被虐傾向嘅人嚟講係享受

利申我唔係

波蘭試下玩羅曼諾夫，逆襲蘇聯起斯拉夫帝國
用匈牙利、捷克、克羅地亞甚至係奧地利重建奧匈
土耳其玩蘇丹
希臘玩拜占庭
保加利亞玩共產巴爾幹合眾國，或者沙皇恐嚇流，都冇趣味

法國放阿爾及利亞出嚟玩，可以重建安達盧西亞，體驗下通用國策簡單粗暴有幾勁。

其實熱度點都會超，你要做嘅嘢就係呃保獨

搵啲傻仔民主同中立國家做宣稱，例如造荷蘭、比利時、伊朗、沙特、不丹、尼泊爾呢啲你唔會第一時間打或者直頭唔會打嘅國家，等英國哂政治點保障獨立，見到保獨就即刻取消正當化。

愈保得多佢就要用愈多政治點保下一個（所以美國開局保25個美洲國家，唔會有幾百點去保波蘭）。

呢個就係托洛斯基嘅優勢，佢10日一個宣稱，基本上英法加拿大唔存在儲夠政治點 保獨嘅可能性。保咗5個傻仔國家之後佢唔會夠你快

羅曼諾夫要行法西斯線？

Ramanov係行monarchist但係要拒絕兩次其他candidates先會出嘅hidden option

有興趣，但要點拒絕兩次candidates?

係咁先trigger到romanov candidate個event

選王會有4個王位候選人，
分別係波蘭王子、匈牙利王子、捷克王子同羅馬尼亞王子，分別有唔同嘅嘅buff 。一旦你揀中其中一個，揀咗「他就是我們的國王」嘅選項，選王大會結束並且你揀嗰個會成為波蘭元首。

如果你第一輪4個都唔揀，4個都揀咗「再等下一個王位候選人」，咁樣佢地4個就會再入第二輪嘅選王大會，再依次彈4個候選人出嚟。一樣揀中其中一個就會結束選王大會。

如果2輪都無揀到人，王位會繼續懸空。再等一陣就會有「羅曼洛夫歸來」嘅事件，就係隱藏路線嘅啟動條件。只要揀咗佢做國王，就會由佢做波蘭女王，開啟隱藏國策。

與此同時如果你再做埋波蘭熊成就，會再有彩蛋。

君主線？

其實有冇人會用心去ship design CV BB CA 呢d
因為你改裝完 佢要用勁長時間去refit 起架新既都係勁曬時間

冇，我有時間寧願試下唔通國家，難得買齊所有DLC

好有用，以小搏大打贏皇家海軍就靠船艦設計。

最平就係40年潛艇裝通氣管，係比斯灣佈雷，然後襲擊運輸船釣大艦隊同你決戰。

或者整輕炮重巡+魚雷驅逐艦，鬥快清細船打到佢無屏衛效率就可以清大船。

最後就正路4cv 8bb 48dd 靠艦載機殺大船打正面決戰，或者巨艦大炮整10架副炮戰艦面配40驅逐，男人浪漫大炮清船。

咁cv bb都用原有啦 應該唔會特登去起

只會用心設計潛艇
因為production cost低 可大量製作

如果係小國既話 我直頭連destroyer都懶得整

係。
不過有啲國王可以點法西斯國策。

我就係分左捷克之後
都係俾德國宣就放棄左

我都有簽互不 以為冇事
佢夠膽cancel 再宣

所以我會拖到positve多過negative一個point果下先簽 至少保一年和平
最多咪用最賤招既save load

呢條線都幾勁，不過入軸心好似會易玩啲