最重要係，成為Telegram騙案苦主後，報狗只係一種儀式，呢種case係從來都唔會查到野，Telegram係最好嘅隱身工具，根本唔會有人追蹤到你。
我中過一次伏，手法 係咁：
1. 騙徒先開一堆 “價值投資” Telegram群組，random加一堆人，另外事先準備一堆分身ac (或者可能係集團嘅其他人）。
2. 騙徒會扮係投資專家，用一張著西裝人士嘅相做Profile pic。 會搵一個ac做助理開group，自抬身價。講到自己非常正路：
3. 投資專家會響個group度講好多股市分析，投資教學之類。分身ac會開始問問題，投資專家答下，分身ac又吹捧下咁。
4. 以上係建立可信專家形象。其實好難有人會即時諗到有咁多媒。心水清嘅可以發現有好多個呢d group存在，而呢d 媒全部人都係響所有group入面。
5. 下一步就係搞一個 “財富增值計劃”，招收學員教投資，通常都係推介一隻股票短炒，最緊要係唔收錢教你，等你真係做到財富翻倍先收相應指導費。“開始”咗幾個星期之後，因為分身ac 嘅大量吹奏，以及投資專家“開估”今個星期賺咗幾多。去到呢個位，會開始有人信呢位投資專家係有料嘅。呢個指導計劃去到呢個位又睇唔到騙案成分，因為個投資專家實際上係拎唔到你任何錢。
6. 你以為佢會俾你參加呢個計劃係買股票？你就錯了。佢只會叫你買一隻crypto，理由係資產要diverse。佢會教你開個幣安戶口買USDT，再將USDT轉去一個（其實係自己設計嘅）交易平台投資一單唔存在嘅ICO。到咗呢個位，你已經中招了，因為D USDT其實係過落去佢個Wallet, 而唔係你嘅Wallet。你根本係冇買到任何野。
7. 你以為隻幣係有得放返做USDT，但系統上係操作唔到。佢會搵個理由話點解資金凍結咗。
8. 個group會繼續吹話呢個ICO係利好，事實上個平台顯示隻幣嘅價格係咁升。升咗幾倍都有。
9. 萬一去到呢個位佢都仲未identify到水魚上釣，佢會開始去關心一d keep住online但又冇講野嘅人，問下係咪仲有咩concern。
10. 最後一手係，當水魚埋晒位後，個平台忽然間會搞買一送一認購。佢又會發功係咁說你加購。
11. 最後，就會搵個理由（或者搵理由都費時），正式割禾青走人。
報狗係指定動作，但真係唔好有任何期望。Telegram對騙徒黎講真係好似避風塘咁，根本冇任何追蹤嘅方法。最好笑係，就算我誤打誤撞抽到同一集團嘅線，發現佢地又想行騙，狗話程序上佢地係唔會主動查，係要有人受害報案先可以查。但係報得案的話，個tg group都收晒皮，冇野查。
所以話如果你有心有技術，透過tg做騙徒真係好好搵，冇野制裁到你。不服來辯。
我搵到佢地呢排又準備設局。想搵到佢地真身應該冇可能喇，睇下有冇得搵到準受害者，勸佢地回頭是岸吧。
人唔衰貪心煩小好多野