【純學術討論】到底豆奶同豆漿有冇分別？

如題
到底豆奶同豆漿有冇分別呢？Google第一個同第二個result就有唔一樣嘅答案。我懷住求學嘅心，希望強大嘅連登仔可以答到呢個問題。

到底呢個只係唔同中文語系地區對用詞上嘅分別吖，定係佢哋真係有成份、做法，甚或係文化意義上嘅分別呢？

講法一
根據台灣國家標準（CNS）顯示，其實只有分成「豆奶／調製豆奶」兩種，豆奶嘅標準喺大豆經過加工處理後嘅乳狀飲料，蛋白質含量喺2.6％以上，調製豆奶就含有50％以上豆奶，但係蛋白質約喺2％以上。之所以冇豆漿嘅緣故，成日聽到嘅豆奶就係指豆漿，指嘅係大豆製成嘅乳狀飲料，而唔係「豆漿加牛奶」。


講法二
好多人以為喺同一樣嘢，其實無論做法同味道都大好撚唔同。豆漿嘅做法係將黃豆浸水之後煮滾，原味豆漿散發着濃郁嘅豆味但唔係個個都可以接受，但係營養價值相當高，蘊含豐富蛋白質、多種維他命、鐵、鏻、鈣等礦物質。至於豆奶就係混合製品，會添加糖同其他調味，而且會經過磨碎、過濾、高溫加熱、脫臭、冷卻等等嘅過程，相對嚟講比較容易入口，但係營養價值就比豆漿低。

真心想問上面邊個先啱？定兩個都唔啱？明顯台灣人已經放棄咗思考呢個問題，咁所各位師兄有咩睇法？

同場加演，其實仲有豆乳，不過佢應該只係日文入面等於豆奶嘅嘢。

LM
冇諗過 一直當同一樣野

維基就咁寫嘅

豆漿又稱豆乳、豆奶、豆腐漿，是指以黃豆或黑豆研磨而成的漿汁，富含植物性蛋白質與微量鈣質，是素食者的優良蛋白質攝取來源。

今日咁啱講起 有人咁問 我先諗呢個問題 我本來都喺當同一樣嘢

繹返做英文

清一色都係soy milk 明顯鬼佬都放棄咗思考呢個問題

感覺同台灣個方向好似 姐係話係同一樣嘢

我嘅理解係一樣

其實咖啡算唔算豆漿

我會叫佢豆奶

維他奶係豆奶，但又同豆漿嘅口感完全唔同

係囉，明明唔同味

譯返做英文唔一定解決到問題喎
豆漿同豆奶真係唔同味

唔一樣

得維他奶可以叫做豆奶 佢以外嘅都係豆漿

個人定義就係即磨新鮮冇點加其他嘢 (最多係糖同水之類) 就係豆漿
有其他加工就係豆奶 eg某維他/山水etc

點解豆奶都係黃豆製
但個價錢同豆漿差咁遠

留名

大家都係用黃豆製作，但味道唔一樣
豆漿唔同牌子都一樣味，你會知佢叫豆漿

但豆奶好似係直指維他荳奶咁滯，關唔關個brand事？即係維他用黃豆特製出嚟嗰樣飲品叫豆奶？

有加工同冇加工

呢個思路正呀！
根據做法來講佢應該算係豆漿
不過豆漿嘅定義係用黃豆做嘅先算
所以咖啡豆做嘅充其量只可以叫咖啡豆漿

可能Latte係豆奶

可能就係因為加咗其他嘢？