面盲症巴打

其實有冇人同我一樣有面盲症？

我以前純粹覺得自己記性唔好，但後來查返，發覺自己好大機會有面盲症。

我以前係完全（係完全）認唔到人。睇電影，尤其係西片，經常會問「呢個人係唔係之前嗰個？」。 最經典係會覺得郭晉安同張國榮係同一個人，我無講大話。

到而家，我認人係需要同背景一齊先可以認到。例如老師，我係要係學校呢個背景，先認到你係陳老師，如果有日係旺角或者上水見到，我係無可能認到你係陳老師。

其實，有幾多人同我一樣？

對香港人以外嘅面孔面盲呢？
我對黑人辨識尤其差

本身認人已經差
全世界戴罩之後更加辛苦
識咗6年嘅同學我都認唔出
唔知自己算唔算面盲

我係
好尷尬成日叫唔出人個名

戴唔戴罩都冇咩分別都係認髮型 有冇戴眼鏡等等嗰啲特徵

利申：認人好差，多數都係靠其他特徵嚟認，如果有一日條友轉咗髮型或者戴咗眼鏡就會認唔到

之前有新聞講過
真係有呢個病所以我信你
但樓主認唔認到自己朋友？
唔見面情況下諗唔諗到朋友咩樣？

我係

每次識新朋友，係要認佢個袋同埋對鞋，呢兩樣嘢通常都唔會變

我講真，我係冇可能認到邊間日本明星係邊個。男人都好，女人真係冇可能認到。

我都睇過

會用聲和對話內容認到

只係第一印象唔會用眼認到

即係出街就算迎面而過，如果無出聲根本唔會認到

巴打驗眼及早就醫

試過
結果有日返工，有個同事轉咗髮型
我搵極都搵佢唔到，以為佢行開咗，原來一直都喺度

有無諗過係唔係亞氏保加其中一個徵狀

只能講，如果對方係靚仔靚女
會易記好多

會唔會唔認得女朋友/屋企人
例如你同女朋友出街 如果中途佢入廁所換過套衫 出到黎你會唔會認唔到佢

呢個應該係cross-race effect
姐係外國人見到我地都係覺得一樣樣

我細個時都係郭晉安張國榮分唔到, 同埋都覺得自己認人能力麻麻, 不過未至於完全認唔到人

有冇靚仔靚女觀念？

腦中可否想自己熟悉地方的畫面

唔明，即係太似樣認唔到，定所有人都一樣樣？
比喻黎明同張學友分唔分得出？

類似，但我一直以為呢啲叫冇記性。

我冇咁嚴重，見到會認得，但個腦想像一個人嘅樣會好模糊，所以發夢啲人個樣都係懵查查冇咗個樣

親人好朋友肯定認到，我未至於咁嚴重。但我上面講過，「背景」好重要，如果有日我係一個陌生地方，例如日本，見到我朋友，我可能要半分鐘到一分鐘先認到佢