Netflix - Love Is Blind: Japan 盲婚試愛 日本篇

佢答左好多條問題..同答得好仔細
你有無邊個post 想特別知多d…不如post出黎
好難全部譯晒

我譯一個先…呢個幾funny

好多網友問佢亮太朗又做髮型師又做bar manager一定好受女歡迎…會唔會擔心？

佢就答話完全無擔心…因為佢好信任亮太朗..而且佢亦從無任何行徑令到心美要擔心…

再加上亮太朗身邊d男性朋友都係好「man」（唔太識譯）…好多時都將女朋友/老婆擺係第一位…而呢d朋友都叫心美唔使擔心亮太朗會有「女性問題」

心美話佢唯一擔心係亮太朗個身體狀況..因為佢太勤力做野

（我譯完都覺得甜到漏）

日本未夠班睇得明晒講住少少先

邊個moment令你覺得要嫁俾佢？
差唔多係每日 (好甜) 互相都會將對唔住多謝呢啲說話講出口 所以同佢一齊 個心會好平靜 係一件好重要嘅事 又係我老公又係個男朋友又係我好朋友又係我哥哥又係我個仔咁


平時係點稱呼對方
Ryotarou San, Ryotarou, Ryotarei
Motomi Chan, Chan Moto, Chan
仲有好多其他 不過係我哋兩個嘅秘密


平時時間上會唔會好難夾？
👱🏻‍♂️晏晝就係髮型屋夜晚係做Bar 好勤力好辛苦
剩係得星期日係放假 所以同我一個禮拜夾到一日
我就返緊比較Flexible嘅公司 朝頭早可以唔使咁急
所以都係會有見面嘅時間
夜晚嘅話我都會好遲先放
甚至更多係我遲放到佢等我翻嚟
因為仲未有細路仲係自由之身
早晨呀早唞呀呢啲始終都係想面對面講


聖誕嗰朝一起身 左手無名指就有就隻戒指
好唔似佢👱🏻‍♂️嘅style 但咩都唔講都好似佢


之後爸爸點？
大家可以放心 好神奇地 我哋兩家人原來都幾似同埋都好多共通點 👱🏻‍♂️同👨🏻‍🦳好融洽地相處


第一次覺得佢型唔型？
當然！！！雖然同我完全想像中唔同所以有啲嚇親我哋身高又差成30 cm但係已經覺得好型
雖然冇剪到落去個節目度但我係拍interview嘅時候
問咗好幾次 ‘我，佢真係ok?’ 嗰時覺得佢見到我應該冇失望掛 再一次覺得呢個真係好得意嘅節目


怕唔怕佢職業會溝到好多女
不安全感係0！我好信佢 同埋我完全感受唔到佢會令我覺得不安嘅事 所以好多謝佢 同埋佢身邊嘅人都係會考慮老婆屋企人為先 佢地仲同我講Ryotarou San真係ok！所以我完全唔擔心 所以我好擔心佢身體因為佢太chur


嚟緊可能會一齊開live

心美同陳豪真係好sweet

有得睇已經好好感謝你

好sweet呀～～ keep住睇佢地真係會心微笑
希望佢地真係會一直走下去

btw 謝謝翻譯 好勁🙏🏼🙏🏼🙏🏼

多謝你呀
好甜呀好開心

係咪得我覺得綠幾好
夠爽夠直接 又鍾意笑
航哥mvp

陳豪有冇意外嘅一面？
佢處理工作上面嘅事嘅方法 我哋碰面之後係咁傾偈間 每日都有少少少少咁樣知道多啲 又有感到意外嘅地方 諗嘢嘅方法都好好 係可以尊敬嘅人！

仲有對食物嘅執着亦都好勁
超唔鍾意添加物
成日都好熱心咁樣查唔同嘅嘢
我都學到好多嘢

我家姐有敏感
所以我都係畀冇農藥菜/素食養大
所以同佢價值觀都好似！

花錢嘅地方唔係物品
而係對身體嘅有好處食物 同自我投資
我地呢個價值觀好夾（仲有紓緩壓力同酒錢）


點樣對付鼻鼾？

嘩我都冇講過呢個字始終都係比你哋發現到添
鼻鼾有啲勁 但係可以有實感佢係真係呼吸緊架呢〜
所以我完全唔嫌棄㗎
死啦好似有啲變態添

大概係咁
一路譯一路感受到佢地勁sweet motomi勁可愛
忍唔住笑

Q: 亮太朗有無咩令你感意外既地方？

A: 做野方面，佢有share下…都有d驚訝既部份…對亮太朗既做野方式好respect

食野個方面..意外地係好講究…佢極唔鍾意食有加工過既食物…因為心美自己家姐都有濕疹..所以佢本身屋企都係食開organic 菜…所以呢點都幾夾…

使錢方面…物質唔太重視…反而係食同自我增值上會花費多d… 呢點同心美自己都幾夾
（想減壓既時候會買多d酒飲）

涼太郎咁瘦都有鼻鼾
唔該晒你翻譯好甜呀
日本版真係好正 相反外國版s2今集唔太好睇

鐘意好drama會覺得好睇 美版S2
但個人覺得S1好睇啲 加上S2好尷尬

但日版真係甜到會跟住笑

第一次咁沉迷睇素人嘅節目 日日諗住佢地
如果佢地拍YouTube就好

而家追緊戀愛巴士，都係素人節目幾好睇

個阿伯一早唔睇好，果個30歲女人一睇就知係鐘意錢得來又要靚仔。其他果啲人一早知，所以避開晒30歲果個女人。

貪錢貪到出晒面，仲要避開阿伯怕被阿伯屌

講得太多人 唔係好睇到佢地之間啲發展
未來日記都好正 淨係講一pair 睇到多啲互動
雖然講明有劇本 但啲感情都好正

綠同航個英文live好正 兩個英文都好好
最後仲有心美同涼太郎出現咗！

鍾意睇雙層公寓，之前木村花事件停拍好可惜

我都睇到，見地佢地兩pair完咗節目都咁frd好開心

美版睇個陣估唔到佢地係台上面會say yes 定 say no 先最緊張喎
而家就係要睇下love 係唔係真係 is blind
對對都散曬有咩好睇

得罪講句，日版無左陳豪同心美呢pair 真係唔好睇
美版一樣多顧慮，不過可唔可以拋開一啲細節去接受左愛既呢個人先，然後再work on details
就算台上say no 都唔代表要放棄對方同段感情
只不過係有呢個機會去比你試吓，結唔到婚都可以再比多啲時間去試下

不過都真係幾鍾意睇陳豪心美呢對既過程
睇到好甜，勁驚父母唔同意
不過美版日版各有利弊啦
再出都會再睇

睇日本版有返Terrance house 既感覺
好想再有得睇返

可能始終日本文化，婚禮上面先say No會唔好
鍾意睇日本版，多啲對話同埋Interaction
美版太多drama, 唔太睇到一對情侶嘅相處

真係拍YouTube

我都覺 綠都唔靚嘅 終於嫌人
真白好假