有冇人有睇「一個人去死」呢套漫畫？

一個人去死 (ひとりでしにたい)
OL山口鳴海小時候崇拜的姑姑一生未婚，一個人在家中去世了。鳴海開始重新思索自己的選擇，她的想法卻被同事一一否定
作者：カレー沢薫

唔貼link
內容係關於孤獨死、老年生活，內容偏寫實
推薦大家搵嚟睇吓，特別適合打算將來自己一個人生活嘅人

特別適合打算將來自己一個人生活嘅人 <—-樓主打算咁嗎？

畫風差少少，不過可以睇下

out巴點解推介呢個漫畫，out巴好似係有家室既
不過我都思考緊呢個問題，多謝推介

因為真係好睇

maybe
將來嘅嘢話唔埋嘅

陣間睇

任何人都唔能夠保證另一半/小朋友會遲過自己死 或者唔會唔理自己
無論你點努力 任何人都有可能面對孤獨老年問題
有得安樂死就好 夠鐘可以安心上路

其實就算結咗婚 生咗仔女都好

孤獨生活嘅情況總有一日會嚟

仔女始終有佢哋自己嘅生活

伴侶唔係你早死過佢 就係佢早死過你

結果而言==孤獨生活

所以我覺得其實應該要俾有認知能力嘅老人安樂死嘅選擇

對個人同社會都係好事嚟

睇完好想自殺

有咩困難不妨上連登同大家傾訴吓

睇緊。
其實生不帶來死不帶走。
第一話主角父母既評語就算衰又點。

對當時人都冇影響，人唔應該為其他人既話語而活。
好多人。有伴， 或者有兒有女仲更辛苦，更寂寞。

好多老人家老左都冇人理。 而家呢個世代。
都係為自己打算最好。

感覺似逃恥。
將好多野理論化。
例如透過同事

話女主冇人會要， 因為咩年紀都想要廿幾歲女仔。
除非到五十歲啲男人

不過數據都幾驚人。
可能日本大又多鄉下地方，唔似香港咁迫咁冇地方

話有二千萬人一個人生活。
又話每年有三萬人一個人死。

日本有冇咁慘呀

雖然不時都知日本有姑姑果種一個人死去既新聞。
其實香港都有。
但香港地方細。 好快就聞到味報警

咁理論都係將現象一般化
現實總有啲三四十歲嘅女仔仍然有足夠吸引力搵到對象，但係男人有偏好年輕女人嘅傾向都係事實

幾好睇，我睇左3話，見到佢講解一個人點樣由正正常常變成孤獨死，都幾有理據，咁就帶出另一個問題，主角諗緊點樣係單身情況下避免呢樣野。

以前群居, 而家個人主義下, 孤獨係好難避免.

所以要暸解吓孤獨可能會遇到嘅問題

睇吓另一半係咪值得依靠、可以依靠嘅人
都可以了解吓對方嘅諗法先

好睇
提早規劃自己未來係好事

唔知男女主角最後會唔會一齊呢

灰暗型漫畫推薦晚安布布
有抑鬱唔好睇

晚安布布感覺距離自己太遠
一個人去死寫實啲，講每個家庭都可能遇到嘅問題

都係，但好正
晚安布布描述每個人都係痴線有病的，以極端手法寫實
唔代入都會替角色們灰爆