[本地] [點止廣東歌一種] 香港流行音樂討論 (49)

DJ king係開live唱歌唔係派歌

應該係誤會

佢2.14係開live唱歌唔係派歌

首歌悶到

商台回覆傳媒證實確診的主持分別為《十八樓C座》的金剛以及《公子會》的劉翁。而今晚劉翁亦於facebook透露自己和家人都確診了新冠肺炎：「我全家中晒！」他回覆傳媒時透露日前一家陪女兒睇醫生時，順道接受病毒檢測，結果呈陽性。他稱暫未收到衛生署聯絡他們一家，而他們亦沒有外出，要靠朋友接濟將物資放在家門前。

在演唱會播出後，ViuTV的Hailey與Jason及演唱會的幕後骨幹成員，包括音樂總監Edward Chan、美術總監Kenji Wong和監製Mark Cheng做線上聯合直播，他們除了講各自在演唱會的職責外，更解構演唱會名的由來，Jason說：「我哋set咗一啲框架喺度，有啲字眼，喺我哋開會時，表達緊我想要啲乜嘢時，就出現咗呢兩個字⋯⋯」隨後Kenji補充：「當初係想用『熱血』，係個主軸，傾傾下就變咗『Fight For _ _ _ 』，我記得有幾次感覺到Jason有啲眼濕濕，講到當係最後一次咁做，係幾感動嘅。」

平日開騷，他們都「身處其中」，今次可以坐在家中收看，感覺可有不同？Jason表示：「比想像中個肢體動作係多嘅，因為我成日唔知隻手應該點放，嗰陣就係我最唔自然嘅時候，每一次上台時都有呢啲感覺，以前我會插袋，但今次多咗啲動作，都⋯⋯好叻仔㗎喇！」最搞笑莫過於Edward，他指：「我都係第一次咁樣睇個騷，因為現場時，我望住好多掣，同埋個腦不停預測緊未來嗰一、兩分鐘會發生咩事，要做啲準備，而我頭先睇（電視版），係食緊士多啤梨喺度睇嘅，現場一定冇得食士多啤梨。」他笑言在家睇是「欣賞Mode」，在現場是「作戰Mode」。

儘管Jason健談、更有「陳伯」之稱，但原來他不願在台上唱獨腳戲：「其實我係唔鍾意自己一個人喺台上不停咁講嘢，有人陪就OK，即係要有對話，我成日都覺得一個人講嘢好怪，所以唔講好過講，對我嚟講，我寧願不停咁唱。」Jason向來都是言聽計從，但今次在演唱會中參與度極高，除了積極提出己見，還對舞台有一定的堅持，Kenji爆Jason「堅持要不停地轉」！Jason解釋指：「因為我唔使行嚟行去，哈哈！平時要記住啲台位，但今次好多時都唔使，企喺個圈入面就得。」Jason的另一樣堅持，就是歌詞Mon：「我覺得我今次我記歌詞係幾好嘅，但當我冇信心時，可以偷望一眼，嗰件事對我嚟講，減少咗好多不必要嘅壓力，所以我建議以後嘅演唱會，都要安排歌詞Mon。」

講到堅持，其實團隊中各自都有堅持，好像Mark想揀《矛盾大對決》入Song list，卻遭反對，最後大家多次開會後，共識揀《命案》來代替，他們笑言開了無數次會，更有次「飛起」Jason，但剛巧被Jason撞破，他笑言：「因為我喺度，好多嘢都落實唔到，啲嘢冇辦法向前推進，所以佢哋個決定好啱。」

Jason開場以超人氣動畫《新世紀福音戰士》（EVA）的2號機Look出場，觀眾睇得興奮，但原來背後另有故事，Jason苦笑指視野很窄、又濛：「因為頂帽嗰塊唔係硬膠，所以睇嘢會唔清楚，只係僅僅睇到個大歌詞Mon。其實第一首歌出嚟嗰時係最緊張，而我係啱啱好、用盡所有嘅力量睇住前面，再心諗：『快啲撳去唱嗰個位啦！我唔使知個歌名，快啲去第一句歌詞啦！』因為一有就可以連貫性咁唱落去。」

Kenji補充指：「因為嗰頂帽，只要戴落多少少，Jason就會咩都睇唔到，因為我哋試咗好多次都有呢個問題，係Dresser同事好小心處理，先可以畀Jason見到句歌詞。」對於網民好奇為何Cosplay EVA，Kenji透露全靠天時地利人和，才有這個演出：「其實都係因為熱血，第一時間諗起呢套動畫，而明日香嘅角色由頭到尾都係Fight for嘅，咁啱知道有個品牌會同佢有個crossover，所以即刻叫同事喺日本訂。」由於當時是新貨，他一度擔心能否趕及，幸好最後一切順利。他們又笑指能讓這個Look能亮相1分40秒，十分珍貴。

有網民問他們最喜歡、難忘哪一部份，Jason秒答：「由《命案》到《本能寺》，成堆歌都有好大嘅情緒推動。」Mark認同並接着說：「由佢屋企發生一啲分開嘅事情引起，再到大家住嘅地方，好多嘢都好紛亂嘅時候，咁嗰個觀眾覺得睇到《逸後》嗰度會喊，佢嗰日自己都喊。我覺得最特別係睇返原來某啲歌Twist咗個意思嚟用，用得幾好，因為始終Jason個Library有好多情歌嘅Ballad但今次用咗《尊嚴》去講自己屋企，去面對緊一個離別，好似Twist得幾好。《逸後》都係，都已經唔係講一對情侶嘅告別，好多嘅離別咁樣，好似畀呢啲歌有啲新嘅意義咁樣囉喺呢個騷裏面。」隨即有網民表示睇Jason演唱會有深一層嘅意義。

Edward直指睇電視版有另一種效果：「現場睇時，因為冇字幕，未必會突然間Pop到情緒出嚟，但電視版有字幕，所見Jason唱《逸後》時，啲歌詞好中，聽埋佢演繹，覺得好感動。」

Jason在Live中指，原本想開騷，可惜受疫情影響，延期至去年12月，卻是一個極佳時機：「我喺19年學唱歌，聽返今次成個演唱會，同上次喺紅館開時，真係爭好遠！要表揚自己進步嘅地方，但同一時間要批評自己可以進步嘅地方，所以比以前做得好好多，但條路仲有好遠。」有網民留言盛讚「Jason聲線穩定咗！好少可星期六晚坐定定連續2小時睇電視。」而看着Jason一路走來的Edward接着指，見證Jason經歷過困惑，但要讚賞的並非其表現，反而是他清楚自己的方向，就算遇到困惑，也沒有刻意理會。

無論在騷前或騷後的Live，都有很多粉絲留言要求舉行Part 2，甚至是Side track concert，「今年開紅館跨年show plz」、「我哋一齊fight for part 2」、「Fight for side track concert plz」。對於大家的訴求，Jason笑言：「老闆的而且確係有講過話會想做嘅，就係喺今次演唱會慶功嘅時候，經過兩至三支紅酒之後而講嘅一啲嘢嚟嘅。如果係嘅話，我覺得我哋要而家開始plan囉，如果12月開騷嘅話要開會㗎喇⋯⋯」Jason遭笑指是公開向公司施壓，而他們更開玩笑說，開完Live便要開會傾。

至於Side track concert，Jason也持正向態度：「實有呢個可能㗎！都好玩㗎，不過就細啲場，係畀啲歌迷鍾意聽啲舊歌，唔係為賺錢或賣飛，甚至乎可唔可以免費做？咁我唱得唔好時，咪大條道理囉？哈哈！開兩場咁樣，千零人場，送完即止。」Jason還笑言要：「喺公園開啦今次！」有歌迷留言擔心遭黃牛黨炒飛，Jason即指：「實名登記囉！」

金剛叔

林峯首歌都幾唔好聽聽咗一半就閂咗

今年29歲的黃妍（Cath），在2021年首次摘下「叱咤樂壇女歌手」獎項，這位「新鮮出爐」的銀獎得主接受《1圈圈 星光背後》專訪，談及自己由小到大都不是一個有自信的人，所以從來都無想過自己可以在音樂的旅途上達到什麼成就，並強調她做音樂的初心：「只想自己創作嘅每一首歌都有人會聽到，有人會喜歡鍾意，甚至有人在歌曲內找到共鳴，咁就足夠。」

樹仁新聞系畢業，小康之家長大的Cath有一妹妹，家教極嚴。她指由小到大都受到父母高壓管教，即使小時候早已對音樂很感興趣，父母也一直反對她學音樂，所以及至大學時期，她才能有能力自學結他並開始busking。另外，到2017年她有機會獲Sony Music賞識，加盟旗下廠牌「平原習作」做歌手，父母也是極度反對，認為半途出家的她不能與行內其他人競爭。但Cath卻懷着一種非常強大的信念，青春就是要不斷嘗試：「假如我有機會嘗試，但我唔試嘅話，我知道到我日後老咗嗰陣一定會後悔。」

雖然父母口裡一直表現得不支持Cath，但其實他們亦會用自己的方法去支持女兒。原來在疫情初期，所有音樂演出停擺，Cath的父母分別偷偷地把生活費轉帳給她：「好好笑，爸爸有日同我講，我過咗一筆錢入你戶口，唔好話畀媽咪聽；之後媽咪突然又通知我，話過咗一筆錢入我戶口，唔好同爸爸講。係突然間我戶口多咗兩筆五位數嘅錢，雖然父母們一直反對我做音樂，但呢個舉動就代表佢哋關心我同變咗支持我，係好窩心。」

對自己要求高，喜歡事情有深度，從街頭Busking走到錄音室，到正式成為歌手，Cath一直堅持做唱作歌手，拒走偶像路線：「打從入行第一日，我已話畀自己聽，一定要行實力派。有人問過我想紅歌定紅人，我就話一定要紅歌。」所以，即使今年她成為女歌手銀獎得主時有網民問「誰是黃妍？」，黃妍坦言並沒有因此而難受，反而會感到期待：「如果你唔知道我係邊個嘅話，你去聽我嘅歌啦。你聽完我嘅歌，知道我係邊個，喺我嘅歌曲中搵到共鳴的話，咁就得啦。」她指自己的使命就是希望將想傳達的訊息放在歌曲中，而她的每一首歌曲都承載着整個團隊的努力，希望可以讓歌迷好好感受。

咁叻我聽咗幾句已經頂唔順 好悶

唱情歌的人仲正

我都淨係聽左幾句頂唔順

超多 jayfung ian tyson
仲有一啲你哋數

成日都覺得佢唱歌好悶
同埋唱歌唔mud大個口
啲聲困喺個口

用實力說話

完全係10年前cctvb劇集歌嘅味道
有種時光倒流嘅感覺

今次搵返鄧智偉嘛
不過唱情歌的人明明係+him寫都畀人話好劇歌

世一

Tyson?

Yoshi

唔係tiab 同garth t 出歌咋咩
Tyson好似冇

哦 搞錯左

佢連講嘢都唔識得擘開口
佢唱歌同講嘢個口唇都係妹下妹下
如果要讀唇語真係比佢玩死
成日話舒文執咬字發音好嚴格
唔明點解佢唔幫佢徒弟aga執下

新嗰首歌melody好好聽
但唔開口呢個問題好嚴重
可能佢覺得係自己特色唔需要改

同埋佢可唔可以唔好首首都夾啲英文
扮鬼妹但啲發音好港女
開頭冇睇歌詞，聽咗幾次都唔知佢唱乜
睇返先知係always

我唔覺佢嚴格啦
之前Jude首私奔記佢監都出到街
「跑車衝向斜坡」唱到「炒車衝向斜坡」