痴撚線獸醫診所 元朗康x動物醫院

事緣係咁，我地收到求助，有個垃圾站附近既貓媽媽比車車死左，淨番四隻三個月大Bb 係個到，所以我地救起左四隻貓b。年廿九帶其中一隻貓貓去做身體檢查，驗左發現貓貓有parvo。所以同胎三隻同日都一齊入左元朗一間動物醫院。

第一日已確診四隻貓貓都中左parvo，呢個係一個死亡率極高既病。一開始醫院話用supportive treatment, 抗生素+吊鹽水去幫助佢地。

本身累積左好多不滿都無諗住出聲，因為都多謝姑娘幫手照顧貓貓，但係知道有人出哂post公審我地，我地先選擇發聲。請留意番，除左驗血報告有出現過佢個名之外，我係連佢個人影都未見過既。

1. 咩唔會幫留院動物打外來藥物，我地係問左其中一位醫生有無血清佢話無，但係話如果我地坊間搵到可以幫我地打。麻煩你地內部了解下先

2. 主人年初一搵到血清拎去診所，診所話會幫我地打。稍後時間有義工提醒我地要用埋干擾素，最後要我地自己主動問診所有無落緊？佢地話無落，但診所有，問番我地係咪要買？ 所以我地初一即刻比錢買左。

3. 到左年初二再問姑娘知唔知咩係IgG , 然後有個姑娘行出黎講：其實之前有parvo貓貓喺佢哋嗰度好返，佢哋嗰陣時係落血清，干擾素，升白素跟住係好返，佢問番我IgG係咪升白素。我就問番佢：咁而家係有無落緊升白素？佢地話無，如果我地自己買到佢可以幫我地打咁話😃。所以我地年初二當晚係出面買左升白素，年初三一早拎左去診所。

4. 初二晚話貓貓好大機會要輸血，所以我地即刻搵定血貓standby，初三當日不斷追問都話醫生check緊要等等，之後血貓同病貓就一齊等，血貓等左醫生2個鐘先有得驗血。同一日大概晏晝1點，話血型岩可以輸血，所以即刻進行抽血。但係再隔咗幾個鐘抽完血先話血貓既血同病貓既血係會互打，需要用類固醇/即刻搵過一隻血貓（當時已經係晏晝4-5點），從來冇講過類固醇對Parvo貓嘅影響，只係有提過類固醇作用係抗敏，而且standby既血貓已經食哂野唔能夠捐血。所以最後我地無得揀既情況下用左類固醇同埋個包血。由前一日話指數太低需要輸血，拖到第2日嘅晏晝4-5點，係咪又係應對緊急需要嘅方法？

5. 初四當日朝早，我地如常搵定血貓，以便不時之需。而姑娘亦通知我地當日有另一隻貓因貧血而需要輸血，但無需我地嘅standby血貓捐血，可以用初三所用剩嘅血，我地都再三確認左係咪真係唔需要。事隔1個鐘左右，姑娘又再通知我地驗左病貓同血貓既血，又係血打血情況出現，需要另搵血貓或打類固醇，今次都係冇提及過類固醇嘅影響。想請問作為一間專業動物醫院，係咪做事可以咁求其，任何事未confirm就作出決定？明知同胎貓貓已經唔係100%match，係咪應該早啲做左test先？ 令到本身有另外一個選擇既我地又再錯失機會，貓貓用左類固醇+一包唔係適合佢既血，當晚貓貓輸完血發燒＋作嘔。

6.到初五朝早我地想問仲有冇貓需要輸血，等左2個鐘醫生回覆有2隻貓貓當日需要輸血，先被告知早更醫生請咗假，要輸都要等夜更醫生6點後先做到⋯最後總總原因我地堅持接貓貓出院，先話我地知其中一隻貓貓曾經聽到心有雜聲同埋四貓入面有三貓中左卡里西病毒，條脷開始有潰瘍情況出現，前提一直無人提過呢件事，問番姑娘發現左幾多日？ 姑娘唔肯定語氣答：應該都係呢一兩日？

7.本身都諗住唔出聲，除左今日見到長篇大論嘅言論，請問作為醫生嘅你有冇比過啲乜嘢提議我哋？對比你地建議既保守型療法（落抗生素吊鹽水），主人更想見到既係貓貓可以好番，係情況有好轉，而唔係見到佢入院之後情況一直差，驗血報告亦顯示紅白血球都一直下降。

藥確實係我地自己搵番黎，確實劑量/計算方法呢方面我地係無你認識得咁專業，因為我地只係普通人，都只能請教番比藥我地既義工/有照顧過parvo 貓貓經驗既主人。但明顯地經過幾日落血清後，貓貓白血球指數係升番唔少。

我地呢幾日存放左十幾樽血清係佢地到，亦講得好清楚係要放雪櫃下格，但琴晚出院拎番啲藥既時候係發現啲血清結哂冰。姑娘回覆：平時狗既血清都係存放冰櫃，要用既時候先溶雪。
出左院之後，比血清我地既義工同我地講番：「唔用得啦，會denature，冇常識嘅。狗血清其實都唔得。一般生產完會保存喺-20度，解凍過無論咩情況都係1-4度，總之一離開間廠就唔可以再結冰啦，就係咁簡單」。我forward 哂比醫院個個whatsapp。然後今朝有個133電話打黎，話自己係醫院既，話問番血清個到。
我：「我唔係想追究，唔壞都壞左，追究都無用。只係想remind 番你地，血清唔應該由你地亂咁處理，我地一早已經提醒左係要放下格，而家結左冰已經令藥物失去活性。」
我：「琴日都已經係診所已經聽到你地呢到報錯價開錯藥，你地係應該要留意留處理藥物同埋唔係一句唔係你地提供既藥物就大哂，我唔係諗住追究，講完。」跟住就比條佢cut 左線啦😀

仲講話放假都突登打比我地，我都真係打個突，你做錯野唔係打黎say sorry 仲要cut我線，你唔打黎好過打黎啦😅你繼續係自己個page到圍爐打飛機搏信眾掌聲啦！而家唔係你blacklist 我地，係我地無得揀都唔會再揀你呀👎🏾呢件事上面你究竟幫過啲乜嘢手？計落四隻貓比呢間診所既醫藥費超過10萬蚊，唔好講到你好似冇收錢咁啦😀

咁有精神打千字文就唔好再射波喇！你知唔知你琴日請病假😬 呢間所謂24小時醫院係一個醫生都冇，不如改名叫24小時體檢中心啦👎🏾仲難為你同事要幫你執屎呀！有個主人踩上診所屌7你話報價錯，開錯藥呀！10mg既藥你開左30mg, 仲話叫人照食！？
最後想講既係，你有幾多個學位都無用，因為你心地唔好，有時間係到打千字文搵人取暖，不如你好好諗下點樣改善醫療服務同埋點樣可以珍惜分秒更快去幫到動物好過啦。

轉載來自獸醫報料大聯盟



獸醫食水深 燥底講粗口反擊 咁易燥底對動物都唔方好

腸胃蠕動藥 收成千幾蚊 痴撚線診所

分分鐘係藍 做啲嘢咁賤格

10mg藥開成30mg 係咪想殺死隻動物

lm

[長文慎入 Sorry for 1999]
大家好，我係捐血貓貓嘅主人。有關4隻BB嘅治療過程我唔太清楚所以就唔講太多，但以下係作為主人對呢間診所嘅少少感受：
2022年2月2日(年初二)嘅夜晚我喺ig見到網上嘅求助post，指有4隻貓B感染咗parvo急需A型血貓貓捐血。
因為主子有捐血經驗亦都符合捐血條件，所以我就聯絡咗佢地提出可以幫忙。義工們都十分友善，提醒standby貓貓要喺午夜12點開始禁水禁食，無論最後需唔需要捐血都會盡早通知。
而喺第二朝早上大約9點52分就收到電話通知貓BB需要接受捐血，需要盡快到診所，佢地亦會負責的士費用。我地大約喺10點半左右到達診所，即時向診所姑娘提出係嚟捐血嘅，之後姑娘就叫我地坐低等等。
期間義工們向我解釋貓BB嘅病情，只係冇諗到我同主子仲有另一位standby貓貓同埋主人一等就等咗2個半鐘，期間有叫我填過2份表(一份係登記資料、一份係鎮靜同意書)，結果等到1點我家主子首先被安排驗血，幸好血檢報告良好而且血型吻合。呢個時候，我家主子已經禁水禁食咗超過12個鐘。
同時另一隻貓貓一齊等咗咁耐，而又未知第二日需唔需要繼續standby，所以主人主動向姑娘提出先驗血型(因為貓貓冇捐血經驗)，姑娘先再帶佢入去驗血。
貓貓2號完成驗血後姑娘表示血型亦都吻合，但因為我家主子只有"3.5X kg"而貓貓2號嘅體重有"5.XX kg"所以建議由佢嚟捐血。聽到呢度我呆一呆，因為貓嘅捐血量同體重係有直接關係，如果唔確定主子體重就唔會喺咁緊急嘅情況下帶佢過嚟浪費大家時間，大約一個月前主子先喺另一間診所完成body check而當時嘅體重係5.58kg。
姑娘聽到後表示：下 咁呀 我再同佢磅多次囉。最後佢出嚟嘅回覆係：可能頭先冇reset好個磅，而家磅完係4.26kg(最後返屋企磅多一次都係over 5kg，可能佢個嘢壞咗啦)，可以照捐。完成一系列動作之後時間已經去到1點半。而姑娘亦多次提醒擺低貓貓就可以，我可以出去食嘢同行個圈，2-3個鐘後會通知接返主子(完全可以由佢語氣感受到潛台詞係唔好喺診所阻住啲位)。
等到大約4點我仍然未收到通知，但係眼見時間差唔多就返去診所繼續等，再等多半個鐘左右，義工詢問貓BB們嘅情況，姑娘先回覆原來一早已經完成捐血程序，主子嘅鎮靜效果亦過咗，已經醒返可以帶走。下？說好的完成後電話通知接返主子？
接返主子之後姑娘提醒前臂做血檢嘅時候抽過血有包自黏繃帶，返到屋企可以拆咗佢、兩個鐘後可以俾水、飲完水冇事就可以俾平時份量一半嘅糧。
回程途中摸到貓袋嘅底部痴住一撻撻嘅毛，推測應該係主子被剃落嚟嘅毛。而義工亦突然收到通知主子嘅血同貓BB嘅血出現排斥。
而返到屋企拆咗自黏繃帶後發現主子前臂被打橫剷咗一大忽毛之餘成隻手臂嘅毛俾啲膠gel住晒洗咗兩日，前頸位置過半嘅毛都冇咗(詳情見附圖)。
講到呢度，唔係咩恩主心態要求主子有五星級待遇。只係覺得眾生平等，每個生命都需要被尊重。而上述嘅經歷同下列嘅疑問都足以令我唔會再選擇呢間診所：
1.貓BB病情緊急需要輸血，但係你要捐血嗰個等足3個幾鐘先安排到，仲要唔係捐完即刻輸，請問知唔知咩叫緊急？
2.唔係應該捐血前驗好血液會唔會排斥？如果冇後備方案，浪費咗啲血事小，病人身體排斥負作用事大。
3.貴診所講到自己幾專業，學歷有幾多幾多咁，問題係當日完全冇見過有醫生出現。你既然個人全程都不在，讀過幾多書學歷有幾高關我咩事？我只係關心咁究竟係邊個幫我主子做鎮靜同捐血，當中有冇涉及無牌行醫？
4.喺貴診所多次重申及強調專業資格、豐富經驗同診斷嘅同時，點解連磅重都可以磅錯？如果冇其他貓貓standby而我又冇提出磅多次，咁捐血量就會減少，亦代表第二日另一隻貓BB急需輸血嘅時候將會冇血用。
5.因為有喺其他診所捐血嘅經驗，我知道其實可以喺心口剷一小忽毛就足以處理抽血做血檢同埋捐血，咁點解要剷到我主子咁樣？仲要同佢洗手洗足兩日。真心講句：血都捐得，剷毛真係好小事，亦唔係想追究啲咩。只係主子係我嘅寶貝，我都想佢可以被尊重，而唔係受到唔太好嘅待遇後得到對方理直氣壯嘅強硬回應。

推爆佢

真係太長，有無短版

短版就係個獸醫俾錯劑量隻動物搞到差啲死，話有獸醫點知個獸醫射波，捐血貓磅錯體重等咗勁耐之後又唔match,藥物存放方法錯誤，亂收費，普通腸胃藥要成千幾蚊幾ml，之後係自己個facebook屌鳩啲客

醫死咗就買過隻啦！咁鳩麻煩係到同人嘈

睇咗佢啲post同苦主個post
覺得佢真係cls，冇醫德又冇禮貌
所有問題都唔回應，一味話自己係獸醫係專業
真正有佢講冇人講

淨係見到啲咁樣既態度已經唔會去
獸醫全寫=禽獸醫生

睇獸醫除左燒錢外，真係無乜用。

睇返d濕鳩回應
仲以為自己去左MK妹開嘅IG shop
d語氣閪到似潑婦咁

佢好似話自己有咗？咁祝佢個b出世有病果陣遇到個同佢一樣咁好嘅醫生啦

好似到到啲獸醫都俾人屌唔好
不過篇文真係回得柒咗少少
就算假設係佢啱，咁嘅語氣都反映人品

我係獸醫 你係庶民 射波咪射波囉 睬你都有尾

另一個苦主人嘅告白

我和貓貓心驚膽戰的經歷（長文慎入）
貓貓踏入19歲同間中會嘔，所以帶去元朗康城搵陳醫生驗全血檢查下。
抽血時叫我出去等，再返入去聽報告，胰臟心臟肝臟指數都唔好，有高血壓。醫生說胰臟炎有兩個方案；一係住院打點滴，但心指數唔好，聽落去有少少雜音懷疑有隱性心臟病，如果住院要去24小時有醫生嘅醫院（提議如需要可幫忙轉介城大，但要預住一段長時間同花好大舊錢），同埋排唔到水會有機會誘發成顯性心臟病。二係試下食抗生素兩星期，回家食清淡糧再覆診睇情況。我選擇試下食藥先，佢咁大年紀我都唔想佢住咁耐院。

第二次覆診都係睇陳醫生，今次響我面前抽血，貓貓好定一抽搞掂。但之後係姑娘出嚟大堂同俾驗完報告我，話指數高要打皮下水80ml同繼續食藥，叫我打完水要數呼吸，姑娘話：「如果一分鐘超過30下就停打水同即刻帶貓貓返黎」

第三次覆診本身都係約陳醫生，但姑娘又打黎改期，「又」係因為之前睇兩次都改左我4、5次期。但次次覆診都被延後，我怕影響貓貓既康復進度，所以轉睇高醫生。
我話俾高醫生知貓貓呼吸都有27至30下。佢話都擲界但可以繼續打皮下，唔好加就ok。然後抽血睇指數，叫我出去等。我聽到貓貓好大聲叫，之後返入去睇報告時貓貓已經入左氧氣箱，高醫生問我佢平時係咪都好緊張好易驚，我話 唔係阿佢好定架，以前睇醫生驗血醫生都讚佢好乖好叻，上次陳醫生幫佢抽佢都冇乜掙扎。佢話貓貓可能驚或捉住佢時關節痛，出現開口抖氣同氣喘所以放入氧氣箱，而家正常番。然後驗血報告指數全部有回落我就安慰d…呢一晚我見佢緊張完所以冇同佢打水。

響第二晚10:30左右先再打皮下水（80ml唔夠），但第二朝起身見佢呼吸急速，有時口開抖氣，我即刻打去康城book最快6:45pm見番陳醫生。期間同男友不停打去其他診所但全部都full….因為係星期日…
然後下午康城又打黎話醫生入左院要改期，最快第二日見高醫生。我癲左咁喊住繼續打電話搵位。我搵番元朗區係想盡快帶貓貓去睇左先。我叫自己冷靜一下，再打番去康城嘗試問可唔可以攝個位，話貓貓抖氣好辛苦同開口抖氣，康誠話唔好意思幫我唔到….
最後搵到錦田睇急症已經係下午4點，照X-Ray話胸腔加肺積水好嚴重，因心臟問題排唔到水引致。要立即轉去24小時有醫生既住院（因為抽完水一定要住院），一係幫佢安樂 我拒絕左…佢地幫我轉介城大但回覆爆症唔接….搵Vsh，職員話9:45pm先有位但唔確定抽肺水急症醫生做唔做定要等專科醫生做。但可以幫我Hold住個位先（我好感謝佢），然後又瘋狂打電話搵24小時既都冇一間接…錦田醫生話佢應該捱得到出去Vsh，我地就call寵物氧氣箱車出去Vsh睇左先，最後抽完水貓貓住左三日，但呢件事令到佢心臟同腎臟都好大影響，醫生話心臟經歷過肺積水後會再差一級，而排水藥亦會影響腎功能。之後要Mon實心臟既問題。

貓貓入院第一晚我打番去康城取消第二日個booking同留言話希望陳醫生覆我。因為第一晚Vsh拎唔切病歷，第二日我再打去康城想提佢地儘快send病歷俾Vsh，同時職員告知已通知經理，會叫陳醫生覆我，我話我只係想傾下、了解下點解會咁。但接近一星期都收唔到佢地電話了。

我想講既係：第三次覆診佢出現氣喘同開口抖氣應該唔係純粹緊張，此時應該開始肺積水（其中一個醫生話積水係一多過一日）。轉左高醫生睇唔知道佢有冇留意佢心臟指數唔正常，而排唔到水、肺積水係會開口抖氣同抖唔到氣。如果響呢個時候再多加留意會唔會可以避免呢？或者呢個只係我多餘既期望。
同埋明明康誠叫我有事即刻帶貓貓返去，我跟左醫生指示打皮下…而貓貓出咗事但唔俾我帶貓貓返去睇…我果刻真係好徬徨無助同非常失望😢事後想傾番亦都冇聯絡我。
用左好多錢係好金，但最令我心痛係我既心肝寶貝要受苦，心同腎都加速左惡化。呢個無法逆轉既問題係我俾左幾多錢都補救唔到…

我分享我同貓貓既經歷（絕無加鹽加醋）並非抹黑或引戰，如果睇開康城既覺得我係我都冇辦法…我知好多人睇開覺得唔錯，我都係上網見話唔錯先去。每個獸醫都實有人覺得好或唔好，我唔會叫人去唔去幫襯，只希望各位客觀理性分析。（附上收據報告只為證明並非無中生有）
亦想提醒如果主子心臟有問題打皮下水要非常謹慎和小心。我盡左力但我知我都會有做得唔好或不足既地方🙏🏻
貓貓好叻，出院後呢幾日呼吸情況都好好。過左去既改變唔到，我地會堅強面對之後既問題。

原來咁多苦主

長文慎入

首先表明身份先，我識樓主嘅。輸排斥血果日我在場有份探貓，因為其中2隻貓係我同另一位義工負責處理醫療費用。

想分享嘅唔係呢次事，本身我作為一個無任何證書嘅主人同只係想出多分力幫無主有需要嘅動物嘅義工。我係絕對信任醫生嘅。呢間診所我自己從前有幫襯開。

一月頭，我自己隻貓瘋狂吞口水唔舒服。打電話bk果時係12月31日晚，好多醫生冇位，呢間診所有位，bk左呢位老闆醫生。

本身叫我1130黎，點知我足足等到點幾兩點，期間我係聽到預約時間比我後嘅人早入去。唔緊要，我心諗可能呀醫生好人，可能我本身冇位嘅，係候補位。慢慢等。當然我隻貓都好不安，坐咗喺度咁耐。

入到去睇醫生，劈頭第一句，你想我就咁開消炎藥俾你，定係都照一照有冇野卡住？咁講真帶得嚟睇醫生都係想主子好。咁咪照囉，搞左幾下話我隻貓要鎮靜。之後扔左我隻貓入洗衫袋。我隻貓驚到痴晒線。之後叫我出去等，個幾鐘左右就接得

簽完同意書，姑娘又重複叫我可以一陣返黎接。咁我實在好擔心同我已經等到唔肚餓，我就坐左係到冇走到。

奇怪嘅事就發生，suppose應該檢查緊我隻鎮靜咗嘅貓嘅醫生呢個時候行出大門仲同啲姑娘bye bye。我真係呆左。咁我都好信任醫生，可能佢去食飯呢係咪～

再等多一陣姑娘走出嚟同我講，醫生已經幫我隻貓檢查完，我隻貓口入邊有潰瘍，建議我抽組織黎驗，同要盡快做。仲要洗牙，成件事要麻醉。我個腦仲喺度load緊哪兒來的醫生嘅時候，阿姑娘仲係咁吹我叫我落決定，話我隻貓再係咁唔食嘢好危險。會死會脂肪肝。咁我問姑娘究竟幾時做到，佢就同我講因為要麻醉都要book時間最快都要星期一。然後又同我講唔做嘅話好容易死。嗯。但係星期一先做得喎？我成個腦已經黑人問號緊。咁我就問醫生會唔會有啲藥開住俾佢試吓抗生素先？姑娘就幫我入去問醫生 佢就話醫生覺得唔好亂咁試，唔知係乜菌。當然啦我仲記得我個主診醫生應該出咗門口，無返過入嚟。我實在唔知道係邊一位醫生答我，我就話咁醫生可唔可以報個價俾我。於是乎姑娘就話好，報價遲啲會send俾我而家俾咗啲藥我拎走先。

因為以上一個咁亂糟糟嘅經驗，我坐咗喺度等咗咁耐我隻貓驚咗咁耐。但係乜都幫唔到佢。所以我唯有睇吓有冇其他人幫到我，同答到我要唔要做呢個要麻醉抽組織嘅手術。

頭先一開頭都有講過，我係義工。於是乎我就問平時幫我其他貓舍貓貓打針嘅醫生，真係醫生，有牌嘅，唔係dr Google 黎。邊位就唔方便透露啦始終無謂將一個好心人捲入呢啲事。

呢位好心醫生就同我講，正常來講個口入邊有瘡，10天左右就會自然好，而家盡量幫佢補充水分餵流質食物，唔洗太擔心。

於是乎，喺診所收到嘅一粒藥都冇食（主診都走咗出門口我都唔知邊個俾我嘅），就每日同我隻貓打皮下水，食流質野，餵維他命b。之後就好返。

本身呢件事我都冇諗過要點樣公諸於世。我亦都責怪自己當時個腦諗唔到問呀姑娘係邊位醫生係主診醫生離開咗之後隔空同我講咁多嘢。所以就吞左落肚。

但聽唔同主人講，同阿醫生講，佢對於早收工同埋唔返工都真係有舖癮。

希望各位主人真係諗清楚先去唔去睇醫生。

認真我覺得如果真係其他醫生要成日咁樣執手尾都好慘。

如果你問我咁點解有咁嘅經歷仲去咗呢一間診所。我只能夠講，大佬，Parvo x4你估有咁多選擇咩。Parvo 大部份診所都已經避之則吉啦，仲要新年。點知可以過份到包血排斥都用嘅姐，又冇人解釋。我真係信醫生係會幫到手㗎嘛