(代朋友post)
尖沙咀Bayley and Jackson箍牙 專科 Dr.cooke
Cool左差唔多五年,但係中間遇到好多問題
本身因為門牙對唔到中線而去箍牙
(依家完咗門牙都係對唔到 )
原本一年幾之前,醫生講可以拆
醫生解決咗個倒及問題,冇解決到中線問題(但其實我去箍牙係為咗解決中線問題,倒及完全睇唔出)
我當時就同醫生講話我好想門牙對到中線
醫生就話因為我上排有一隻牙冇咗,所以成排牙移位
如果要對中線,另一邊就要剝一隻牙
當時都有少少爭拗,醫生話如果少咗一隻牙,有機會上排會有一個空位,到時有機會要整牙橋或者假牙
但係我箍牙就係想解決中線問題 如果無搞到咁我箍黎做乜?我本身排牙都唔係話好唔齊
所以當時我就堅持要對中線
當時個醫生就話可以退晒啲錢俾我,幫我拆曬啲野,叫我出去搵其他醫生搞(少發脾氣)
但係我再下一次去複診嘅時候佢又再提出一個方案
就係我可以唔俾最後一期錢($6Xxx)
佢繼續幫我箍
原本收費$45000 (唔包剝牙錢,剝牙都剝咗幾千蚊)
一開始比咗大約60% 之後4期每期$6XXX
咁我都廢是再中途轉其他醫生 就應承咗
之後佢幫我上排箍牙, 發覺唔使整牙橋或者假牙
但係都係冇對到中線
然後上個月拆箍,我測完先見到冇對到中線,但佢就話覺得已經perfect
佢就話我記唔記得我最後一期錢係冇比,佢話而家我唔使洗錢去整牙橋或者假牙,問我會唔會想俾返
我話有得揀梗係唔比
佢:ok then just forget about that
點知走咗之後診所姑娘打電話俾我
佢就話醫生叫我要比返最後一期錢,因為原本係預我嗰啲錢要攞去整牙橋或者假牙,但係而家唔使
我就覺得佢最後要我剝多咗一隻牙但係佢冇幫我解決到我最想解決嘅問題
跟住拆箍兩個月後去複診 問我關於個payment
醫生就開始攞其他嘢講
話正常patient 20個visit就箍完 我去咗40次 同埋我成日遲到麻煩佢
所以我要比錢如果唔係就會吿我
其實我覺得好有問題
首先係佢幫我箍牙嗰個手法令到我要去咁多次,又唔係我控制有幾多次Visit,其實我啲時間都係時間,我都想快啲cool完,有啲鐵箍喺度成日整到個口選晒,又難清潔,搞到我好多蛀牙要補,但係因為佢幫我落咗啲戒指所以有啲根本補唔到要等拆
第二就係佢幫我用啲好舊嘅方式箍牙,即係落戒指,我啲朋友都話依家啲牙醫根本就唔會再用
第三就係明明係佢自己講好咗我唔使比,宜家無啦啦又話要收,有得咁嘅咩
跟住同佢講道理佢趕我出去話總之半年內要找數,如果唔係會搵法律途徑/management
大家有咩意見
