其實點解要改英文名

好地地一個香港人走去同啲鬼佬講自己叫Gilbert Peter Emily 其實真係好撚柒，我完全唔明改完英文名有咩優越感


其實好多外國人都話中文名咁好聽，都好唔明點解我哋無啦啦要整個英文名


屌你老味而家啲人仲走去改埋啲日文名德文名拉丁文名係咪痴撚線，好撚柒啊

孔子都叫自己做孔仲尼=Jonny Hung有咩問題

我一直覺得我個英文名不能代表我
更何況 話改就改 無咩意義

直呼其名唔尊重 英文名就係香港人嘅字同號
個人用英文名 從來當化名 心底從來冇覺得個英文名代表自己

我覺得幾個原因
一黎係小學老師逼
二黎係自己個名話唔到事 亦唔會大陣仗去改名 但英文名可以改個鍾意既 又無話咩規定 都係一個稱呼

我自己都諗過點解唔直叫Fung/Wing/Chun/Hin
係大個先識諗 但我自己用咗個英文名十幾年 比較獨特
身邊既朋友一見呢個名就諗起我 咁我又覺得代表咗自己 所以繼續用返

第一，改英文名係香港文化，文化冇分高低，唔明有咩柒。
第二，外國人嚟香港都會改中文名，你又會唔會覺得柒？

去過外國就明，佢地口講就唔介意，但係你用拼音佢轉頭就唔記得你叫咩名，佢係咁問你又覺得唔好意思。

其實唔會。
當你叫小明，啲鬼佬唔會叫你Siu Ming ，通常Siu/Ming是但揀個字叫，其實可易記。

東歐北歐佬啲名複雜咁多啲人亂讀都唔會介意或者覺得尷尬，其實講到尾最介意嘅係我哋自己

東歐北歐印度佢地都記到，唯獨香港單音節佢地記唔到，你會feel到佢地專登唔嗌你個名。純粹個人經驗，大部份人都係咁，得小數人真係記到。