電力軌道（eubiq)

嚟緊新屋裝修，諗住用嵌入式eubiq 電力軌道喺廚房同埋電視後面，但因為呢樣嘢之前未接觸過，請問有冇有經驗嘅人士可以分享一下好唔好用

另外我有幾樣野唔係好識，想指教一下


譬如我喺電視櫃後邊，裝咗75 cm , 嵌入式，最多八個適配器，如果唔夠用，可唔可以再加拖板 同埋如果只有呢一個做供電，夠唔夠負荷？使唔使做多個孖蘇，以備不時之需

另外，如果係嵌入式，當佢舊/壞/唔想繼續用，係咪可以搵師傅變返做孖蘇？
咁到時要搵泥水佬封返埲牆？
或者如果想轉返一個長啲嘅電力軌道就要再搵師傅鑿大d個窿？

燈行路軌我明 但點解蘇都要行路軌呢
就算你蘇可以移位 你用電器咪又係要連住條電線

唔緊要，我諗住喺電視後面都唔覺得佢特別型㗎
我諗住既然裝修，如果佢好用嘅，可以裝埋
我唔太識呢啲科技嘢，喺我心目中其實佢都係一個嵌入式嘅拖板 ，可以叫做整潔少少😂（少咗個拖板）

我見人地講，裝果個同裝個一電制位一樣價，
一個電掣$800，一條我當佢兩千 ，都係2800 （可以插到10個八個唔使再拖拖板）

如果我整三個孖蘇，已經貴過$2800

當然，我未問裝修師傅如果裝嵌入式，要加我幾多錢（因為要鏧牆整條坑）

我用過覺得麻麻地，成日接觸不良

諗住多電位用，而且嵌入式 少咗隻拖板擺出黎

eubiq?接觸不良咁又真係幾唔吸引，冇諗過呢個問題，見佢講到自己好勁

但貴十倍
有路軌咁多電線都肉酸架
不如買埋拖板全部收埋櫃入面

唔係貴10倍啊 如果用呢個我就會做少啲電掣位，現在為都好貴所以我係諗住慳返少少所以先考慮呢個呀

但係eubiq 一個裝置計一個電位，可以插5-6 隻蘇

呢個都係我其中一個擔心嘅嘢，我有爬文喺度望過話，如果呢個嘢壞咗，都好似換蘇位咁樣換
（當然都係交俾專業人士因為我唔識換）
但係我就驚佢局限左我以後都一定要用死咗佢

我意思係料錢
一條軌加插頭要二千幾
一個拖板二三百都買到唔差既牌子

你係完全嵌入式定係掛牆嗰隻？

我係用緊呢隻，我覺得幾好用，無接觸不良

有用緊，拋下磚

其實同普通拖把一樣，拖把搏拖把得唔得？得，不過用電量大既話就有機會跳制。

變孖蘇應該唔得，宜家拖一個電軌既電量同孖蘇唔一樣，孖蘇裝修佬都收你兩個制錢

其實係咩睇屋企電路點駁
我係廚房用，廚房電路係ring，所以駁返孖蘇應該都無分別？

我喺度考慮緊完全嵌入式 ，不過就諗緊會唔會有啲咩後顧之憂，相比起一個拖板，你覺得呢個有咩優點缺點等我參考一下🙏🏻

你係咪都係嵌入式， 如果佢之後可以變返一個單蘇都OK嘅 ，不過我覺得嵌入式好似不歸路咁，假如佢一段時候之後壞咗 我都要用返佢如果唔係就要搵泥水佬補番個窿