期間 熱心人士🦁🦁🦁 就發表以下言論：
提及話，之前 HK Crypto Group 就住 GCAT 呢隻memecoin Scam 人 Scam 到仆街。
今日 出名用 Fib 幫人算命嘅 admin L 就出左回應，詳細如下：
有鑒於有人屢次利用捏造事實既連登post攻擊本人同埋呢個Group既其他師兄，所以呢度一次過回應個post既不實內容，方便將來有心人再重施故技時可以唔洗又重複澄清一次。今次事件真係令我認識到d人係點樣可以求其寫個post就當係事實咁篡改歷史。
想回顧整件事件可以係呢個Group search history以及上block explorer睇，而唔係靠果個post既個別截圖，大家都明白剪輯過既野係有幾容易俾有心人斷章取義。 （唔信？一陣示範你睇）
以下係對個post內容既逐項回應。
1. GCAT同本人以及HKCryptoGroup完全無關係，其實有去佢地官方tg group同埋個連登Post都睇到個dev從來都冇隱藏身份，就係TT Müller，炒得coin耐既人都應該識呢位前輩，但事實上佢同HK CryptoGroup完全冇關連，前輩其實連我地group都冇join過，將佢既行為同本人以及本谷扯上關係實在是令人費解，到後期幣研既打手直接指GCAT係本人“搞出嚟”，呢樣野完全係憑空捏造。
2. GCAT係短時間內引起熱烈討論最主要原因係果排好興memecoin，而呢一隻好似好多活躍既谷友都係低位買到，坐到順風車，唔少人都賺到一筆快錢所以開始熱烈討論。（利申：我太遲知，低位買唔到，到最後都輸左少少錢）當時好多資深既師兄包括我都有提醒呢d memecoin熱度通常不能持續太久，所以FOMO要趁早，低位買左就要見好就收做零成本，承受唔到風險就唔好參與，從來都冇人鼓勵其他人all in, hodl或者高追呢類memecoin，而且我更有講到明熊市將近，團隊就算有心做都唔會敵得過市況（結果不幸言中，幾日後就519）。況且就正如幣研d打手所言，從來都冇人用槍指住你迫你要買某隻coin，交易總會有人賺錢有人輸錢。果一期有人shill過既memecoin最後都冇乜邊隻有好結果，GCAT並沒有任何特別。
3. 連登post入面講到GCAT有所謂偷步買幣，高位收割既三個戶口，其實只要係block explorer睇就知道唔係事實，有兩個戶口到而家為止都完全冇交易過，第三個戶口直到12月21日才有交易過，明顯同當時（5月）既幣價升跌沒有關係。
4. 200x一早已經ban左本人，而當時很多谷內既人都知道我同200x關係並不友好，明顯出post既人連咁基本既事實都未清楚就作故仔。
5. Chak明顯唔係人設，大家都清楚佢好有料到，不贅。
6. Peppa成日去人地d谷鳩噏玩膠呢d野眾所周知，不贅。 個官方tg group一開始好多呢個group既人係因為好早有師兄post左link係channel同group度，所以先有好多人做到好早買既人。
7. ECA並唔係ipfs幣，係行pos，唔需要買礦機，什麼買左一萬蚊礦機最尾唔對路賣哂d harddisk又係完全捏造事實，ECA只需要係普通電腦裝個wallet就可以。而當年ECA沒落前曾經炒起過兩次，我都成功係群組通知大家買入同賣出時機，大部分人都賺到錢。不過過左一排之後我先知道原來有幾位師兄冇及時睇到群組既通知輸左錢。知道左呢種派魚既做法唔work之後，我就開始轉左去教大家捉魚就算，之後都冇再幫任何coin做宣傳。
最後，教大家一個簡單tips去辨識一個group究竟有冇可疑，如果你去左一個group，當你對群主或admin講既野提出質疑，但最後只有一大班其他人好積極咁攻擊你，而群主/admin完全冇出聲正面回應你，然後過左一陣你發現自己俾人ban左，咁果個group應該好有可疑。係幣圈生存一定要自己好小心，唔好盲信一個人一個團體。
我地既群組就一向支持有建設性既質疑同討論（例如我成日俾人質疑用TA炒幣冇用，結果經過理性討論後，有d原本完全唔信TA既師兄而家用TA炒幣炒到得心應手），所以我呢呢度先聚集到唔同方面既勁人，唔會一言堂，咁樣先可以令大家一齊進步。
Lau Ming
