良心裝修佬爛尾拒絕執修 仲串返人話一齊攬炒(3）

仆街裝修佬

串柒柒，自己理虧仲學人開戰

裝修佬？

就來諮詢都要先俾尾數

良心裝修佬最新回應

Full Moon 滿月食堂 老闆娘你好
既然事情已經擺左上枱面，咁不如喺枱面解決：
將你認為係defects既項目喺留言區講，我哋直接喺度跟進
只要係報價內容有既野，我都會負責任
最後工程尾數搵一個雙方認可既公證人見證下捐出

－－－－－－－－－－－－－－－－－
我唔跟進果啲defect，唔係因為我不負責任
而係我根本信唔過你，你誠信有問題。
第一，你老公曾聲言話會搵其他人執，因此唔找數
第二，我同你亦有協議，扣錢分手我交還屬於你既野，和平終止關係，但唔再執漏，呢個協議你係認同的
但最後都係無疾而終
基於以上兩點，試問你再同我講要我執漏，然後比尾數，我點相信你呢？
工程期間好多野講左，但之後又唔認數
呢方面係我蠢，無筆錄
誰是誰非，唔係每一樣都可以追究到
口同鼻拗

因此我請你喺下方留言區列清楚所有需要執漏既項目，如果係報價單內包左既，我同你執修
等所有人做證

－－－－－－－－－－－－－－－－－
另外，我一次過回覆好多不實既指控
1）我block左滿月老闆娘？
無，從來都無
佢可以pm我，而我地個group亦存在緊
2）未執漏就chur住收尾數？
我所有客人都係執漏完先收尾數，係所有
但點解滿月唔係咁？
因為我同佢有協議，扣錢分手，終止關係
但最終佢應承左協議，然後又叫我執漏
我一方面信唔過佢，另一方面我根本無多餘人手跟進
（因為我已經預左分手！）

3）收左40萬，你爛尾裝修
其實你地各位既眼睛都係雪亮既
你地可以去滿月間店度望望，睇睇鋪面既裝修係咪咁不堪入目，我係咪攞左40萬就拍下蘿柚走左去
再者，40萬做咁大間鋪，你估真係好多錢？

4）至於隻窗
現場夾既時候，老闆娘自己開閂過
佢都話okay
咁當然呢個唔係慣常做法，我無提點佢亦有疏忽

5）廁所漏水
報價內容無整廁所架🥲

6）黑心裝修佬
最後我希望瘋狂留言話我黑心果啲
你唔好將對「裝修佬」既負面情緒發洩係我度先
我前後做咁多單，好評既係佔大多數
但好事不出門，醜事傳千里
我承認呢一次滿月工程，溝通上存在極大問題
可以有更多更好既手法去處理
我有做錯，亦影響左黃圈既聲譽
對唔住，我誠懇地向同路人道歉

－－－－－－－－－－－－－－－－－
最後，我睇返呢兩日既言論
我的確好口臭又惹人討厭
唔係content team既問題，係我既問題，我會反省
如果老闆娘同意，我可以將有關滿月果啲post全數刪除
（我唔想私下刪post又比人屌）

感謝私下pm支持我既讀者、客人、朋友、合作伙伴
就呢次事件，就喺呢個post集中講，我唔會再開其他post講
亦請唔好再打電話黎滋擾我（由今朝到晚上，已經有幾十個無來電顯示既電話打黎）

上門維修最多都係收幾舊水車馬費再報價

好撚癲

仲話黃圈 收皮啦 全部變藍圈

幾有良心

應該係呢間 滿月post左

個窗真係睇一次笑一次

1）block完人解block有幾難？而家講乜都得啦
2）已經有人整窗台話比左尾數先執漏，講大話
3）40萬少錢唔志在，2皮要生要死毀人清譽
4）幾識包裝，原來係無提多人一次
5）唔係報價內容，係係整爆人地度門在先，係賠償
6）明顯針對你唔係針對裝修佬

出面行過個女仔可能起度諗：嗯？點解個窗手柄起度？

年輕人唔係擋箭牌
黃店唔係擋箭牌
呢兩年我地有好多同路人付出左不同既代價
可能係性命，可能係身體殘障，可能係流亡，可能係人身自由
黃色經濟圈係互助互撐，堅守抗爭信念既最後壁壘
唔係比人用黎斂財

盆菜事件鬧得滿城風雨，但事出必有因，腦細都想講講自己既睇法
首先有幾點先大家先了解：
1）節慶食品係極高利潤既產品
（例如年糕、月餅、糉、盆菜等等）
2）香港年青人唔係廢物，我認為香港唔需要類似「宣明會」咁樣既機構去消費年青人
3）好事不出門，醜事傳千里
做得好，未必有人讚，因為收得錢，交足貨係天經地義
但做得唔好，比人唱，亦無可厚非，做人無公關食得屎的

首先，盆菜屬於極高利潤既產品，已經有足夠既margin比你賺（呢個係資源管理既問題，你收左舊錢，你選擇賺幾多、比返幾多野客人）
而且你亦收足錢，交唔到貨真係好差勁
做飲食唔容易，無經驗就搵啲有經驗既人幫手
或者唔好咁心雄，收少啲單，唔好令同路人失望

人地支持得你
係信任，而你回應人地既信任
竟然係一兜酸餿臭既劣質盆菜....

我唔相信呢壇野係無利益，「單純幫年輕人」
我真係唔信
但收錢做野係天經地義，無乜好責怪
不過最大問題係，你交唔到貨啊
你映衰晒默默耕耘既黃店啊，你好肉酸啊
成個黃圈比你搞彎晒喇！

其次，呢個機構既經營手法我真係不敢恭維
每次出post都極矯情造作，完全係「宣明會」咁樣去經營
將我地香港既年輕人講到全部係弱智仔咁樣
成日掛在口邊就係「點樣幫佢地」、「啊，佢地又奶野喇，要幫佢地抹屁股」
腦細一路都有幫小朋友，數量唔多，但佢地開到聲，合理要求、我能力範圍內做到都會盡量滿足
年齡範圍由15歲到30幾歲都有
但年輕人比我既感覺，真係唔係廢物
佢地有理想、有想法、有能力
好多時只係缺乏經驗同機會
我同佢地相處，唔會高高在上，一副我幫緊你既態度
我當佢地係partner，我地大家一齊完成緊一件事
我會表示需要你幫忙，否則搞唔掂件事
我會話比佢地聽，你既價值係邊度
係唔影響到其他人既層面，我會放手比佢地處理
當完左件事，我會同佢分析返有咩做得好，有咩可以做得更好
減少干涉，大家當傾計咁樣討論返件事
而且，今年2021喇
好多以前接受我幫助既小朋友都自立左喇
授人以魚，不如授人以漁
比錢小朋友，不如教小朋友搵錢，同埋幫佢地追夢

最後，好事不出門，醜事傳千里
我唔認同「黃店多數劣／貴，大家食理念」呢個說法
好多黃店默默做實事，不高調不張揚
希望大家多啲支持呢啲做實事既小店
少啲講是非，黑白是良知，做好自己就可以了
優質、良心既商戶就多啲支持，叫埋朋友一齊撐

不過事情去到依家咁樣
支持既朋友可以繼續撐
唔支持既朋友，可以冷處理，再撐其他努力緊既同路人

不割只適用於2019年，我地萬眾一心撐前線
而唔係黃店做錯事，我地都要盲撐


希望良心開倉腦細會教訓下裝修佬

裝修佬：開下睇下開唔開到？
傻女人：開到
裝修佬：即係無問題啦，睇下一樣

唔知有冇人會想試吓打開
會唔會嚇死個水吧

好似係 岩岩睇到有留言話同米紙拍過野

我懷疑個裝修隊完草黎

好評佔大多數