Wall Street English 真係黑店，侮辱教育，想學英文大家千祈唔好落搭

79 回覆

252 Like 4 Dislike

cupcakeKD 2022-01-27 12:11:34

話說屋企有個小小自閉嘅細佬，畢咗業又唔知世途險惡，俾人水咗上去簽 Contract。講真見好多師兄都話佢啲 Course 好垃圾，自己就冇上過堂所以唔評價了。但剩係以下幾點都睇得出間嘢幾仆街。利用人真係想努力學習嘅心態，轉化做自己利益收入，然後再一次打沉佢哋。

1）學費用信用卡分期付款
最陰險係佢哋學費條數好多細項目，每個月俾500幾原來剩係買網上個acc。然後如果你真係使用網上服務又會再另外charge你千幾蚊。簡單啲講500幾蚊就係買空氣，綁你18個月。如果你心有不甘覺得還掂都俾咗錢不如上去再學下嘢，佢會再charge你每個月千幾蚊。前後3萬都嚟緊，就嚟貴過讀大學。

2）分期付款佢係幫你同財務公司簽約，務求令你Cut唔到
簡單啲講，簽約時舊錢係同Aeon簽。Wall Street English自己已經收曬全數，變咗你係差信貸公司18個月全數。又係睇得出佢哋貼住教育招牌，實際上只係想拎錢走佬，然後交俾財務公司追你條數。

3）退唔到學
讀大學都係話Quit就Quit，呢間嘢要你重病/移民先可以退學。懷疑撞車雙腳殘廢佢都會逼你坐輪椅翻去上堂然後收你錢。唔知抱住啲咩教學理念可以做嘢做到咁低劣。

如果你上Google Search "Wall Street English" 會發現第一頁乜負評都睇唔到，因為佢自己都心虛所以落重本搞SEO。只要 Search "Wall Street English 評價" 就會見到勁多黑材料。呢度出 post 都係想出一份力講翻俾大家知呢間嘢有幾過份。想進修英文嘅巴絲，keep住團火，但都要小心揀好學校。

後記：
搵緊消委會同教育局，希望無良學店可以早日收皮。講真自己見到啲人自發學習新知識每次都覺得好impressive，唔想有呢啲19學店成為佢哋學習路上嘅阻撓。

波多野比大紅大紫 2022-01-27 12:17:06

依家唔知，但以前有個ex 去上都幾正常，會考0分上到ielts 有7.5，係貴咗少少

長崎涼美調理農務 2022-01-27 12:24:36

琴日先補完今日就見到呢個post了

好後悔報左名而家先知道中伏
前後俾左二萬八學17個月
佢都有叫我aeon簽卡
上到去好似有種傳銷既感覺

cupcakeKD 2022-01-27 12:34:24

如果回到水或者消委會/教育局有回音我會再上水 update 下

但老實講唔抱太大期望。覺得最唔合理係移民/重病先可以退學，睇下可唔可以針住呢樣講。

cupcakeKD 2022-01-27 12:41:26

講真自己唔太熟香港學店環境，所以唔識推介。
個人諗法係，網絡咁發達其實好多 free resourse 可以用，一個人自發學習嘅傾向越強，學到嘅嘢就會越多。
學任何嘢我都會建議上 Youtube 睇翻相關嘅 channel ，然後 pick up 咗最基礎嘅知識先。
最忌喺 Don't know what you don't know （唔知自己唔知啲乜）嘅情況下重本報課程。比較理想係 Know what you don't know（知道自己想學嘅係咩範疇），然後再針對想學嘅嘢去報 course。