想用嚟笑香港人冇膽，笑香港人走佬
但係香港人對於烏克蘭人究竟認識幾多？
點解見到啲烏克蘭人咁勇武，就算明知係送頭，都要成個國家同俄佬死過？
同佢哋嘅對「哥薩克人」呢一個身份認同有好直接嘅關係
烏克蘭好多軍衫都有個哥薩克人喺度
其實俄羅斯都大把哥薩克族嘅人
俄軍仲有一隊全部都係由有哥薩克血統嘅人組成嘅軍隊
但係喺烏克蘭
佢哋覺得「哥薩克人」唔係一種血統
「哥薩克」係一種精神：一種崇尚自由，不受人操控嘅意志
只要你有嗰種意志，你就係哥薩克人
烏克蘭國歌最後一句：
「為了得到自由，同胞們，我們將會證明，我們就是哥薩克民族」就係咁嘅意思
點解話哥薩克人係一個自由嘅民族？
大家應該聽過香港有間餐廳叫東歐餐廳
東歐餐廳嘅英文係
Ivan The Kozak
「哥薩克人Ivan」
Ivan係邊個？
我估就係中世紀英雄Ivan Bohun
佢帶領哥薩克人起義對抗波立聯邦
之後被人捉咗，重獲自由之後再打沙俄
最後因為特登漏軍情畀沙俄畀波蘭處決
波蘭有一套戲 With Fire and Sword 就係講呢個背景下嘅故事
呢套戲喺烏克蘭基本上係家傳戶曉
唔從屬於任何強權
只為自己民族而戰
就係哥薩克人，亦都係烏克蘭嘅精神
呢個就係點解就算點孤立無援
烏克蘭人都要打嘅原因
願榮耀歸於烏克蘭
願榮耀歸於英雄
Slava Ukraini
Heroyem Slava
