守宮係會越養越多 唔信你養返條(2)

首先暖氈擺喺上面一定會熱傷佢，呢個第一時間要解決先

5w已經可以泵到50幾度，所以正常情況一定係放喺缸底，上面仲要鋪厚少少，around 25至32度係最理想

第二用呢隻沙有可能會塞腸，因為守宮有個習性係會喺野外lam石補充礦物質，所以可能會誤食咗。如果真係想個缸似佢原生地同易打理，可以用澳洲沙加泥，喺上面噴啲水然後用力㩒實佢，過一兩日就會變咗沙石地咁硬，似翻佢係野外嘅樣

Btw睇你個款似係新手，建議你可以上網做吓功課先

樹洞入面塊墊藏係沙下面
而且我亦經常摸果個位 睇下會唔會過熱
佢亦經常訓係果個位
而且佢食得 訓得 痾得 行得 脫皮脫得好好
同埋我亦試過擺暖墊係玻璃箱外既下面
箱內完全冇一點暖
前排好凍啲日子我擔心佢會凍死

仲有 佢係人哋比我養
自己冇特別研究亦冇養開爬蟲動物
淨係知守宮
想問清楚咩品種姐
我諗最多係冇咁養得咁專業

首先你用手摸去評定夠唔夠熱已經有問題，經常瞓嗰個位係因為佢冇得揀，佢唔瞓嗰度會消化不良，唔代表唔會太熱，正常應該要買個溫濕計去測量。

第二，就算食得瞓得痾得都唔代表佢唔會有隱病，呢啲動物唔同貓狗，病咗係好難知，就算睇落好精神，突然間有日死咗都唔出奇，所以盡力符合返標準一定係最好，而唔係靠目測動物健唔健康

好明白收養動物嘅心態，可能本身對爬蟲未必咁有熱誠，就算養得冇咁好都好難怪你。但始終隻動物嘅健康都係掌握係你手上，如果可以都盡量對返佢哋好啲

係咪我買啲暖墊廢得制 我開左好耐都係微暖
微暖到feel唔到佢熱 所以我擺缸外直情缸底都唔暖
所以每年冬天我都好煩惱佢會凍死

呢隻沙都係去啲爬蟲店介紹比我用
不過聽完你咁講 我會試你推介個隻 希望養得再好啲
多謝指教🙏🏻

我可以好肯定同你講，手摸完全係唔準，你去五金鋪買枝紅外線探熱就知

所以一個溫度計好重要，始終手真係唔準，同埋你唔會每日都摸夠唔夠熱，有時可能去刮開咗啲沙直接掂到佢肚皮就會太熱，或者個墊突然壞咗太凍，但你短時間入邊唔會察覺到

我一開始都諗住唔使買溫度計，有日心血來潮買咗個返嚟，一放落去見到成40度，嚇撚到仆街，即刻整厚翻啲底材
好彩時間唔耐，如果唔係真係出事

好可愛！

我擔心佢係有腹水，用燈照佢腹部都幾透明，係咪需要吱啲水出嚟？

求救
我隻豹紋守宮嘔血，有無診所推介

幾多錢買架

想問邊到成體肥尾係平平地 我見到條成$6000 係太子果間 想養啲平小小

多謝你回覆我 已經養咗佢哋差唔多兩個月啦

Sor 因為啱啱先睇返啲守宮POST
好得意呀兩條都

隻守宮係屋企走失左,有咩方法引佢返出來?