點解會用「無故」呢兩個字呢 ? 因為今次呢件事真係發生得好無辜。大概係半年前，聽左好多朋友講，唔好放太多錢係幣安，最好擺返啲係錢包。果陣睇新聞見到幣安，比唔少既國家調查，甚至凍結一啲用戶嘅帳戶，都不以為然。
個排雖然陸陸續續聽到好多幣安嘅負面消息，但嗰陣時心諗，只要唔亂打幣入個帳戶，就點都唔關我事，所以我嘅帳戶，從來都冇啲外來嘅幣打入黎，一直只係透過幣安既C2C去買幣。
一直都大安旨意咁用，用得相安無事，朋友叫我用錢包，我仲笑返佢地，咁驚唔好玩幣啦，我對我幣安帳戶百份百信心（喺呢件事發生之前）
去到2021年年尾既時候，NFT開始喺香港冒起，我自己有興趣入手一兩個，我就開咗一個sol既錢包phantom，打算去買一兩個NFT玩下。
問題就喺度開始發生，因為我想買NFT，所以我係幣安到購買左SOL，然之後就嘗試提幣，最後當然就係提幣唔成功，顯示話我嘅帳戶發現可疑活動、已禁止提款。
見到咁嘅情況我個人已經好亂，同埋好慌張⋯我已經即刻去搵咗人工客服，終於用左超過一個鐘嘅時間先等到個人工客服回覆，但客服同我講，佢都唔知道咩原因令到我提唔到幣，完全冇提及到具體係咩原因，然後客服講會上傳去更高級嘅部門幫我解決問題，開始左我無了期嘅等待！
到而家我發呢個post既時侯，已經發生接近三個幾星期，幣安既官方客服仲未比到回覆我，只係叫我等待等待等待，無了期咁樣等待，三日又三日，將呢件事係咁延期。
之後我都去咗警署搵黑警幫手，亦聯絡咗相關嘅執行部門，更問咗律師嘅意見，最後得到嘅回覆係冇任何嘢可以做到！
雖然我被凍結左嘅資金對於某啲人嚟講唔係好多，但呢啲錢係我由畢業後5年辛辛苦苦儲落嚟嘅積蓄！
呢件事發生之前，我真係大安旨意咁用，唔覺得係啲咩既事，但係當事情發生係自己身上，先知道所有嘢已經發現得太遲，後悔都黎。
同埋覺得成件事情真係覺得好無稽。趙長鵬作為幣安CEO，錢多到做埋亞洲嘅首富，全世界最大嘅加密貨幣交易所，竟然可以隨便凍結人哋資金，咩原因都唔俾，最後我竟然連一個人都搵唔到，去咗報警，警察都同我講冇用，搵咗律師，比我嘅答覆都係乜嘢都做唔到。唔單止好無稽，仲覺得好恐怖！
發生咗呢件事情之後，呢幾個星期我每晚都瞓唔到，每次靜落嚟嘅時候都會諗起依件事，而家我已經放棄咗追番啲錢嘅念頭，知道拎返我錢嘅機會好微，因為佢哋可以隨便咁凍結你個帳戶，佢亦都可以隨便安插一啲罪名，永久凍結你個帳戶。
無啦無啦
