人生係咪自己想像中咁難

工作令自己要睇精神科，個人變得緊張又焦慮
好彩身邊有愛我嘅人同埋我愛嘅人
好唔容易捱過咗

但係人生總係不斷出現唔同難關
而原來我仍然都係咁弱，無改善過

唔想同愛我嘅人講，唔想影響到佢哋嘅心情，唔想嚇親佢哋，只可以匿埋喊

其實我好想講，我好似明白點解有人會輕生，原來係控制唔到自己出現好辛苦嘅感覺，人生每一日都係捱住咁先過到

唔想沉迷係呢個不斷唔開心嘅感覺

辭職休息下

我覺得係香港/亞洲大氛圍易令人有咁嘅感覺

做自己想做既野

呢個時候反而要下廢老 唔好理人感受 自己爽就得

加油

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站
www.help4suicide.com.hk 。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：下午4時至凌晨1時；星期六、日及公眾假期：晚上８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

離開香港就會變easy mode

揾過份工啦。
幫老闆揾錢，洗唔洗做到比埋條命佢。

建議你睇吓
最大的秘密
呢本書

人生的確係好多苦難，我好明白你嘅感受。
唯一可以做嘅係改變自己諗法，相信自己有能力面對。
每日感恩吓發生嘅好事，小事都可以，多啲感受正面嘅情緒。
搵啲嘢持之以恆咁做磨練心智，令自己面對困難嘅時候可以有強大嘅心力面對。

不過講就易，做係好難。

已經轉咗份好簡單嘅工，但係呢啲嘢原來係永不磨滅。

外國真係唔會㗎咩？

明白，但係時間唔等人

多謝你

首先要有經濟基礎

有一種向前的方法叫「按奈」
回首昨天
你也是安然的步過了今天
多點欣賞自己
多點開拓自己
多欣賞自己雙手所建立的一切
加油

有時都要為自己自私下
但總係覺得自己捱得住，漸漸原來已經逼到自己變成左另一個人

係唔係好友啟示？

多謝你咁用心回覆我，我會學習

好有啟示

明你感受，好辛苦但唔敢同人講

唔識開心 但自己努力緊搵點開心 所以你都一齊努力

要明白人生嚟到呢個世界上只係體驗
無需過分認真因為好多嘢都會過去
回歸返當下嘅感覺你就會感受到平靜
希望幫到你

唔會
有朋友都做到抑鬱
英國無

之前我都一直比工作壓力迫到自己日日都好無動力，每日返工都想嘔同埋個心好鬱悶，同事都feel到我唔想講野同埋好似有好多事情壓住我咁。我知道自己好唔enjoy呢份工作，一路捱落去我就真係頂唔住。

知道我嘅唔好情緒都係來自呢份工作，所以前排我估起勇氣遞信。等新工嘅期間可以有啲時間比自己面對自己，做返啲平時好少機會做嘅嘢，例如：睇戲、去書店、睇吓海。而且停落嚟望吓屋企人，發覺自己之前比工作壓力矇閉左，個陣無咩心情了解下家人。

休息個排開始有返啲生存嘅目標，再問自己想要做啲咩真正enjoy嘅事情或工作。其實做咩工都係辛苦，離理想都係好遠，但最起碼宜家我搵到份壓力少好多嘅工。我同我自己講：唔enjoy咪再搵囉～

其實我覺得自己無任何叻嘅地方，樣樣技能半桶水，年紀亦不小。有時真係覺自己好廢，唔想同親朋戚友講自己做緊咩，真係想摺埋。

如果身心都feel到頂唔順，咪比自己休息下。我聽過一句說話「工作只是人生的副業，生活才是主業。」我都仲學習緊視生活為主業。

樓主加油！