「長文」女朋友有個呀哥

吃檸檬 2022-01-22 01:09:09

同女朋友拍左一年拖
一直都有樣嘢好困擾我
就係佢「啊哥」

佢哋兩個冇血緣關係
純粹係細個隔籬鄰舍
即係青梅竹馬

其實未同佢一齊之前已經知道有個咁嘅人
但係嗰陣時覺得冇乜嘢
再加上嗰陣時我哋兩個好曖昧
重點並沒有放落「阿哥」度
所以基本上我係完全無視左呢個人

同佢一齊之後
佢帶咗我去見「阿哥」
「啊哥」好好人好talkative
同佢相處會覺得佢好有魅力仲要同我同齡
所以我同「阿哥」相處都好好
間唔中一齊打下機吹吓水

亦都因為女朋友同「阿哥」係鄰居
所以有時候我上女朋友屋企都變咗上「阿哥」屋企
嗰陣時一齊玩都幾開心
仲認識埋「阿哥」嘅爹娘
兩老都好好人夫妻互動都好好笑
見到我同女朋友一齊過去玩就會煮餐好
仲慢慢開始覺得我同兩老仲friend過佢哋個仔
所以我基本上生活大小事都會分享比兩位老人家聽
之後就認咗契爸同契媽🤣

直到一個月前
契媽WhatsApp我
問我知唔知我女朋友最近成日去佢地度瞓
我梗係唔知情啦但係佢地之前一直都有呢個習慣
所以我就覺得冇乜嘢
(我唔知道原來我女朋友去得好頻繁
一個禮拜去五日
以前一個禮拜都可能剩係得一兩日
冇錯呢個時候真係發生咗大家諗嘅嘢
但係我唔知情）
契媽冇直接話俾我知
但係同佢傾偈會覺得好奇怪
因為佢一直引到我去諗嗰啲綠色嘅嘢🤣
但係我淨係覺得好奇怪完全冇想像過有啲咁嘅事發生

直到一個禮拜之後
契爸打電話俾我
佢同我講(🥸契爸 🌴我
🥸「啊仔呀覺唔覺得最近你契媽同你講嘢好奇怪？」
🌴「覺啊好覺啊」
🥸「知唔知點解」
🌴「唔知」
🥸「唉…….」
🌴「係唔係出咗啲咩事？」
🥸「出事係出事不過唔係你契媽係你」
🌴「下？？」
🥸「啊女(我女朋友)最近咪成日過黎訓嘅？
我地最近發現屋企垃圾桶有套……」
之後嘅嘢我已經冇聽啦
我亦都冇出聲
我冇喊但係腦袋一片空白
個腦唯一係度諗緊認真咩
其實契爸講嗰下我唔係好信
我心諗應該係兩老講笑啫

(小插曲:
我依個時候whatsapp嗰friend同佢講我變左模擬市民
條pk仲要笑9我🥲🥲🤣

緊住夜晚契爸再打電話比我叫我過去
佢話我女朋友同啊哥都唔係度
想同我面面傾下計
我其實好唔想去
但係契爸一直講一直叫
嗰晚就上左去

去到之後
發現佢地兩個都係度
唔止添女朋友兩老都係度
契媽開門比我所以係我隔離
三位老人家就坐左係沙發
兩位年輕人就跪左係三位前面
冇錯係跪
我去到好驚訝
契爸同我講
「啊仔啊你想點處理？」
我原地喊左出黎
我唔係因為女朋友同啊哥而喊
我係因為兩位老人家而喊
其實佢地絕對可以咩都唔理
比我地年輕人自己處理
但係佢知道以我嘅性格我咩都唔會做
然後慢慢淡出
但係契爸覺得敢做敢當
佢覺得錯就要認打就要企定
所以先幫我去教訓佢地

其實嗰個場景
佢地應該都比人屌得好柑
我淨係問左一句點解
女朋友就一直係度講對唔住
啊哥就一直卸膊
話係女朋友嘅問題
契爸一掌車埋去
「仲想卸膊」

我真係好無奈
我已經唔想理佢地
唔想聽到佢地把聲
我同契爸講
「你地想點處理就點處理啦
依兩個人已經同我零關係啦」
之後契爸好嚴肅咁同我講左一句sorry
之後兩位老人家就同我一起去外面食左餐
成個過程都好安靜wv
就放我番屋企

事情大概就係咁
sorry for 1999
po上黎其實只係想訴下苦
唔係話俾大家聽我有幾可憐
我只係唔相信啲劇情會發生係我身上

淫戰畢能咦 2022-01-22 01:11:16

1999 btw你都幾慘