無事真係唔好做細公司

純發洩

小妹不材 無能力做到咩大post 只係個弱弱既導師
一心想住入去只係要準備教材 + 教書
出到黎變左咩都要做
除左份內事 要預備教材 教書
仲要做interviewer, admin野， sales野，marketing, 統籌project

都係個句 我只係想做齒輪 唔想咩都做
每日番工都唔知自己做緊咩

慶幸的係依家每個禮拜都有一日做緊自己中意的事

重申： 想做齒輪就唔好好似我咁 咁智障走去做細公司

即quit,轉工
我都係細轉大

垃圾公司 錢少少 事多多

即炒腦細啦

到你做齒輪又話唔人生已完㗎喇

咁咪好
其實好果面諗而家有人俾資源你試錯
遲啲你可以自己出黎獨立做
呢啲skills都有用

我反而鍾意細公司 做嘢flexible啲升職又快啲
大公司狗屎垃圾都要過幾十個department
拎哂所有approval都差唔多退得休

細同大一樣啫
都係識奶袋底好過識做野

邊有人會做死一間，大公司人工跳得仲快，福利又好

想quit就quit，到最後你就會明白只係隔離飯香/你未搵到目標

細公司只係用嚟升職加人工嘅跳板

同拍拖 1 樣, 唔啱就分手啦

比D大志喇，入去磨練下，咩都識

講係咁講 但其實全部都係摸住石頭過海 老細永遠期望你有方法搞掂所有野
有陣時真係會好淆底 驚做錯啲野 又冇樣精咁

細公司好快升到頂
大公司(EG MNC)先可以升到頂再跳department，跳region去升

睇佢要你做嘅野對你未來有無幫助

有啲case可以係無，齋做
但我覺得呢個case會有幫助，
學咗佢第日你自己出黎開一間都仲得

細公司啲exp有部分大公司會唔認或者打個6折

姓蘇？

細公司用來拎title拎exp
再去大公司做lead人

最緊要d野唔關我事 同唔上身