永孝街考車

咁幾好玩
唔轉考自動波好過

聽聞係最難乙部 乙部唔係永孝答你唔到
出試場小心有車衝落黎 工廠區小心死車樽頸位
上到山/入ive睇時機上3波 衝得夠快（40左右）後面d車就乖乖地跟住

幾時考，一定要學識過死車，路口位和上斜

過死車：
迎面有車記得唔好過死車住 ，用1波吊極力子/停車
有死車早小小預備-打燈回頭望 望到膊頭為準

路口位：
路口前10米倒轉2波慢駛 見箭咀尖角轉1波拎半圈軚（易啲轉灣）12腳停車左右望 如無車再鬆極力子 1波行駛 有車就手制空波

上斜：
上斜唔好心急上3波 要過左40先上3波
斑馬斜 路口留意有冇暗斜 停車開車拎高小小摩擦點拎好極力子摩擦點先放手制 唔好咁心急

基本野：停車開車前望左右鏡
開車拉手制前左右望鏡；停車踩極力子時左右望鏡

2月頭考，多謝巴打

我上個月永考棍1take pass，考2號線， 首先睇下你個師傅夠唔夠膽同你衝禁區練習先， 佢淆底嘅，輸三成， 再嚟就係運氣， 3號線禁區線行程最短， 減低出錯機會， 1 2號線 最多的士狗小巴狗貨車狗， 重點就係出入試場嗰一小段路 拍滿曬死車， 真係要識隨機應變， 返試場最後條路過死車再加有對頭車嘅時候，唔好諗，即刻停低，安全再開

一出門口個工廠位，一多大車就肥一半，向前排停黃格，唔行就阻住後面
同埋小心小巴佬，cut線爬頭望到小巴佬咪撚行，佢讓你都咁話，隨時撚你架
我第一次佢讓我cut；我一cut佢即bu鳩我；即刻大tick左咩影響其他道路使用者

利申2tick pass，2tick都係永孝

師父話全港最窄既窄位掉頭考場
冇乜出錯空間 最緊要慢同扭得快
不過係跟足黎做其實又唔難

泊位就冇乜特別
路試三條線其實都唔難
條路闊到冇人有
係出入試場工廠區留意吓
同留意望鏡同啲車突發走出黎

永孝我覺得唔難
個路線我行咗三日考pass
抽頭時望齊鏡就冇咩問題

轉出永基路同轉返入永孝街已經係成條線最難嘅位
望遠啲唔好心急
兩邊都無車嚟先出就得
加油

巴打 你個師傅有冇俾你偷雞行禁學路線

先利申, 我2016年12月永孝街丙部試pass, 乙部試其他試場pass 答唔到你,
當時興盛路路線未有, 答唔到你

出門口:
老虎蟹都停低望兩邊, 因為有靈車,旅遊巴出入火葬場, 更要留意出面死車,最緊要做好過死車動作

永基路一段 (來回適用):
由於兩邊都有死車, 一定老虎蟹都停低望兩邊, 沒有車先好出, 呢段路主要2波行駛, 路面情況許可足球場對出可以上3波,如果燈位前有車, 要預早拖2波, 黃格前停車; 翻試場都要小心處裡死車

葵福路一段 (來回適用):
呢段路要上3波比官看, 因為直路頗為暢通

葵盛圍 (左右圈適用):
機樓至高盛台一段 (左右圈), 仁立小學至基督教會所一段 (左圈), 棉紡匯中學至南葵涌診所一段(左右圈), 情況許可都要上3波, 留意仁立小學至棉紡會一段, 葵聯村會有死車, 小心處理

上3波視乎交通而定, 黃色字路段起碼要有1次上3波

永孝街路線比較長, 但其實比其他地區, 已經少轉線,師兄祝你路試成功, 歡迎其他師兄指教

師兄 2016年考都咁熟

師兄, 因為好深刻, 我考試一刻都記得, 加上附近讀書, 所以對葵盛圍都有一定認識

Anyway, 祝你好運, 希望連登個大師兄貼士幫到你

出左試場轉入葵福路都未死已經贏左一半 葵盛圍連我考重型去行都唔覺得窄/難考 如果盛福街轉左葵盛圍就小心響大窩口道落到林護右轉返葵盛圍個路口 果個位如果對面唔係紅燈好多時你都要等好耐 因為好多車上山 但切記唔好急 同埋千其唔好開車果陣溜前 右轉小心你右手邊個膊 同埋如果你考放學時間 就小心啲家長車同仁立啲小學雞無啦啦衝出黎（成段葵盛圍都要小心學生，剩係葵盛圍下段啲學校一隻手都數唔哂）

同埋葵盛圍下段啲小巴佬 特別南葵涌診所附近果啲 果段啲小巴佬都揸得幾急 同埋佢地會停站 但好多時都快上快落 除非你見到個小巴站條隊好長 有排都未上完 唔係千其唔好爬佢地頭

冇 我考係考禁學個條
我上網睇片到個日師傅楂次比我認下條路就考

永孝街唔可以同一般試場比較
仲有瘋狂斜路起步

永孝算易？
邊個咁大整蠱昆鳩你

如果行右圈嘅話，葵盛西邨對出落斜小心超速

葵盛西邨對出落斜，條路闊到揸住部重型都可以劈住落

相反如果係葵盛東邨落斜嘅話就要慢慢黎，睇清楚斑馬線冇人先好過，同埋要小心巴士小巴埋站

聽聞遇到好撚肥嗰個考官，已經衰左一半

仲要舊考場

同你一樣

特別注意呢個位 d 仆街貨車佬唔理學車直行緊會轉入黎

戈時我考逆時針，仁立小學開始一路上斜都綠燈，3波一路俾油，望住儀表板行到45，之後過巴士站先拖翻2波