2021年法國1200米一級賽莫尼大賽亞軍「一發三響」(Trident),日前被香港買家買入,並將會運到香港服役,交由方嘉柏訓練。
今次有份穿針引線購入「一發三響」嘅馬販Jamie Piggott表示,自己今次任務都係為馬主搜羅有質素嘅佳駟,最後更斥資7位數英鎊買入「一發三響」,目標都希望可以跑到下屆香港打吡大賽,「一發三響」性情文靜,而馬匹體格亦都合心意,盡量希望佢可以保持咁乖巧,以雄馬身份來港服役。此駒現時展開檢疫程序,稍後日子就會運來香港。據方嘉柏透露,買入「一發三響」嘅買家係何猷亨,而何猷亨今季亦中籤,可購入自購馬。
至於何猷亨現時養有「爆谷」,由告東尼訓練,「爆谷」剛周三谷草夜賽更喺莫雷拉胯下贏出四班谷草一哩,雖然何猷亨無緣入場拉頭馬,但贏完呢場之後,總獎金已經回本兼有賺呀!
原來係賭王個仔


仲以為係川河系個何生

