依家踢緊場麼樂哥對科摩羅,科摩樂呢班大部分人聽都未聽過既撚樣,竟然踢得唔錯,唯有介紹下呢個國家。。。
科摩羅群島位於東非,靠近馬達加斯加,人口得唔夠100m人,科摩羅群島主要由四個火山島組成,分別係大科摩羅島,Anjouan 島,Moheli島同Mayotte島。
科摩羅群島曾經係法國殖民地,1975年大科摩羅島,Anjouan 島,Moheli島脫離法國獨立成為科摩羅國,而Mayotte島就留返係法國,成為法國一個海外省(省仔)。
睇返科摩羅國家隊,佢地係第一次打入非洲杯決賽週!而隊入面基本上冇咩人真係喺科摩羅出世,大部分都係喺歐洲踢波(法國+瑞士)嘅血統球員,細心留意會發現大半隊波都係馬賽出世,例如中場大腦,效力法乙甘岡嘅Youssouf M'Changama(張加馬),因為馬賽係海外科摩羅人既最大聚居地。
其餘有啲係法屬Mayotte島出世,例如神射手,效力貝爾格萊德紅星嘅Ben Nabouhane
(賓N)。
政治上Anjouan 島,Moheli島都曾經想脫離科摩羅,加入返法國做省仔,跟住大科摩羅島班撚樣就諗左條橋, 三個島各自有自己嘅總統,然後三島嘅總統會輪流做科摩羅嘅總統。。。但呢個規定係2018年就比人公投廢除左。
唔似佢地附近啲島國例如馬達加斯加同毛你求斯,科摩羅雖然擁有良好資源,但並無好好發展旅遊業,所以令佢哋國家極度貧窮。這啲窮國家當然就係中國的好朋友,兩年前佢哋曾經捐過100歐元比中國對抗肺炎。