曼徹斯特住屋分享及討論

相信唔少ching過咗嚟英國重新生活都揀曼城，小弟暫時居喺M28，得閒就上Walkden或落trafford park 買下嘢，大家住喺曼城嘅都可以圍下爐

租定買? 可摸耳透露budget
成日睇rightmove 個d 價錢 同 實際當地d 盤差別大唔大

上年買，普通3房detached廿幾萬鎊。
睇Rightmove係啱㗎，但曼城本身樓市相當活躍，本地人同香港人需求都大，有啲區或靚盤放上Rightmove 一日內可以fully booked哂睇樓，第日打去話冇得睇。

利申絕非agent, 冇介紹，大家同路人分享下。
只會日日買下嘢撚下鄰居啲貓

廿幾萬鎊爆左我budget....開頭都有諗曼城
而家諗liverpool 一帶，10萬budget 都有選擇

英國d 貓好似好正

10萬鎊左右Manchester 3房terrace都有選擇，只係價錢反映埋地理校網或治安等等，睇餸食飯

呢度嘅放養貓真係好搞笑，幾隻晚晚喺條街四圍騰，好似要巡視業務，有時相遇會開下片

樓主本身係個邊住開?
點解揀曼城

有朋友介紹嗰邊，樓價抵，亦明白到揀啱地區、街道比揀啱城市更重要，所以就先曼城落腳。

So far感覺良好，甚麼打理花園搞到腰酸骨痛、要喺樓上打電話搵樓下老婆呢啲濕滯嘢緊有

仲有冇野可以分享，睇得多YOUTUBE D人分享覺得普遍報喜不報憂
我有朋友去左兩個月就被人爆格，好彩冇野好偷

樓主出入曼城市區方便嗎？自己揸車？

有冇考慮小朋友讀書校區之類？

爆格真係睇小區/街（唔係睇邊個市或post code ），所以有熟人對你心儀嗰區認識俾意見我覺得都幾緊要。
啲人成日講英國隔條街就係兩個世界，我非常認同。

我自己揸車，去邊都超方便。舉個實例我車朋友由warrington去 rochale都只係一個鐘內嘅事。我又有啲香港鄰居會坐巴士，班次算密，10幾分鐘一班出入市中心。車費貴，聽佢哋講買day pass之類平好多，我就完全唔熟。

好區學位俾香港小朋友塞滿晒，近幾個月嚟嘅港爸媽要諗理由同council appeal 搵捷徑入學，例如小朋友有sen 之類