[西安事變] 點解當年蔣公唔出爾反爾?

蔣公頭馬係咪孫立仁, 佢好似係國軍軍神黎

黃埔系嗰堆先係

黃埔軍校只係上過幾堂射擊班和政治課，一開始的蘇聯顧問完全負責北伐打仗，黃埔學生似政委多過似司令，後期黃埔系崛起，老蔣對國軍的控制全面擴張，已經係抗日之後的事
Btw桂系由一開始長征就和白區黨談判，放走紅軍是事實

1929年編遣會議之後老蔣就已經擴展緊嫡系嘅影響力
構成黃埔系嘅嫡系軍官除左後期嘅黃埔畢業生之外，仲包括以前粵軍時期同老蔣相交過嘅軍官，編遣後嘅第一軍最少有六個師屬於嫡系，五個屬於半嫡系，數量上當然唔能夠同抗日後相提並論，但絕對唔會係無嫡系

打日本仔都唔夠打 點打內戰

想請教下嫡系 即係蔣介石黃埔果班自己人?

基本上係

蔣公

無錯，頭幾場戰役孫立人帶隊已經迫到林彪入絕路，如果孫唔係比人調走左，紅軍唔會攞得返個勢

最後班軍閥下場係點？
加入共產黨或消滅？定跟蔣介石去咗台灣？

有啲被國民黨收皮，有啲投共，剩低嘅就跟國民黨去咗台灣之後收皮

山西嘅閻錫山就去咗台灣，但佢部下傅作儀就守北平嗰陣帶兵投共

廣西嘅李宗仁就同蔣介石爭權，1949年輸咗就搵籍口去咗美國，1965年返大陸，白崇禧就跟蔣介石去咗台灣

貴州嘅王家烈1935年被國府收編

廣東嘅陳濟棠就1936年兩廣事變因為部下被國府收賣，走佬去香港

內戰再開之後，湖南省長程潜同唐生智張治中商量後宣佈全省起義投共

雲南嘅龍雲因為同中共行得有啲埋，打完日本仔之後被國府革職，佢親信盧漢接任省長。打內戰時喺龍雲支持之下盧漢宣佈雲南起義投共

寧夏嘅省長馬鴻逵去咗重慶同蔣介石傾戰略嘅時候，佢親戚馬鴻賓宣佈寧夏省起義投共

甘肅嘅馬步青去咗台灣，青海嘅馬步芳去咗沙地阿拉伯

山東嘅韓復榘因為唔守濟南被國府拉咗之後槍斃

四川嘅劉湘據聞因為同韓復榘密謀反蔣，聽到韓復榘被人槍斃之後就病咗，冇耐之後死埋。之後四川嘅勢力因為國府遷都重慶基本上玩完，但前四川軍閥人物最後全數投共

新疆嘅盛世才原本同蘇聯行得好埋，重要入埋蘇共。但佢其實係牆頭草，見到蘇聯被德國打到一仆一碌之後即刻投誠國府，殺晒當地中共官員，之後蔣介石派張治中去取代佢管新疆。盛世才最後跟國府去咗台灣

西康嘅劉文輝第二次內戰嗰陣投共

原本陝西省都有個軍閥，井岳秀除衫嗰陣把槍跌落地走火射死咗自己，接任條友心急上前線抗日，將剩低陝北嘅地盤畀晒中共

品蔥呢個reply唔錯

如果蒋中正不执着于抗日大计而是直接消灭红军，中国的历史又会走向何方？ - 回复 by @zfedit001
https://pincong.rocks/question/item_id-489038

唔係話宋美齡保張咩
所以得楊虎城死