黑色的月光
2022-02-02 11:35:45
放假睇返造星2，對芝娃娃有少少改觀
一開始真心覺得佢好廢，乜都唔掂，咁都入到60強
但去到後面跳同rap都有板有眼，而且有火
睇得出佢下好多苦功，亦都算有潛質，唔係無可能半年有咁嘅成果，開始欣賞返佢
不過暫時唱歌都係未合格，呢個真係要諗諗計
綜藝方面就不過不失，但主要係同另外兩個一齊先有火花，要研究下點搵到個人特色
至於免費巴，其實真係勁架喎，高大靚仔，跳舞好睇，唱歌還可以，係容易無自信被人影響，搞到比賽中間變左隱形人
好在去到後期有返自信，即刻變返一粒星
造星4表演直情高質(無論同姜濤比定跳p1x3l團歌)
另外平時講野太官腔，無歌出做綜藝悶少少，無咁留意到佢，黎緊有劇上睇下會唔會有發揮空間
然後Marco，其實無乜評價，本身唱跳都有底，係水準之上
而佢聲底少少似青峰唱到幾高音，係有d特色，團歌要爆就靠佢
不過佢做綜藝真係好有喜感，果種講野方法同語調好好笑，呢方面可以繼續發掘
最後講返P1X3L，我覺得唔柒，兩首歌都幾好loop
第一首braceless，填詞係敗筆，但一句跌崩牙齒令好多人知道佢地存在，都叫有敗筆嘅好處
而佢地嘅跳唱都唔錯，節目上睇算係合格有餘
第二首just lean on me，同第一首水平差唔多，但oscar填詞係到位d，幫佢地加返分，反而mv係咁閃果下煩d減左少少分，隻舞就跳得幾型嘅，特別係間奏位
另外特別想提返，造星4表演其實有兩個意外發生左
一個係地下有異物，影響芝娃娃steps，佢rap甩左兩句應該都係呢個緣故
另一個係免費巴跳舞中途earmon飛脫，佢要靠現場音樂去完成首歌
不過雖然一個表演兩個意外，但出奇地成首歌完成度高energy夠，真係要讚佢地臨場應變好好，而且平時肯定好勤力練先可以出問題依然維持到水準，淨睇呢兩樣已經覺得佢地值得支持
(其實仲想講Marco見芝娃娃甩，係空檔位俾左個five佢，好暖好bros，好加分)
黎緊唔知環球會俾幾多資源，但我會希望繼續見到佢地嘅發展
真心覺得樂壇需要多d有heart有火嘅人