原來李嘉誠個紅顏知己咁撚堅

1：早兩日去咗個維港投資（Horizons Ventures）Luncheon，維港投資出名投資創新嘢，近年投資唔少合成生物科技初創，好似唔係肉嘅肉（impossible food），唔係蛋嘅蛋（perfect day），今次呢餐飯，當然有食特別嘢。除咗有冇可可嘅朱古力，冇花生嘅花生醬，仲有食得嘅膠。
2：右上三粒膠泡泡，係由維港投資有份投資嘅英國公司Notpla製造，包裝由海藻製成，入面分別裝住水、果汁同埋酒。飲嘅時候，喜歡嘅可以食埋個袋；唔喜歡嘅掉咗個袋，只係60日就可自然分解。
3：李嘉誠紅顏知己、維港投資創辦人周凱旋，當然有出席。話說佢班同事話，想當年周凱旋帶佢哋一齊見Notpla創辦人，Notpla創辦人佢哋一齊試食「膠」，當班後生仔仲諗緊係咪要食嘅時候，周凱旋已經即刻啪咗入口，仲大膽過班後生。後來佢仲將一粒用DNA computing技術，放晒成個wikipedia嘅膠粒仔吞落肚，但佢話食完冇得到異能。
4：成餐飯食得飽，咁有花生食，當然飽！周凱旋席間分享咗個故事，值得大家聽吓：當年2013年，周凱旋同唔同政府做推介報告，題目係好似新加坡和香港呢種「彈丸之地」，到底有冇可能生產全世界1/3牛奶、牛肉或皮革。結果，佢問咗三個地方：
政府A：「呢個係一個好有趣嘅議題」，因為呢個國家有食品安全考慮，呢個政府知道佢嘅責任。
政府B：「我們都好想知道這會否發生！我唔知會唔會發生，如果發生時，我哋應該點樣迎接，要問咩問題，佢哋（科技公司）需要咩先能夠落地？」
政府C：「我哋冇興趣，我哋無地畀你。」
三個地方係邊度，佢冇講；不過反正我就知道，呢三個地方包括係新加坡、深圳、香港。咁邊個打邊個？大家咁叻，你哋會估到嘅。
5：題外話，新加坡主權基金淡馬錫，一早已經有同維港投資共同投資合成生物科技，包括人造奶製品Perfect Day及植物製肉Impossible Food。
6：講返轉頭，其實政府C真係好低能，同人講冇地？周凱旋好無奈咁同我哋講，其實要生產全球 1/3 的牛奶、牛肉或皮革，需要嘅地，只係一棟商業大廈就能完成。問佢點睇對方咁答，佢就答得非常得體：「所以最重要係，點樣問問題，如何支持新的科技革命technological revolution。不係話要批評別人，但需要大家都有興趣，先可以向前走。」
7：周凱旋引述超人話，認為本地一定要「再工業化」，因為係年輕人再擴大發展關鍵，他都覺得合成生物好重要。有人問周凱旋有冇同港府講過要推廣「再工業化」，一問之下，周凱旋就開始表演真正語言藝術。
先好Humble地講一句「我哋公司好細」，講完之後就黎料啦，先講技術革命分4個階段，第一個階段係conceptual idea，「可能大家覺得很難：『駛唔駛諗嘢？駛唔駛做嘢？是有壓力的。』但我們很多謝李生願意去參與，願意去研究會否成功。在新科技來臨時，願意去參與，看看會否成功。」
呢個階段就參與，係難嘅，但超人都願意去試，咁咩人唔試呢？「有啲政府鍾意full phrase four 才參與，因為要無風險，同好多錢 ，但錯過係咩呢？錯過發展期間參與工業expansion（爆發）機會。所以李生喜歡歇斯底里，唔想大家錯過呢個機會。」 成段說話聽落好舒服，一針見血之餘不失優雅，真正語言藝術。
8：又有人問，依家政府同2013年有咩唔同？本來一條勁易出事嘅問題，周凱旋輕鬆四兩撥千斤：「每屆政府，邊一屆都好，都醒覺科技嘅重要。李生成日講，幫唔到人就唔好批評，既然已有成品俾大家看到，我哋就盡綿力去做。」你話佢有批評政府咩？冇。有骨咩？又唔覺。總之就係唔理人哋做唔做啦，李生都會自己搞咗先啦。
9：飯局尾聲，有人問佢「係咪對政府冇期望？」周凱旋諗都冇諗，就答：「我從來對人無期望，可能因為我係女人。」即係點解呢？即係冇期望啦，但因為呢個係女人天性問題，唔係政府問題！高手高手高高手！

咁都有負皮

jm9

咁樣賣廣告都得

咁撚密密麻麻字海冇重點搵鬼睇你篇嘢

好文，想follow user
但你好似好少出呢類post

1999

政府C：「我哋冇興趣，我哋無地畀你。」

.....

右上三粒膠真係好撚好撚old news
寫文呢啲傻閪平時唔撚睇多啲嘢吸收新資訊
到幾年後見到喇
就好撚驚奇好amaze咁爭住share 畀人知：喂，冇見過呢？
之後就覺得人哋好撚勁好撚有料
阿星之子嗰啲高層政府有錢佬客咪就係好多呢啲人

你follow個fb page得架喇
我照copy

誠仔咁醒目
係得佢身邊都唔會係普通人啦

官僚心態, 唔做唔錯。

主要我幾鐘意篇文句幫唔到人就唔好批評人

又咁講啦，如果政府 C 無條件俾塊地佢，你又覺得係咪 OK？

另類財演

唔駛理咁多意圖,就算沽名釣譽,但真係對世界有幫助又有咩所謂

個facebook post成幾個月之前出
我都係咁岩睇到