［多圖］大家點睇江熚生，生生？

利申先：2021年中段先開始留意佢&sorry for 1999

一句總結，佢係一個你越了解多啲會越鍾意佢嘅人。

當初因為呢兩張gif 而留意佢，覺得呢個男人嘅性張力好強



初初睇樣覺得佢係好typical 嘅港產MK靚仔


後來知佢收養咗唔少貓貓（最高峰時有七隻），有啲貓貓嚟到佢屋企個陣仲要係有好多病痛，但佢同佢屋企人都無嫌棄隻貓，帶佢去睇醫生又認真咁照顧隻貓，令貓貓慢慢好返，就對佢多咗啲好感，覺得佢幾有愛心。


而且佢之前知連寵拯救隊有財政困難，都有呼籲生粉（AK粉絲）將佢生日應援捐比連寵，而生粉亦有捐錢比其他動物援助機構。


野豬被誘捕濫殺個陣佢都有出聲。


再後來睇埋佢啲vlog ，覺得佢都幾重兄弟情，而且佢仲要識煮嘢食。
https://youtube.com/c/ansonkong1016

至於佢最大嘅爭議，叱咤黑面事件，你睇返相佢其實係無表情/未反應得到/為自己攞唔到新人獎而自責中，並係嬲/妒忌阿jer拎到。而且佢地係 調教你Mirror 入面都和解咗，無謂再糾纏落去。

至於佢唱歌，的確仲有好大進步空間。不過佢係有進步緊。佢唱 黑之呼吸 由 擊戰 個陣大炒到網上行再唱已經穩咗好多。 係網上行佢同lokman一齊跳唱 虎道門 都好eye-catching (雖然Lokman 更搶眼）
https://youtu.be/PrHGeVOC6I0
黑之呼吸 擊戰version

https://youtu.be/IJ3si0D7yZc
黑之呼吸 網上行version

https://youtu.be/a5KjMWM61dI
虎道門 網上行version

作為歌手，佢可能只係合格有餘。佢同鏡嘅名氣/獎都超過咗佢地嘅實力，但佢同鏡都係一路努力、進步緊。希望大家可以比少少時間比佢地，手下留情，唔好屌得咁大力。