《踏血尋梅》影評案件討論區

《踏血尋梅》（英語： Port of Call ），是一部2015年上映的香港劇情片，翁子光執導，易天雄任動作指導，由郭富城領銜主演，春夏、白只、譚耀文、金燕玲主演。

根據2008年香港轟動一時援交少女肢解的王嘉梅命案作藍本改編而成。

案發嗰年樓豬仲係好細個，所以對呢件案冇乜印象，後來透過YouTube奇案認識單案後，發覺佢係眾多香港奇案之中，最深刻嘅一個。知道佢有改編電影之後一直冇睇（唔知有冇人同我一樣，會唔捨得睇一啲戲）到最近睇完，覺得成套戲營造嗰種好壓抑嘅氣氛令人心寒，同埋最深刻嘅係白只(飾兇手：丁子聰) 同現實兇手丁啟泰嘅外型好相似。


左：白子
右：丁啟泰

樓豬才疏學淺，好想知道讀電影，或者有研究開奇案/港產片巴絲嘅睇法。例如：鏡頭上，劇情鋪排，選角，角色內心世界，出戲想表達啲咩等等。

歡迎討論

樓豬第一次開電影po
有咩不足請多多指教

張圖好似㩒入去先睇到？

我幫樓主你推一推po
順便留個靚名當學嘢

多謝

仲有好深刻嘅係戲入面提到hello kitty藏屍案
其中一幕影住個差人剪開個公仔
特寫左個頭腐爛哂 有蟲捐出嚟
好恐怖

再推一推

真係有九成似......

認同！
係法庭播出嚟佢嗰段白自做很好好

佢做到嗰種封閉自己嘅毒撚嘅感覺
因為外表而好冇自信
想做愛只可以叫援交妹
最後個慕容(個樣同把聲都好似ali)肯同佢做愛 都冇望過佢個樣
睇戲真係覺得白只就係丁啟泰

多謝ching些牙

另外 套戲嘅道具場景都好好
尤其丁子聰同王佳梅嘅屋企
令人覺得置身其中

可惜套戲嘅王嘉梅令我有啲反感 因為睇本身單案我對王係幾同情 但係套戲令都成件事好迷離之餘 有啲對白我真係會覺得佢自甘墮落

普通消閒角度黎講好唔好睇？會唔會好文藝

石峽尾街市 好多街坊食左人肉人骨 堅定流

唯一印象係真兇同演員一樣樣

已經係好幾年前睇過
記得呢套戲嘅演員攞哂金像獎最佳男女主同配角
郭富城春夏白只仲有金燕玲，全部演技都好好
另外都好鍾意郭富城個角色佢真係好演到一個孤獨嘅人嗰種滄桑味同埋都幾鍾意佢呢個perspective 帶觀眾入去一齊揾個答案
不過白只個角色係有美化左少少，戲裏面講到係因為女主想尋死先幫佢解脫，但現實個兇手會唔會只係純粹變態？當然呢個都係導演對呢單案嘅構想

套戲有三個亮點。

郭富城叫金燕玲接受現實， 然後金燕玲喺短短幾秒之間 眼紅，流眼淚， 嚎啕大哭， 簡直係神級。

白只的演技

導演處理手法。 唔係一般嘅奇案電影， 而家係描述郭富城除咗破案， 仲想知道點解罪犯要作案， 呢種敘事角度好少見

呢套我有睇
但無留意現實兇手個樣
原來同白只似成咁