唔等錢使就唔好拎
坊間通常都唔知保險真正功能
因為連賣嗰個都唔識,日日training 淨係練話術,即係練點樣用把口氹個客買野
上面有人話,儲蓄保係預十幾廿年唔等使嘅錢就好做
咁講完全正確
儲蓄保係一個承諾,佢價值只升不跌,但係增長得慢
所以買儲蓄一定唔會發達,但係就guaranteed
所以功能之一係規劃退休,你計得到舊錢打和之後夠唔夠退丫嘛
咁呢part 規劃嘅只係「退休退得到」,唔係「退休退得好」,只係一個退休保障,所以一般人唔需要儲太多
另外,因為計算上,保單係隱性資產
申請好多乜乜物物都唔計保單現金價值
所以真實回報未必係嗰小得可憐嘅幾厘(真係純粹防通脹)
而係諗下點樣喺政府手上攞返失去左嘅野

唔講咁白喇,自己睇下政府有咩老人福利
第三,in case 你移民,多數國家都高稅過香港
say 英國
保單滾嘅紅利係少過其他資產,但起碼佢keep 喺份單入面滾係唔會trigger 入息稅
如果你係後生移民,搵到啲錢,可能稅階去到40%
然後又揸住啲會派息嘅股票
咁個股息係跟你入息稅嘅稅階去收,喺上面個例子,咁就無左40%
但如果係揸保單,啲紅利只派返落張單
你由佢滾,到你退休,無收入喇,再喺英國養老時拎錢/局部退保,慢慢搣張保單
到時無收入,唯一收入就係搣張保單,咁稅階可以好低(視乎你搣幾多出黎)
第四,他日有後人的話
保單做傳承係好過股票、基金、現金,因為所有一切資產會被凍結
咁你傳人就要去金鐘高等法院嗰邊嘅probate registry 搞手續
時間可長可短,當年金鐘打到燒左高院、2020公務員wfh,再加埋本身可能遺囑有爭拗
你預唔到舊錢會凍結幾耐
如果屋企人呢段時間要用錢,咁就碌7 了
但保單以死亡賠償方式派錢畀傳人,淨係經保險公司去做(除非受益人寫左遺產)
成個過程好快,一兩星期出到票
所以,無論係承諾、隱性資產、移民避稅、遺產處理
根本上保險最大嘅功能係喺法律上面
啲a準唔知,成日拎個回報黎講
屌啦,講回報我係月供voo/qqq啦
買保險係講法律架