有冇人唔知自己感情係點？

我係講緊明明自己睇完啲“感動”嘅片，眼角都有一兩滴眼淚，但內心就感覺唔出同平時有咩分別
，甚至絕大多數時間連流都唔會流，睇感動嘢個心同望住杯水冇分別

平時人哋問你有咩感受都唔知點答，所以只可以答行貨，但會畀唔熟嘅人以為你敷衍緊佢

細細個學情感形容詞都要靠係噉睇人去試，好似電腦噉，結果成日搞錯意思

咩暗示、扮嬲定真嬲嗰啲完全睇唔出

自自然然現實世界亦都冇中意過人，算係唯一一樣我點睇人互動都唔知咩嚟嘅感情

因為我係有自閉症，所以唔知自己係咪因為噉，有冇人熟依方面或者情況差唔多可以交流下

大個咗有好轉，開始get到，但都時不時失敗，都幾煩下

寫到1999，唔好意思

有冇人讀心理學知

未睇到最後都估到係自閉

聽講用本筆記寫低每次有咩感覺會有用

我係連自己咩感覺都唔知，點寫...

有有人一樣

你係覺得有但係唔知點形容，定係完全冇感情？

唔駛好specific
有眼淚就寫有眼淚
有手汗就寫有手汗
由具體嘅身體反應開始寫

我都唔知...所以先難搞，我連自己嗰時係咪有感情都分唔到，因為冇人教過我要點去分，淨係叫我去感受

我試下

但咩身體反應都冇可以點寫？

btw多謝巴打建議

yup
咩反應都寫，慢慢你先會發現原來唔同情況你會有唔同反應

呼吸速度嘅變化都可以寫

好似科學家做研究噉，好似幾好玩

其實真係研究緊自己
有唔少科學家都都有類似嘅自身觀眾
例如研究自己嘅睡眠模式

我再也不會傷心
同時沒法再興奮

我都放棄咗自己學識都用言詞表達自己情緒同觀察人哋心情，但起碼想揾多少少案例畀我記住大概係點

+1冇乜情緒起伏

我都想知自閉鐘意人係點

未中意過人，答唔到你