EU4-manchu滿洲multiplayer攻略

我之前的攻略：
<EU4>可能係世界上最詳盡的vj multiplayer 教學
- 分享自 LIHKG 討論區
https://lih.kg/2480538
戰報：
EU4--故事向聯機戰報
- 分享自 LIHKG 討論區
https://lih.kg/2653687

今次我為大家帶來的係滿洲攻略。
滿洲呢個國家，喺聯機入面，強度屬於第二梯隊。由於位處遠東，前期遊牧兵種強勢時候，沒有參與歐洲事務的機會，完全發育之後戰鬥力又未必比得想波蘭普魯士等國家，論有錢程度，比唔上印度人。但滿洲當然有其獨特的優勢——前期近乎狂妄的擴張環境，優厚的貿易路線——北京（僅次於威尼斯，熱那亞，英吉利海峽），以及極好的種田環境！無錯，滿洲係超級適合種田！點計呢？


你只要打開terrain map mode，你就會發現全遊戲入面，中國地區擁有最多的農田省份！single player的你可能未必明白意味著咩，但喺multi入面，良好的地形=Manpower！
擴張或者可以令你有錢，但manpower呢樣野，種田的效益遠遠大於擴張！所以喺multi入面，人人都會選擇（eco+quantity idea）組合。因為人力=戰力，有錢無戰力喺mp入面只係肥羊。中國地區極好的地形令滿洲manpower可以與俄羅斯一較高下。
滿洲鐵騎，前期以質量取勝，後期以數量取勝！

滿洲的開局係一個頗具變數的國家，非常考隨機應變能力。
首先最大的變數來自開局玩家的分佈，最常見的附近玩家有：oirat，japan，Siam。日本基於佢的地理環境，以及擴張速度，註定唔係我地對手。
Oirat開局要立即打大明，來觸發土木堡事變。然而oirat打大明本身就係一個好傷經濟人力的行為，我地只要喺佢最虛弱的時候發起背刺，oirat絕對會喺毫無抵抗能力的情況下死去。你可能會話oirat可以選擇唔打大明向東or西擴張。但好重要的係Oirat係無方法攞institution，時間越拖，軍事科技會越落後。oirat極度依賴明朝開局垃圾君主朱祁镇來觸發土木堡，所以孤注一擲打大明係佢唯一選擇。加上我地開局係大明朝貢，攻擊與防守我地都佔據主動，簡直立於不敗之地，區區蒙古餘孽絕非我滿洲對手。
所以三者入面對我地最大威脅的係Siam（ayutthaya or lanxang開局）--1.31的天命之子。佢idea係誇張的Cavalry fire+1。Siam會極度渴求我地的廣東貿易區，但廣東自古以來都是滿洲不可分割的部分，絕無可能拱手相讓！但是中國與東南亞接壤地區全是山脈、叢林，極度克制遊牧騎兵。我地單打獨鬥未必夠siam打，必須要外找強援，例如放棄韓國利益，結好日本，或者印度玩家，都係一個非常好的選擇。如果有玩家孟加拉就更好，兩者係生死之爭，甚至可以趁機索取大越。關鍵時候兩者皆殺，盡收東南亞，飲馬恆河

第二個變數係AI之間的關係，相信大家玩單機都會試過刷開局，尤其係austria、france好鍾意刷burgundy綠心。manchu都唔例外，一旦出現毀滅性的結盟（e.g 海西女真結盟oirat）基本上可以quit game，但係mp唔係單機，無人會因為rng黎就你，所以要有一d方法規避風險，下面就會詳細講解。

直接進入主題，開局配置：
開局起4隊八旗，最平的free company一隊
跟住sell title，無錯係sell title，攞錢。Crown land低過30loyalty的debuff係好好好細，比唔上我地一次賣地的收益。另外，賣王領係越低crown land越多錢，所以要喺seize land之前做。
賣完title seize land之後上四個privilege，分別係governing capacity, morale, national manpower+1 and 10% loyalty。比較值得注意的係上Primacy of the Bannermen之前你要請好4隊八旗。因為呢個estate privilege 雖然可以+10 morale，但係缺點係-25%banner。你開局可以請4隊八旗，但上咗之後只有3隊，所以要放privilege之前招兵。唔係就會得返3隊架啦。


Advisor隨便上3個一級。


另外Delete所有船，節省經濟。
上面講過AI開局關係係好大變數，所以我哋rival方面要好慎重。
只rival korea，第一個月唔好rival任何horde!由於eu4係一個針對玩家的遊戲，若果你對某d國家有敵意，佢地好快會ally一d強國，例如oirat。Veryhard難度的oirat加上佢的vassal 蒙古，足足可以拉出50k大軍！所以第一個月千期唔好rival 海西東海等等你將來擴張目標的國家。
Rival的技巧也適用於好多國家，例如timurid開局唔好rival nogai uzbek，唔係佢會支持你vassal獨立。
前期我地實力不濟，盡量結好AI oirat，咁樣我地彈性會高好多。
所以一個外交官改善oirat關係，另一個build spy on 你即將打的目標

12月1號rival海西女真，東海女真，呢兩個國家八成機會開局會結盟，兩成唔結盟。最好當然係唔結盟，但係結盟都無所謂。
12月11號準時宣戰。建州開局要不惜一切盡快成立manchu，你打得越慢，d國家就越容易ally強盟友。你打得越快，不確定性就越低，對我地越有利。如果真係真係出現海西結盟korchin+甚至oirat(只要你唔亂rival人，我玩咗咁耐都無見過)你可以ally隨便一d horde盟友promise land拉佢入戰打，當然戰爭會依然非常艱辛。

我地首要目標係海西女真，但宣戰目標未必係佢。



如果海西東海兩國結盟，就宣戰東海，co-belligerent海西，因為我地目標係先peace out其中一國，由於海西女真開局的兵會企吉林發夢，開戰可以直衝佢地的兵,occupied佢地所有地，fully annex佢先，咁樣我地壓力會低好多。



好彩的話第一場戰鬥可以直接stackwipe！唔好彩的佢就會好似圖中咁，d兵會退去呼蘭，我哋一定要繼續追!



如果比佢d兵走去東海女真嗰邊合軍我地係好難打。假如真係出現呢種情況你要take幾次loan然後出多一隊僱傭兵。經濟會好傷，不過無辦法。

繼續追，順利stackwipe

瘋狂踩地防止海西繼續爆兵

最後peace out佢

講得好，但有無single player攻略 我被瓦刺同朝鮮打到痛不欲生，入關完全係天荒夜談，真係好撚窮

好睇 支持
成日都想學玩eu4 但學極都唔識
變左中意睇呢d 戰報

今晚繼續更。mp的入關同single player一樣，只係mp固定開quantity idea你single player可以開adm/humanist之類維穩擴張的idea

支持

支持

唔出盡上限兵就比佢地兩個宣 出盡就負錢

朝鮮好易打喎
你唔好上山同佢哋打就得
要拉返出平地打

淨返東海，不足為慮。跟原本策略一樣，先殺曬對面兵再踩地。我地人數優勢，神將在手，衝山都無所謂。
不過呢個時候意外發生，東海被Udege宣戰，首都仲比佢踩咗

無辦法我地有幾多地攞幾多

成立滿洲需要20塊juchen culture的地
建州:7
海西:5
Udege:6
東海:7
野人:3
雖然東海有兩塊地比Udege搶咗，不過我地一陣打Udege一樣可以攞返
宣戰udege，老規矩stackwipe

跟住都係圍城部分，跟住fully annex Udege。

記住我地只需要core20塊地，所以揀最少point的core就可以


等core好我地就可以form manchu啦。當然我地唔係掛機，要繼續打落去，反正到時成立manchu會送曬d core
打Nivkh同Solon

都係嗰d先殺兵後siege地，唔貼圖啦
打完啱啱好core好，form manchu啦

ally下 oirat

Form manchu之後首都搬咗做吉林平原，所以我地可以dev renaissance出來啦。
Institution 係越早dev越好，前期唔好怕科技落後而唔dev!你越延遲dev renaissance，代價就越高。
用咩點數dev呢?用adm 、dip point dev，因為軍事科技對於打仗好重要，而adm tech同dip tech前期來講唔太重要。
而adm tech同dip tech相比，dip tech比起adm tech又比更加唔重要，因為adm point需要用來衝adm tech 5 開我地第一個idea group，但dip tech完全係0作用。所以dev institution的優先次序係:dip point> spare mil point >adm point>mil point。
滿洲無任何減dev cost 的modifier，所以首都開個encourage development edict(州法令-10% dev cost）一直dev就可以了

話口未完就出現，我地的目標科爾沁同野人女真都結盟oirat，所以唯有打korea先。唔洗擔心，大明經常會主動宣戰oirat，所以只要ming宣戰瓦剌，瓦剌比人打到咁上下，就唔會參戰。到時我地就宣戰埋剩低的兩個國家。
但為出免ming唔宣戰oirat，先curry oirat favor，萬一出現意外都可以利用favor 拉oirat一齊打明

korea點打?首先我地要確保自己mil tech有tech4。由於朝鮮開局神君，佢的mil tech一般領先全場，但係我地係horde，可以raze province攞point。而且我地之前打咗好多地落來，一定足夠point升mil tech4，所以唔會落後於korea。
到開戰啦

打korea 好簡單，我地只要企左邊，集中兵力踩住門口塊地，一半兵siege korea座山地堡。你可能會話，下korea AI可以喺右邊出來siege我地d地wor。其實我地右邊有fort，所以 korea 入唔倒來的唔洗擔心。我地座fort開defensive edict（+50%守軍）同佢對siege。

不過眾所周知，即使我地有siege general，開埋defensive edict，我地圍城都係唔會快過ai（AI會喺最大程度上出cheat）。所以當我地右邊座堡壘被korea siege到+正數，我地要留低小部分兵維持siege progress，另外主力返去解圍。解圍之後我地又可以繼續siege。當我地siege down咗korea外圍fort之後，基本上korea的兵等於甕中捉鱉
我地需要做的就係重複以上步驟，對siege>己方fort就跌（正數）就解圍>siege，直到可以攞100%peace deal為止
解圍之後發覺退咗去旁邊順便stackwipe埋

peace deal主要以fort、korea首都的monument同埋trade centre為目標，所以咁樣割

Ming終於要打oirat,要求我地斷絕同oirat的盟約。當然係即刻賣咗oirat啦。準備打埋東北其他國家

Oirat 好快淹沒喺大明200K人海之中


另一個壞消息，ming vassalize korchin!!!

但都有個好消息，就係ming reform啦！

未玩過東方遊牧的玩家可能唔知道，ming 50 mandate以下兵會變到好脆弱，簡直係豆腐兵，超容易stackwipe！即使對方多幾倍兵力都好容易擊敗。
所以遊牧民族可以通過人為或者等待的方式，等對方low mandate情況下入關。
Oirat有獨特的event土木堡之變，而其他遊牧民族可以靠unguarded nomadic frontier event。呢d event都係會將ming變到好虛弱。
但記住我地唔係靠呢個event，因為個progress太慢了(有興趣可以自己上eu4 wiki睇觸發條件）。最直接的方法係不如等ming第一個reform出現！

講起reform，就要講下我對ming reform的經驗。ming一般會喺85左右reform，但係AI大明好狡猾，有時候佢會故意靠一d event卡喺80左右mandate。我試過傻奸奸由1454年開始等等到1470年ming都唔reform唔知點解去到84mandate忽然又降返去79，重複幾次，玩撚死我。後來我先發現係因為我斷朝貢的關係，當AI大明感應倒附近有遊牧國家，而且高於300development，佢會傾向唔reform一直喺event到揀-mandate的選擇（其實我都唔係好清楚係乜event會-ming mandate，因為無玩過ming，如果有人知道可以話我知）
所以ming未reform請一直做忠實的大明狗，麻痺我地的敵人

我地可以準備入關，不過因為break alliance的關係我地同ming有truce，要等幾年。
唔好浪費時間我地打住oirat先。
同時也可以build定ming的spy network，因為spy network係對siege fort有bonus!
盡量習慣打仗前build下敵人spy network。EU4係滾雪球遊戲，tiny make difference，唔好因為懶唔做，有時候差一兩個月siege唔siege倒座fort係可以差好遠！
尤其係player同Player之間的war，一座重要堡壘陷落與否可以主宰一場戰爭的勝負!

Peace oirat，主要目標係打通通往西方的道路，可以方便我地之後繼續瘋狂擴張

Truce去到1465終於完開始拒絕朝貢，等大明放棄我地朝貢就入關！

入關要求:
1.300 dev at least，當然越多越好。

2.force limit 45(大約打曬東北所有國家+korchin，就啱啱好足夠，未夠應該係autonomy問題)

3.準備45k普通兵(包括banner)，15k僱傭兵（無錯我地要超15 force limitl），我地混合使用兩者可以節省人力。另外僱傭兵可以搵個圍城能力較強的將軍

入關策略:
入關呢場戰爭係manchu崛起的最後一重障礙，雖然話大明low mandate容易打，但若果亂咁衝一樣會被200k大明軍隊蟻多摟死象。
打大戰最重要的係6樣野：
1. 有無上齊戰鬥bonus的modifier? E.gAdvisor係咪適合戰鬥的advisor？mission tree的buff有無點齊?

2. 軍事科技有無up to date。大明無辦法接納文藝復興institution一般會比你落後，但當然都要check下萬一ming真係上咗神君mil tech高過你就尷尬。打大戰至少要同對方軍事科技平級

3.每一隊兵戰寬（combat width）係咪填滿，例如圖中combat width 24

我地就要進入戰鬥的時候確保己方至少有24k兵作戰，由於滿洲請大量八旗騎兵，而騎兵側翼作戰——即係滿戰寬打未滿戰寬，軍隊會有好大加成)。你可以幻想雙方軍隊係列陣對沖，步兵只可以攻擊面前的軍隊，但騎兵若果有閒暇，可以側翼進攻發揮更大效力。當然前提係騎兵有閒暇——即係佢面前無另一隊兵需要攻擊


4軍隊每一個單位(1k)係咪補充好 ? 如果一隊兵未滿1k，佢的作戰能力係會有debuff! 未滿員的Debuff效果比起10 morale,5dicipline影響都大!所以我習慣打大仗之前用+reinforce speed advisor，增加補兵速度。八旗本身有-50% reinforce speed 的debuff!
八旗本身的buff固然好吸引，但debuff亦係好顯著，長時間作戰非常不利，所以係雙面刃。+reinforce speed advisor可以降低呢種debuff影響。另外進入每一場戰鬥前記得要shift+cosolidate（整合當前單位的所有兵）保證軍隊在最佳戰力。


5.作戰的地形一定要揀grass land, steppe or farmland，你可以開住terrain map mode 打仗。
所有遊牧國家喺平原都有+25% shockdamange加成。但係喺山、叢林打仗反而會-25% shock damage! 盡量避免喺以上地形同明軍發生衝突，無謂以己之短攻彼之長啦
另外要留意兩個province之間有無河流，跨河進攻都會有懲罰



6.將軍能力要用得其所。例如高siege ability的將軍負責帶領軍隊圍城，shock、fire ability高的負責打人。前期shock大於fire，後期fire>shock。

喺等待truce完之前，我地已經成功開出第一個idea。第一個idea我會推薦開military的idea。因為前期我地要食大量地，即使我地每一個province都raze曬(你亦應該raze每一個province)，我地的adm point依然係非常緊缺。相反，我地有大量剩餘的dip、mil point。
由於我地未完成economic idea(-20% dev cost）我地種田的效率其實好低，所以我建議多餘的dip point用來轉culture，因為越多manchu culture的地，我地就可以請越多八旗兵。
至於剩餘的mil point仲有乜好過開idea group呢。而咁多個idea入面，quantity基本上係最勁，而且開頭第一個idea就已經係+50% national manpower!


我地呢段時間等truce完，等truce完就差唔多可以拒絕朝貢啦。


大約拒絕兩次ming就會取消我地的朝貢資格

開戰大明，開戰前我地可以take 多幾次loan，費事一陣打仗彈出來阻住我地操控軍隊
玩horde係唔需要擔心loan!因為我地只要成功打低大明，就會有好多錢!
而且之後我會教你瘋狂提款大明基本上大明會成為我地提款機，打一次攞2-3000，真係好爽。所以我地為咗入關，欠個2000-3000根本唔係問題，呢段打仗時間，我地長期-20 income，好似好恐怖但唔洗擔心係正常架，所有人都係咁玩，習慣咗就無問題。

宣戰記住一定要用take mandate of heaven 做cb!

呢個cb可以令我地節省一倍戰爭分數，攞多一倍地，千祈唔可以錯!!!
開戰之後，點任務，吳三桂事件會觸發，瀋陽城會立即落到我地手中。但唔好急住去圍北京城！一開始的明軍係勢頭最猛的時候，一定要謹慎。
我地可以先北上將大明vassal korchin siege down先。呢段土地全部都係草原，係我地的主戰場。我地喺草原上進攻明軍（記住我上面講過的入關策略，點樣打明軍）要殺退第一波明軍之後先去圍北京城!一開始就分兵好大風險!


當你殺退第一波明軍之後分一半兵 ，去siege 北京城，因為take mandate of heaven呢個cb個戰爭目標係北京城，越早攞倒我地就越容易peace out明。
開戰一年多，我地取下北京城，順便捉旁邊的落單明軍


跟住我地繼續重複捉落單，殺圍城的明軍。你可能遇到某d情況，明軍無落單wor，點算?唔緊要，我地再集中兵力好似圖中咁，先將24k(combat width)送入戰場，其餘兵分開慢慢投入戰場。因為多過combat width的兵係無用!但係佢地依然會損失morale。相反只要我地慢慢將士兵投入戰場，新的士兵會有較高士氣，而且可以填補前排損失的士兵，咁樣我地的士兵就會發揮最大效用，保證打贏聚集的明軍。雖然無辦法stackwipe，但係戰損比依然非常可觀架!

重複上面步驟，一直打咗4年幾，大明已經無兵啦!
殺咗成400k大明軍

明軍已經無威脅，我地可以開心圍城。比較值得注意的係唔好siege大同城，因為係山地堡，特別難siege
我地可以南下siege其他平原堡壘

最後peace deal，主要係將沿海trade centre同埋難搞的大同城攞落來
另外我係無攞任何錢，因為我地好快打多次大明，無必要浪費war score落錢到。當然，如果你非常擔心自己的經濟，或者即將破產，你都可以攞下錢的

你可能會疑惑啦，點樣立即打多次明攞錢?答案就係明的朝貢國雖然我地同大明有truce，但係同明的朝貢國係無truce!所以我地可以瘋狂打明的朝貢國瘋狂提款大明啱啱比我地殺到變咗弱智仔基本上係無反抗能力，簡直係予取予求。另外打明的朝貢國攞錢仲可以縮短我地同ming的truce!

技術上操作上的教學到此為止，接著落來我會解答一d比較常見的問題+之後的發展方向
1.你點解唔攞mandate?唔打算form 清咩?
無錯，mp入面我地係唔會form 清，因為mandate係一樣非常垃圾的野。單機role play性質你可以攞，但mp絕對唔可以攞!睇完攻略你都知道 low mandate的明係幾虛弱，如果我地攞咗mandate，其他玩家一樣可以用同樣的手法收拾我地!例如開戰之後blockade我地的海岸，令我地的devastation上漲慢慢扣我地的mandate。只要我地跌到低於50 mandate，任我地有幾強大的經濟同軍力，一樣會變肥羊!
2.咁你打算form清嗎?因為唔攞mandate一樣可以form 清
其實form清唔一定攞mandate，只要你消滅大明，mandate自己會消失，mandate亦唔再係form 清的必要條件，但係我依然唔會選擇清。

無錯qing的idea更加全面，無論係adm efficiency, advisor cost都非常吸引，但喺戰鬥力方面，確實係差唔多，而戰鬥力喺mp入面毫無疑問係第一重要，所以當我地考慮埋其他方面(estate，government form)，manchu相比下戰鬥力上強於清好多。

仲有estate的national manpower+20%, morale 10%
當然呢個係我的個人見解，所以我列出咗以下選擇，可以自己衡量點樣選擇:
1.維持manchu,最強戰鬥力，可以raze province，fill idea超級快。但相對比較窮
2.第一次入關就form清，超級有錢，而且攞咗mandate之後core province快，種田又有estate加成，如果唔係mp，單機玩種田流會非常舒服。缺點係垃圾mandate，等於多樣野煩。
3.殺咗明之後先form清without mandate。前面同manchu一樣窮，享受唔倒qing 帶來的利益(容易core province、china claim之類)，mp後期horde的land unit開始垃圾可以後期轉型目標。單機玩world conquest應該比較近呢類

之後的發展方向，主要目標係全吞整個中國區域，以及玉門貿易區。
由於北京node下游係玉門trade node，下游的貿易區係會搶上游的貿易。但係只要我地將成個玉門打落來，我地就等於封住成個北京貿易區的出口，無任何國家可以從我地到搶錢! trade 的mechanics 詳情可以睇人地介紹
有無巴絲打鐘意玩Paradox嘅戰略game？(9)
- 分享自 LIHKG 討論區
https://lih.kg/tznjOMX
我地主要的貿易路線大約有三條，
第一條，拉薩->成都->西安->北京
第二條，廣東->杭州->北京
第三條，吉林->北京

最後一條睇有無japan玩家，如果無我地可以加:
日本->杭州->北京
另外吉林同日本node都係連接美洲大陸，單機都可以繼續打落去發展殖民地


至於mp入面就唔洗唸咁多，始終發展空間有限

至於內政方面，我建議以下淺色部分set做trade company攞merchant。唔需要全部做trade company，因為目標只係攞merchant。
set做trade company的以下區域大部分係trade centre，以及地形並唔適合做種田。
當然部分trade company例如廣州雖然係農田，但我地依然set做trade company主要係因為無替代品。

你set trade centre之後可能發覺trade power唔夠50%攞唔倒merchant，因為你仲未起 trade company investment


華北、華中平原。長江下游呢d區域盡量set做直轄，因為呢堆地將會係我地之後種田的重要領域，係重要的經濟、人力重鎮

攻略基本上結束，有任何疑問可以留言問我
有興趣玩mp的亦可以加入discord group
Europa Universalis IV:
Discord
https://discord.gg/beXkFGKUc7

有機會寫下一篇攻略的話我地下次再見

你地究竟合作打電腦還是對戰