喺 1930 年前嘅美國，奴隸與狗都係要返6日工，因為社會所信奉嘅古典經濟理論係認為要將「奴隸產出最大化」先對奴隸主最有利，所以當時奴隸與狗返捉6日工仲要工時超長，但社會上冇人（包括奴隸）覺得有問題。
直到 1930 年美國出現咗最大型嘅經濟大蕭條，所有人生活都好艱難，奴隸開始組織工會屌柒班主人，班奴隸主又屌返佢哋懶先搞到今時今日咁。
跟住有個叫 Henry Ford 嘅奴隸主走出嚟，好似掉轉槍頭咁屌返其他奴隸主。佢話今時今日搞成咁都係你哋榨乾榨盡班奴隸，佢哋得星期日放一早已經躺平咗，仲邊有心有力消費？
各位奴隸，我 Henry 就最有人情味，而家我帶頭，你哋過嚟做我嘅奴隸，我俾你哋每星期放六日，仲要你哋想買公司嘅車，我都會借錢俾你哋買，當然你哋要分期還錢同息俾我啦
初頭其他奴隸主都笑鳩 Henry 戇鳩，但歷史話俾我哋聽，最後 Henry 賺到笑，而其他奴隸主又學 Henry 咁玩，美國嘅經濟開始復甦。
Henry 嘅理論其實又係建基於傳統經濟學嘅 supply （供應）同 demand（需求），以前啲奴隸主太過側重 supply，但忘記咗奴隸都可以成為 demand 一部分。
Henry 嘅理論俾咗奴隸一啲遐想 / 假象，令奴隸認為只要多勞多得、讀多啲書、努力啲，總有一日我都會可以享受好似奴隸主嘅生活（事實上的確有少部分人做到）。但𠵱個理論始終會崩壞，因為當班奴隸知識 / 批判力增加，佢哋就會意識到能夠向上流嘅機會係極微，而奴隸主根本唔會想佢哋取代主人嘅位置。
但 Henry 嘅理論始終帶動咗接近百年嘅全球化經濟增長，而當美國嘅奴隸發覺美國夢只係假象，奴隸主其實唔怕，只要佢哋將𠵱個 fake dream 「賣」俾其他發展中國家就繼續有得玩。而的確𠵱個「龐氏騙局」成功輸出到全球，亦造就咗少部分人真係能夠向上流成為奴隸主。
但奴隸主絕對唔會俾太多人爬到上去，因為個個都爬咗上去就冇人為佢哋做嘢，奴隸主只會變返冇特權嘅普通人。
為咗唔想太多奴隸爬到上去，又要同時俾到班奴隸一個可以贖身嘅「夢」，佢哋俾奴隸有基本書讀、有基本醫生睇，但佢哋當然享有更「VIP」嘅服務，𠵱啲基本社會福利嘅增加只係為咗延續𠵱個「夢」。
而為咗不斷延續個「夢」，必定會出現「學術通脹」、「醫療通脹」。冇理由個個奴隸都有 degree，佢哋嘅富家子弟冇 master
於是社會上就多咗好多奇怪嘅嘢，例如名牌大學、名校網、富人區、私家醫院，其實目的都係要確保奴隸主享有嘅嘢點都俾奴隸高質，同埋唔好俾班奴隸爬到上嚟。
但佢哋點都阻止唔到福特主義始終會崩壞，當班奴隸知識愈多反而愈悲觀。。。
最初佢哋只係唔生仔，因為恐懼生出嚟嘅下一代都要面對住屋問題、學術通漲、醫療問題。。。
慢慢再帶起躺平、攬炒熱潮，全世界走向悲觀嘅結局。
當全球出生率下降、勞工生產下降，同時躺平主義導致消費主義都會崩壞，引發持續嘅全球慢性通縮，同時必需品就反而物價通脹。
為咗令到𠵱個「龐氏騙局」可以繼續延續，美國政府就要係咁印錢將通脹輸出全球，抵銷返奴隸需求下降所導致嘅通縮，但奴隸已經開始個個想躺平，奴隸主繼續印錢只會愈印愈失效，就好似食毒品咁
冇人會知係咪會有下一個「福特主義」去拯救返全世界，定係全世界又開始步入悲觀、恐慌、戰亂
