請你話返(畀/俾)我知

應該用邊個比?

20點求解 急 JJ插地

比

話返我知咪得

好掛住肥屍大隻

髀

髀

唔知佢過成點呢

之前聽過畀有「給」嘅意思，所以應該用「畀」
俾就用喺被動嘅情況下，例如「俾人打」

不過啱啱上網查又有人話「畀」都有被動嘅用法，留名學嘢

斬腳趾避沙蟲

個人認為約定俗成嘅話用俾都得
詳細分法 根據廣東話資料館 （節錄）

［畀］：廣州音〔bei2〕
〔１〕給；付，付畀［交託］； 賦畀［給予］。
　　　例：畀本書我。〔給我一本書。〕
　　　　　你話畀佢知。〔你告訴他／她。〕
〔２〕介詞。被；受；讓；用。
　　　例：畀人睇見。〔被人看見。〕
　　　　　畀嗰個人煩咗成日。〔受那個人干擾了整天。〕
　　　　　畀佢入嚟。〔讓他/她進來。〕
　　　　　畀墨水筆寫。〔用鋼筆寫。〕
〔３〕連詞，常與〔着〕連用，表示假設。
　　　例：畀着你係主角，你會點做？
　　　　　〔假設你是主角，你會怎做？〕

［俾］：廣州音〔bei2〕
〔１〕使，使用；讓。
　　　例：俾便考查。
　　　　　唔好俾度門關埋。〔使門不能關上。〕
　　　　　唔好俾架車停。［不耍讓汽車停駛。］

［比］：廣州音〔bei2比〕
〔１〕比嘅字義較廣，一般用喺較量或者譬喻嘅意思。
　　　比附，比較，比照，比試，比喻，比價

畀，俾，比，三個字基本上各有所指，唔係太容易混淆。
但係由於香港嘅報刊同雜誌，經常將［畀］嘅意義嘅字寫成［俾］字，所以先至有呢種混亂出現。

［俾］．意義係：「使」。
　　　《廣韻》、《爾雅》：等均言「俾，使也」。

［畀］．意思係：「給」、「付與」。
　　　《爾雅》：「畀，賜也。」
　　　《玉篇》：「畀，相付也，與也。」
　　　《說文》：「畀，相付與之。」

所以嚴格來講，我哋日常用嘅「bei2」字，正寫應該係［畀］。

但係點解我哋會用咗［俾］來代替［畀］呢？
［俾］讀音係〔bei2〕，同粵語嘅〔比、彼〕同音。
［畀］讀音同係〔bei2〕，又有讀音〔bei3〕，同粵語入面嘅〔庇］、［秘］、［臂］等同音。

由此可見，我哋常用嘅「bei2」字，同［俾］同音，但係又同［畀］同義。由於［俾］、［畀］音近，而［俾］嘅現今書面語仍然保留著，所以經常用咗［俾］來代替［畀］。

〔香港語文．廣東話資料館〕

另外一個常見嘅約定俗成係「仲要/仲係」
其實應該用重 因為重先有「還」嘅意思
Google 畀/俾 重/仲 會搵到
好過喺連登問人

查完兩隻字都各有說法咪問人囉


btw多謝巴打慷慨解囊傾授

on99

我而家畀份報告老闆, 睇睇兩個供應商邊個比較平, 你唔好俾其他同事知呀.

畀個小白兔印你