買連租約單位，有什麼地方要特別注意？

最近睇二手樓，發覺自住放盆唔算多，自住業主價錢方面比較硬，想請問如果買連租約單位，有什麼地方要特別注意？

第一 : 連租約買俾唔俾你睇盤
第二 : 唔俾你睇盤的話，相片與實物一定有出入，當中單位間隔同漏水問題要到你收樓前驗樓果日先知
第三 : 租霸問題，現有租客交租情況如何
第四 : 連租約買要睇埋上手業主同租客之間份租約點寫同埋有無打釐印
第五 : 按揭成數最高做得五成，不過租金收入當中70%可以當做入息計算

通常平咗5%以上，真係唔知值唔值得博？

問題係就算你想買自住盤囉，都好難搵到一啲俾市價嘅自住盤，可能因為盤源唔多，好多業主獅子開大口，明明最近成交係兩萬蚊呎，佢就會加5到10%

當個5%係裝修錢

如果你係預左全爆新裝修就問題不大
平左果5%當係資助你裝修
唯一要留意就係單位座向景觀同漏水問題
有時唔行入個單位入面都唔知道究竟望到乜同感受到乜
雖然個單位唔係凶宅都好但入到去硬係好唔自然都試過

其實睇過一個自住盤，覺得唔錯，但係業主嘅叫價比市價高5%，應該好難成交到，所以只考慮睇吓樓上樓下相同坐向，有冇合適嘅連租約盤，所以問吓巴打意見

你個租約盤係平過市價5%定係平過自住盤5%
見你寫自住盤係高過市價5%
如果租約盤平過市價5%來回計的話成10%

平過市價5%來回計的話成10%, 所以問題係貴過市價5%你唔想買，買連租約盤有冇陷阱？我係參考最近兩星期嘅成交

生約交吉 定 死約？
死約要5成首期

你本身睇過同座向的話買樓上樓下景觀應該都清楚係點
加上你自住全爆新裝的話陷阱就無乜
唯一要考慮就係你take唔take漏水呢個risk

我都暫時冇資料，個agent話冇業主盤，只有租約盤，不過暫時冇詳細資料

死約，唔交吉，如果交吉就唔係問題

最驚就係收樓好麻煩，唔知而家係咪容易好多？

租客知業主賣左有可能玩野，屈錢先走，
新業主交吉日收唔到樓又可以原業主損失

呢啲就係風險，不過買連租約盤，業主通常都係投資者，價錢比較容易商量好多

有冇ching買過連租約樓，分享一下經驗？

十年前買過連租約
冇得睇樓，唯有樓上樓下望下坐向就買
你都可以問下看更個租客點同單位有冇漏水
平5%算少
你唔急搬入去，不妨等下
而家都跌緊，之後買仲平

謝謝，其實唔係好急，只是見到供應好似好小，好小業主放盤，業主價錢也離地，高過最近兩週成交5%，所以研究下連租約盤

不過又咁講，之前我甩名，都有成交紀錄
當然我講個價可以平少少慳印花稅或貴少少借多啲錢
所以得一單半單紀錄嘅話，你講嘅市價都未必係真
供應少，俾你做業主都會叫高啲啦，佢又未係好急
從來都係急果個就係蝕底果個，你唔急咪等下，到有其他人換樓移民，佢就係急過你果個
你議價能力會高啲