一人一個比小學教畜傷害嘅經歷

海狐狸

637 回覆

1457 Like 20 Dislike

馬斯坦古上校 2021-12-22 19:56:30

細個數學不嬲差有次好比心機做功課
出黎唔合格之後個老師大大聲講話我抄功課仲要抄另一個唔合格既同學又成日針對我
而家都好憎數學

祖高爾讓我下沉 2021-12-22 20:27:19

其實好多興趣，性格或者肯唔肯讀書都係小學養成
偏偏咁重要既年紀既老師入行門檻咁低
小學果d呃飯食既教畜其實抹殺左好多小朋友既可能性
，甚至有童年陰影

細個讀小學係每一日都唔叫開心，返學等放學
雖然我間中學唔叫好，但班主任肯同我地傾計玩得埋，又冇咁多小圈子，係開心好多

我地小學果陣係幾班普通班玩埋一齊，唔會同精英班玩，因為我地都覺得果d學生同教佢地既老師好睇唔起我地，甚至有咩班際比賽我地係互相支持對精英班既對家

郭嘉駿(敢言) 2021-12-23 02:45:54

香海正覺蓮社佛教陳式宏學校

譚姓中文女教師，因為我啲毛筆字寫得核突就當住全班面叫我打開俾同學睇，仲要佢哋評價，小息仲扯住我件校服落教員室俾所有老師睇落我面。

林姓體育女教師，因為我坐低所以扯我耳珠係咁鬧，唔講以為我殺佢全家。

鄺姓英文女教師兼訓導主任，明知我英文差就係咁當住全班面講我啲功課做得幾差，平時班上有人搞事就淨係鬧我，有啲乜野衰嘢都賴落我身上先。小六果陣逼到我差啲跳樓事後冇收到佢任何道歉，係派位嗰日當住我老母面叫我唔好叩門，因為冇任何學校收我(最後叩門入左第二間中學

)

佘姓英文女教師，日常針對不在話下，又係有咩就怪落我身上先，有次請病假交完醫生紙就係咁話我冒醫生簽名係咁逼我認。再有次係條街見到佢冇同佢打招呼，第二日返到學校當全班面話我冇禮貌係街見到老師唔打招呼，叫啲同學唔好學我。

熊貓（送餐） 2021-12-23 03:05:46

小學低年級嗰陣有中文教蓄成日針對性咁言語傷害我，基本上每一堂中文都覺得好唔開心

但我本身自己係好鍾意中文呢一科，但係上佢哋堂簡直係折磨
好記得小學三年級嗰陣，我哋每行四個人咁坐，個老師派工作紙嗰陣數錯咗派得嗰三張俾我，我係坐第三個位，咁我見最後嗰個同學冇，我就俾咗我自己嗰張佢，我再自己舉手同個老師講，我咁做係因為嗰個同學不嬲都係好內向唔敢舉手嘅人來，我自己舉手同Miss講話少咗一張，個Miss話我多管閑事，話我係咪自己唔想做先俾咗人，佢話我由得其他同學冇咪得，做埋啲無謂野，係因為我想唔做工作紙，之後罰企咗成堂，我仲記得係聆聽工作紙，仆街到佢唔俾份工作紙我，要我喺白紙上面寫答案

正一死畜生鬼唔望佢快啲死

我仲好記得有一次佢當住全班面前問我想唔想喺中文科考好成績，咁我梗係話想，條仆街一句飛埋嚟：你呀？永遠都冇可能㗎，好難考得好啦，我都冇教過你呢啲咁嘅學生。
嗰陣佢個咀臉我到而家都仲記得，你條仆街死八婆

但係我最後公開試係中文level都唔算差，係有* ，中學時期攞咗好幾次中文科獎學金又參加過徵文比賽得獎過
依家做緊嘅私補都係補中文