[識法律巴絲請入]工傷後係唔係一定要搵律師？

問題有啲長，唔好意思
話說媽咪9月工傷左，僱主僱員都已經去左勞工處開file，勞工處依家就話要等判傷，我想問下其實工傷係咪一定要搵律師？如果係的話要幾時搵？
我上網睇人講好似搵律師就係吿僱主疏忽，咁我想問下如果我地贏左的話律師費係由對家比？咁如果敗訴的話，所有律師費堂費都要我地自己比？

另一個問題
話說最近我媽認識咗一個自稱義工嘅女人幫佢介紹律師，咁啱啱上個星期四佢就上咗律師樓簽咗啲委任信同埋一堆妥托拎資料既文件，但突然因為某一啲原因，我媽就覺得個女人有可能係呃佢，咁所以媽媽就好堅持想換過第二個律師，但因為上個星期已經喺律師樓簽咗委任書同埋好多文件，所以我依家唔知道應該點樣幫佢終止同佢個律師嘅委托
係唔係即刻寫封信寄去律師樓要求立即終止委托就ok?

我真係完全0法律知識，感謝各位解答

你媽咪個雇主
有冇做過咩去保護員工避免受傷
有冇培訓
有冇設立告示小心xxx小心xxx之類

受咩傷 點傷

唔係話傷就要告人
你諗下入有冇真係疏忽先

舉例咁講
如果做廚房 老細已經教好點樣小心地滑
又告示又成日講
你再整傷
老細實際上都唔係話有好大責任上身
告都冇咪位入
最多長SL咪比5分4糧你

諗清楚發生咩事先

利申: 做過工傷補償科

同情況 諗緊上唔上律師樓
話律師費係保險公司比

和解/贏到就係

留心：判決金額 等於或少於保險提出方案=輸

顧主疏忽你可以告佢

唔告其實都會跟判傷%賠償

成功告入贏左有另一畢錢 但工傷之前既4/5糧同判傷都要扣返

邊度嚟咁多「義工」

艇仔就艇仔啦

係，越快越好，但最好先去法援，其間僱主叫你簽文件都盡量拖，等到法援比律師你再比律師睇

個女人義工不可信，不過依家律師正常不會做古惑野，有擔心就直接寫信給律師說明終止聘用和所有授權

尤其是不要隨便應任何政府部門以外的人要求錄口供，好多人扮中立，其實收僱主/保險公司錢做鳩傷者

咁想問多一樣野，如果工傷唔搵律師，最後得到賠償就係跟判傷%去計，但如果搵律師，就可以吿僱主疏忽，有機會得到更多賠償，係咪咁嘅意思？

之前有一間公證行上屋企同我媽媽落口供，當時我又返緊工，唔知有冇影響，不過媽咪有影低嗰份口供內容，睇落就正正常常唔似有加鹽加醋

同埋聽講保險公司會搵私家偵探跟蹤個傷者，真係好痴線

痴線得過成日影到神蹟，腰痛咗13個月病價，可以拎全2包8kg米追巴士

通常員工受傷，可以同時告僱主工傷加人身傷害，兩場官司，奴工處判傷幾乎大多數時間都判得少過打官司。
但詳情要問律師，因為要看案情才能給你實際和對你案件有用的意見。案情改少少，結果就可以好不同

法律位有時律師先明，班公証行就係收保險公司錢的

咁嗰個人就唔醒目啦做戲都做全套吖嘛

係，直頭成個產業鏈

咁希望嗰份野影響唔大啦

巴打唔好意思想問多少少
我睇過法援個網站但佢啲QNA都幾難明
申請法援係咪會指派律師俾你？定係都可以自己指定律師？
如果係嘅話巴打你會建議自己指定律師定係等法援派？
如果申請法援官司最後敗訴會發生咩事？

手痛攞兩筒水泥我都見過

法援可以指派律師比你，你有相熟律師也可以指定，所以好多律師都會有免費諮詢甚至免費幫你做開頭簡單野，博你指定他

法援後輸官司就輸分擔費

原來係咁 感謝你解答